مــن اقـــوالــهــم لــي (1)

**حمدي السمر** · #1 16/03/2011, 00h18

قال الشوق :
مسجون في غيمة مفرهده
ومتغطي بي حـــس الندي
مارق من البوح والـمســام
في شكل عاطفه ومفـردة
قال الحنين :
متسربلك دم في الــوريــد
وسارقني منك شوق شديد
خليني أتـــهـــجــاك وانوم
علي كتفك الطول شـريــد
قال الليل :
أنا صاحي شان أقراك نجوم
وإنت بتلقط في الــهمــــوم
ياساري في الاحزان وطــن
علمني جنبك كـيــف أنــــوم
قال الشجن :
نيلك مــرصّـــع أمــنــيات
فــرحانة حــــدّ الذكريات
يامتوّر الإحساس وجــع
قُول لي متين الهجعة جات
قالت كلتوم :
يوماتي جنبك في الخيال
أكياس من الفرح المحال
أوع تكورك تاني شـوق
تفضح تضاريس الجـمال
====
حمدي السمر
2010

كلتوم : اسم رمزي للملهمة وهو اسم

جامع لكل الاصالة والجمال

**سعدالشرقاوى** · #2 16/03/2011, 13h17

قال الشجن :
نيلك مــرصّـــع أمــنــيات
فــرحانة حــــدّ الذكريات
يامتوّر الإحساس وجــع
قُول لي متين الهجعة جات

الله عليك
اخى الاستاذ حمدى
نجد راحة النفس
بين سطوركم
لكم التحية

**عفاف سليمان** · #3 18/03/2011, 10h39

رباعيات جميله
اخى الكريم
****أ. حمدى السمر****
نتمنى المزيد منها
فهى خفيفه
ولها معانى راقيه
ورائعه
دمت لى وللجميع بخير
وننتظر البقيه
من الرباعيه
ارق تحياتى
اختك عفاف

**حمدي السمر** · #4 21/03/2011, 23h22

اقتباس:

الله عليك
اخى الاستاذ حمدى
نجد راحة النفس
بين سطوركم
لكم التحية

هي نقطة في محيط ابداعكم ياعمي
ربنا يكرمك وشكراً شديد للتشجيع المتواصل

**حمدي السمر** · #5 21/03/2011, 23h25

اقتباس:

المشاركة الأصلية كتبت بواسطة عفاف سليمان

رباعيات جميله
اخى الكريم
****أ. حمدى السمر****
نتمنى المزيد منها
فهى خفيفه
ولها معانى راقيه
ورائعه
دمت لى وللجميع بخير
وننتظر البقيه
من الرباعيه
ارق تحياتى
اختك عفاف

ممكن تسمحي لي اطلق عليك لقب
الاميرة الانيقة ,,, لانو لو خشيتي
اي بوست سوف يكون انيقاً
ربنا يكرمك ياعــفــاف
ويقدرنا نكون متواجدين طوالي
ونقدم مايرضي الاذواق الجميلة