نبتة فول

**سعدالشرقاوى** · #1 14/09/2009, 21h46

حبّة الفول

أحسنتى فى القول يانبتة فول فى سجودك
وعرفتى فى الطين بتحنى لمين عنقودك
والأرض حنـّت وكنـّت فى الدفا لحضنك
ولف غصنك حصى شاهد على وجودك
,,,,,,,,,
فلقاكى ايد العنايه بالقدر نصّين
والروح مشت فى النـّوايه وعلـّمت صفـّين
بدات حياتك بحب الأرض والعشرة
وانفكـّت القشرة وظهر جوّه الغلاف فصّين
,,,,,,,,,,
رافعين ورقهم بنيّه للخشوع والفرض
مكتوب عليها الأجل والعمق ويّا العرض
والطـّرح ساعة معاده وامتى هاينوّر
وجدور تدوّر على النعمة فى بطن الأرض
,,,,,,,,,,,
بالحكمة سارى ف معدتك ويضخّ فى الشرايين
عارف طريق سكـّتك شادد غذاه م الطين
سارح وسابح فى حبّ الأرض ووجوده
فاتح لعوده مجال عايش مابين شطـّين
,,,,,,,,,
وفى النهايه يافول مأكول بنى الأنسان
لاحبست يوم خطوتك ولا مرّه كنت جبان
واللىّ عرف قصّتك حاير مابين أمره
ويقضـّى عمره ف خجل من نعمة الرحمن
,,,,,,,,,

الملف الصوتى متوفر

**رائد عبد السلام** · #2 14/09/2009, 22h04

اقتباس:

المشاركة الأصلية كتبت بواسطة سعدالشرقاوى

حبّة الفول

أحسنتى فى القول يانبتة فول فى سجودك
وعرفتى فى الطين بتحنى لمين عنقودك
والأرض حنـّت وكنـّت فى الدفا لحضنك
ولف غصنك حصى شاهد على وجودك
,,,,,,,,,
فلقاكى ايد العنايه بالقدر نصّين
والروح مشت فى النـّوايه وعلـّمت صفـّين
بدات حياتك بحب الأرض والعشرة
وانفكـّت القشرة وظهر جوّه الغلاف فصّين
,,,,,,,,,,
رافعين ورقهم بنيّه للخشوع والفرض
مكتوب عليها الأجل والعمق ويّا العرض
والطـّرح ساعة معاده وامتى هاينوّر
وجدور تدوّر على النعمة فى بطن الأرض
,,,,,,,,,,,
بالحكمة سارى ف معدتك ويضخّ فى الشرايين
عارف طريق سكـّتك شادد غذاه م الطين
سارح وسابح فى حبّ الأرض ووجوده
فاتح لعوده مجال عايش مابين شطـّين
,,,,,,,,,
وفى النهايه يافول مأكول بنى الأنسان
لاحبست يوم خطوتك ولا مرّه كنت جبان
واللىّ عرف قصّتك حاير مابين أمره
ويقضـّى عمره ف خجل من نعمة الرحمن

,,,,,,,,,

ياسلاااااااااااام
ياخال سعد يا شرقاوي
لما تمسك القلم وتكون رايق ....ومتأمل
حقيقي تسلم إيدك

رائع والله ياخال

الله عليك

**سعدالشرقاوى** · #3 14/09/2009, 22h27

اقتباس:

المشاركة الأصلية كتبت بواسطة رائد عبد السلام

ياسلاااااااااااام

ياخال سعد يا شرقاوي
لما تمسك القلم وتكون رايق ....ومتأمل
حقيقي تسلم إيدك

رائع والله ياخال

الله عليك

لمّاح00حسّاس00فنان
أخى الغالى الشاعر الكبير
الاستاذ/رائدعبدالسلام
وحشتنى جدا ومعذرة دى حالة النت
هى فعلا حالة من التأمّل على لحف الغيط
وها هو حسّ الشاعر
دمت مبدعا
وكل عام وأنتم بخير

