♫ . رمــان الجنــايـــن . ♫

[M O H A M E D]

من أروع ما قدمت الإذاعة المصرية في عصرها الذهبي الأوبريتات و الصور الغنائية ، ذاك الفن الذي كان البديل المناسب للمسرح الغنائي الذي كان في أوج ازدهاره في عصر ما قبل الإذاعة .

الأوبريتات و الصور الغنائية شارك فيها أفضل فناني هذا العصر من شعراء كبيرم التونسي و عبد الفتاح مصطفى و طاهر أبو فاشا و صلاح جاهين .. و ملحنين كأحمد صدقي و محمود الشريف و سيد مصطفى .. و مطربين كمحمد قنديل و كارم محمود و سيد اسماعيل ، و مطربات كنجاة و فايزة أحمد .. و عدد كبير من الممثلين و المخرجين.

يسعدني أن أدعوكم للاستماع لأحد هذه الأوبريتات " رمان الجناين " ، في انتظار مشاركاتكم و تحليلاتكم و آراءكم حول هذا العمل بكل عناصره ، و حول فن الأوبريت بشكل عام

و الموضوع بإهداء خاص لأستاذي المهندس محمد علي بك زعيم القناديليين
بمناسبة ذكرى ميلاده ، و سنة حلوة يا جميل ..

[M O H A M E D]

رابط التحميل

http://www.sama3y.net/forum/showpost...74&postcount=1

[M O H A M E D]

القصة :

يسافر "ابو أمين" للبحث عن تاجر يشترى محصوله من الرمان ، و يترك ابنه "أمين" يحرس الجنائن
أمين ذو الصوت الجميل يسهر يغني ، و يشغله حبه لجارته " رمانة " .. التي تسمعه و تُعجب بصوته و غنائه
و على الجانب الآخر هناك لص يتابع ذلك العاشق الهائم ، فيستغل غفلته ليسرق بعض الرمان ..
تذهب رمانة مع أخواتها لتقابل أمين الذي يُفتن بها أكثر ، و هي كذلك .. و يتفقان على موعد آخر
يأتي والد أمين فيرى تبدل حال ابنه فيسأله ما بك ، فيصارحه بحبه لجارتهم رمانة .. فيستحسن ذلك لصداقته بوالدها
لكنه ينتبه للرمان المبعثر على الأرض ، و يجد "رمانة" فيظن أنها السارقة !
في هذه الأحيان ، يضبطون على اللص .. و لكن يسامحه ابو أمين ، و لا يعاقبه حيث عمّت الفرحة على الجميع لزواج ( أمين و رمانة ) .

الشخصيات :

أمين : محمد قنديل
رمانة : سعاد مكاوي
ابو أمين : صلاح عبد الحميد
أخوات رمانة : الثلاثي المرح
اللص ( حرامي الرمان ) : عبد الحليم فاروز

[M O H A M E D]

الكلمات :

رمان الجناين

(1)

طـــاب و استـــــــوى
و جف عوده من الهوا
طاب و استوى الرمان
اللولي خدوه من حبّه
و الفرح لقوه في خدوده
رماني جميل و بحبه
من يوم ما اتلف فـ عوده
**
النسمة تفوت و تلاعبه
و الطير بالشوق غنى له
عاشق و السر في قلبه
و العين تحتار في جماله
ســوَّاه الهوا و لعب به
اقطفوا يا صبايا و عبوا
**
بكلام الحب آه لاغيته
بودادي و بالحنيــّـة
و بروحي و قلبي راعيته
و سقيته الهوا بإديا
سواه الهوا و لعب به
اقطفوا يا صبايا و عبّوا

(2)

- يا أميــن .. يا أميـــن
- مين نده عليــــا مين ؟
أبويا !.. أهلاً مرحب بك
- تعيش لنا و يحميك ربك
عندي كلام تسمعه يا فارس الفرسان
بكرة مسافر و فايتك تحرس البستان
يمكن يومين أو تلاتة
- في ســـــلام و أمان
- م السوق هادوّر على اللي يشتري الرمان
و اللي يقدر جمــــاله و يوزنه بميـــــــزان
- ألفين سلامة فـ رعاية ربنــــــــا الرحمن
- خد بـــــالك م الرمان
- اطمــــــن ع البستان
- اوعــى تفوت الرمان
- أنا طول الليل سهران
**

[M O H A M E D]

(3)

يا عاشق الليل أنا صاحي وياك الليل يا ليل
إن كنت نايم أو صاحي أنا ليلي طويل يا ليل
**
صوت بيسري من بعيد
رنته حلوة و شجية
يا ترى إنسان سعيد
و إلا شاكي الدنيا ديا
**
ليلاتي يا رمانة بيفوت من هنا
و يظهر إنه جار و ساكن جنبنا
يفضل يغني عن الغرام و عن القدر
و نار الهوى و طول السهر
و يختفي صوته تمام وقت السحر
و لا حد شاف و لا حد كان عنده خبر
**
يا جمال الرمان يا جماله
أنا هاسرق إيه يعني و ماله
صاحبه و فرحان بيغني
خليه مع أشجانه
و انا هاسرق رمانه
هاقطف و اخطف و املى المقطف
و اقطف و اخطف و املى المقطف
**
(4)

يا صاحب الملك وحدك يا رب يا موجود
لاغاك و سبّح بحمدك يا رب الوجود
سما و نجوم
سحاب و غيوم
و ليل و نهار
و فجر جديد
لكنه بعيد
و فكري احتار
إله موجود .. في كل وجود
و له أسرار
قلوب و قلوب .. هوى مكتوب
و نورها عمار
قال بينادي عليكم بين الشفق و الغيوم
يناجيه و يحلم بطيفه
تعرف حكايته إيه ؟
و قلب يعطف على قلب تاني
يسقيه بوشه شهد المحبة
و قلب يحلم ويا الأماني
مشتاق بيسأل عن الأحبّة
**
(5)

فيه إيه ؟ جري إيه ؟
فيه واحد بيغني .. و بصوته مجنني
أنا فاكرة .. أنا شفته .. بالصدفة .. و عرفته
بقى عارفة مين هو ؟
دا قريّب هنا هو ؟
- فين داره و مكانه ؟
- قدامك بستانه ..
- بستان الرمان ؟
- يبقى أبوه صاحبه
- يبقى احنا بقى جيران .. و ابويا كمان صاحبه
- تيجي نزوره ؟
- أما دي فكرة
- إمتى يا أختي ؟
- خليـــها بكرة
ساعة الفجر ما يطلع نوره
نجري و نلعب زي طيوره
**

[M O H A M E D]

( 6 )

حياتي غنوة لكل الناس
و تحكي عنها الناس للناس
حياتي غنوة
أحب اغني و طول ما بغني
أعيش بقلبي سعيد متهني
و اعيش بروحي مع اللي شغلني
في غنوة حلوة تقولها الناس
و يحكوا عنها الناس للناس
حياتي غنوة
**
( 7 )

يا جمال الرمان يا جماله
أنا هاسرق إيه يعني و ماله
صاحبه و فرحان بيغني
خليه مع أشجانه
و انا هاسرق رمانه
هاقطف و اخطف و املى المقطف
و اقطف و اخطف و املى المقطف
**
( 8 )

يلا بينا .. يلا بينا
بابا وافق يلا بينا
قلتي إيه ؟
- قلت له هانروح هنا نشم الهوا
- و قال لك إيه ؟
- قاللي لازم كلكم سوا سوا
**
بستان رمان أشكال و الوان
فيه جو جميل يهدي الحيران
و نسيمه عليل و ضل كمان
**
( 9 )

" رمانة .. "
صوت بيناديني
جاي من يميني
- لأ من شمالك يا ضي عيني
من جنب قلبك و القلب حبّك
اعشق جمالك و احلم بقربك
- و تبقى مين انا مش شايفاك
- تملي افوت تحت الشباك
- إنت اللي بتفوت و تغني ؟
و فـ كل ليلة تسهرني ؟
- أنا اللي حسنك يشغلني
و رمش عينك يسحرني
- صوتك جميل
- قربي مني
**
يلا بينا .. قبل بابا ما ينادينا ....
**