**علاء قدرى** · #4 14/09/2009, 22h33

اقتباس:

المشاركة الأصلية كتبت بواسطة سعدالشرقاوى

حبّة الفول

أحسنتى فى القول يانبتة فول فى سجودك
وعرفتى فى الطين بتحنى لمين عنقودك
والأرض حنـّت وكنـّت فى الدفا لحضنك
ولف غصنك حصى شاهد على وجودك
,,,,,,,,,
فلقاكى ايد العنايه بالقدر نصّين
والروح مشت فى النـّوايه وعلـّمت صفـّين
بدات حياتك بحب الأرض والعشرة
وانفكـّت القشرة وظهر جوّه الغلاف فصّين
,,,,,,,,,,
رافعين ورقهم بنيّه للخشوع والفرض
مكتوب عليها الأجل والعمق ويّا العرض
والطـّرح ساعة معاده وامتى هاينوّر
وجدور تدوّر على النعمة فى بطن الأرض
,,,,,,,,,,,
بالحكمة سارى ف معدتك ويضخّ فى الشرايين
عارف طريق سكـّتك شادد غذاه م الطين
سارح وسابح فى حبّ الأرض ووجوده
فاتح لعوده مجال عايش مابين شطـّين
,,,,,,,,,
وفى النهايه يافول مأكول بنى الأنسان
لاحبست يوم خطوتك ولا مرّه كنت جبان
واللىّ عرف قصّتك حاير مابين أمره
ويقضـّى عمره ف خجل من نعمة الرحمن
,,,,,,,,,

الملف الصوتى متوفر

الله عليك يا شاعر لما تبدع ؛ و تنجلى ؛ وتشوف ايات الله فى (حبة الفول) ؛ وتصور لنا سجدة نبات لخالقها ؛ على صغر حجمها ؛ ودقة تكوينها ؛ لكن بتعلم بنى الانسان ؛ والله حسيت بيها كانها انسان ؛ عالم ؛ عابد ؛خاشع ؛ لقدرة الله العظيم ؛ الله ينعم عليك يا عم سعد برؤية حقيقة مخلوقاته ؛ و اسرار موجوداته ؛ لتبدع لنا صورة جميلة ؛ من صور الرحمن ؛ والله يا عم سعد تعلونى دهشه من اصطيادك للقطة الكونية الصغيرة دى (حبة الفول؟؟؟؟؟؟؟؟) عشان تطلع لنا صورة شعرية ؛ عالية الدقة ؛ غالية المعنى ؛ تسلم يا شاعر ؛ وتسلم افكارك ؛ من اجمل ما كتبت ؛ و ابدع ما صورت
يمكن دى تكون من تجليات شهر الصيام
كل سنة و انت طيب ؛ و مبدع صور جديدة ؛ تتحدث عن عظمة الخالق ؛ بريشة فنان

**د أنس البن** · #5 15/09/2009, 11h07

هكذا حال الإنسان المعتنى به من الخالق سبحانه وتعالى , ومن علامات العناية الإلهيه أن يجعل نظره عبره وصمته فكرا ونطقه ذكرا .. نظرت يا حاج سعد إلى نبتة فول فتأملت ورأيت ما لم تراه آلاف عيون رأتها ومرت عليها مرور الكرام أو اللئام , رأيت ساق النبات يميل بما حمل من ثمر تجاه الأرض كأنه ينحنى ركوعا لمن خلقه واعتنى به وأخرجه من العدم , وشاعرنا القديم نظر انحناء ساق نبات القمح فرأى الفارغة منها تشمخ برأسها ناحية السماء , وتأمل أخرى مالت بما حملت من سنابل ناحية الأرض , فعلم أنه لا يتواضع من البشر إلا من امتلأت رؤوسهم علما وحكمة ولا يرفع رأسه كبرا إلا أصحاب الرؤوس الفارغة الخاويه ...
وما كتبته يا حاج سعد بحسب رأيى يمثل مرحلة متطورة للكاتب والشاعر وحتى أهل العلوم النظرية البحته , آخر فكرهم وعلومهم فلسفة تلك الأفكار أو العلوم وهى مقدمة الحكمه التى من أوتيها فقد أوتى خيرا كثيرا .......
أحييك يا حاج سعد على هذا الإبداع الفلسفى البديع .............

**abuzahda** · #6 16/09/2009, 01h47

و الله ما أكرمها من نبتةٍ ، تلك التي أهدتنا هذه الروعة

يا عم سعد

**سعدالشرقاوى** · #7 16/09/2009, 13h04

اقتباس:

المشاركة الأصلية كتبت بواسطة abuzahda

و الله ما أكرمها من نبتةٍ ، تلك التي أهدتنا هذه الروعة

يا عم سعد

والله ما اكرمك انت من انسان يا استاذ/ابو زهده
فبالامس القريب
تاملت حديقة بيتكم تسبح
فى ارض تسبح
بنبات يسبح
وابنتنا وعد

فى ملكوت تسبح
ولاتعليق سوى ان نقول
لااله الا الله
محمد رسول الله

**ناصر دويدار** · #8 15/10/2009, 06h56

فى زحمة الهروب الوهمية وردود الأفعال الغير مبررة وحاجات كتيرة مالهاش معنى كانت هتضيع منى حتة دين قصيدة ربنا كان هيحاسبنى عليها ازاى ما قولتش الله الله الله
أحسنتى فى القول يانبتة فول فى سجودك
وعرفتى فى الطين بتحنى لمين عنقودك
والأرض حنـّت وكنـّت فى الدفا لحضنك
ولف غصنك حصى شاهد على وجودك
،،،،،،،،،
إيه السلام والوئام الأجتماعى والتصالح مع النفس
لغة خطاب راقية كأن الواحد بيلف أبنه من برد يناير أو كأنه بيحضن أمه وخـاصة الأرض حنت وكنت فى الدفا لحضنك.
فلقاكى ايد العنايه بالقدر نصّين
والروح مشت فى النـّوايه وعلـّمت صفـّين
بدات حياتك بحب الأرض والعشرة
وانفكـّت القشرة وظهر جوّه الغلاف فصّين
،،،،،،،،،
إيه يا عم ده جبت فلقاكى منين
ده انت بتعمل تجربة حية فى معمل الأحياء
كأنى قاعد قدام مصطفى محمود وحالة من التصوف الصاحية
السليمة ولغة حية عمالة تجرى وتلعب وتكبر قدام عينينا.
رافعين ورقهم بنيّه للخشوع والفرض
مكتوب عليها الأجل والعمق ويّا العرض
والطـّرح ساعة معاده وامتى هاينوّر
وجدور تدوّر على النعمة فى بطن الأرض
،،،،،،،،،
أنتقال سلس من التجربة العلمية إلى الحالة الإيمانية الخشوع والأجـل والعرض والحساب وهذا الأنتقال منطقى وطبيعى زاد المعنى عمق وإيمان وتجلى .
بالحكمة سارى ف معدتك ويضخّ فى الشرايين
عارف طريق سكـّتك شادد غذاه م الطين
سارح وسابح فى حبّ الأرض ووجوده
فاتح لعوده مجال عايش مابين شطـّين
،،،،،،،،،
الحكاية مش حكاية نبتة فول دى حكاية عظمة خلق الله وتأكيد من خلال لغة على النتائج الطبيعية للتجربة العلمية
السابقة كأنك مدرس فى فصل (عيال بليدة زى حالاتى) وقبل ما تمشى من الحصة بترجع تانى تعيد عليهم
نتايج التجربة كأنك عايز تقول اللى مش فاهم يسأل واللى مش عايز يحس إن شالله ما عنه حس لان الاحساس نعمة لكن عدم الفهم شعور إنسانى عادى .
وفى النهايه يافول مأكول بنى الأنسان
لاحبست يوم خطوتك ولا مرّه كنت جبان
واللىّ عرف قصّتك حاير مابين أمره
ويقضـّى عمره ف خجل من نعمة الرحمن
،،،،،،،،،
وقبل ما تنتهى الحصة بتتضح الرؤية بأن الحكاية مش نبتة فول وبس دى نبتة بنى آدم أنا على فكرة كتبت ملحوظة عن النص فى أوراق ونسيتها فى زحمة رمضان والعيد والمدارس
وأنفلوانزا الأوغـاد والخنازير لكن رجعت للفهرس لقيت النص طازة كأنه لسه جى من الغيط على الحنفية نص يدعو
بالتأمل والعظا وعظمة ربنا يدعو للتفكير والتدبر والمتعة لغة صوفية ناعمة فكرتنى بشغل عبد الفتاح مصطفى وانا عايز اقولك انك كتبت النص ده وانت فى حالة تجلى وتوحد وشفافية عشان كده طلع زى ماهو وعلى فكرة يا عمدة انا لاناقد ولا يحزنون انا بس حبيت النص لانه نص يخلى الواحد يرجع عامل كده زى مايكون الواحد بيسختبى ورا عظمة ربنا من السوقة والدهماء والرعاع والغوغاء نص صريح بيرجع الواحد شكراً يا عمدة على النص الراقى الرائع ده.

**سعدالشرقاوى** · #9 16/09/2009, 09h51

اقتباس:

المشاركة الأصلية كتبت بواسطة د أنس البن

هكذا حال الإنسان المعتنى به من الخالق سبحانه وتعالى , ومن علامات العناية الإلهيه أن يجعل نظره عبره وصمته فكرا ونطقه ذكرا .. نظرت يا حاج سعد إلى نبتة فول فتأملت ورأيت ما لم تراه آلاف عيون رأتها ومرت عليها مرور الكرام أو اللئام , رأيت ساق النبات يميل بما حمل من ثمر تجاه الأرض كأنه ينحنى ركوعا لمن خلقه واعتنى به وأخرجه من العدم , وشاعرنا القديم نظر انحناء ساق نبات القمح فرأى الفارغة منها تشمخ برأسها ناحية السماء , وتأمل أخرى مالت بما حملت من سنابل ناحية الأرض , فعلم أنه لا يتواضع من البشر إلا من امتلأت رؤوسهم علما وحكمة ولا يرفع رأسه كبرا إلا أصحاب الرؤوس الفارغة الخاويه ...

وما كتبته يا حاج سعد بحسب رأيى يمثل مرحلة متطورة للكاتب والشاعر وحتى أهل العلوم النظرية البحته , آخر فكرهم وعلومهم فلسفة تلك الأفكار أو العلوم وهى مقدمة الحكمه التى من أوتيها فقد أوتى خيرا كثيرا .......
أحييك يا حاج سعد على هذا الإبداع الفلسفى البديع .............

والدى الكريم الدكتور/انس
اخذنا من بعض ما افاض الله عليكم بنعمة التأمل
فى (سورة القدر)
فتفتحت فينا آفاقا جديدة للتامل
وما من كلمة فى كتاب الله تعالى يتأملها الانسان
الا ويغوص فى بحر فياض من الادراك والمعرفة
وسبحان الله
قال تعالى: (أَمَّنْ خَلَقَ السَّمَاوَاتِ وَالْأَرْضَ وَأَنزَلَ لَكُم مِّنَ السَّمَاء مَاء فَأَنبَتْنَا بِهِ حَدَائِقَ ذَاتَ بَهْجَةٍ مَّا كَانَ لَكُمْ أَن تُنبِتُوا شَجَرَهَا أَإِلَهٌ مَّعَ اللَّهِ بَلْ هُمْ قَوْمٌ يَعْدِلُون )
صدق الله العظيم
اتصور ان هذا الانبات لوكان بيد المخلوق
لما استطاع حتى انه(يرصّ حبات كوز الدره بهذا الاتقان )
لنعود للتامل فى قوله تعالى(ذَاتَ بَهْجَةٍ)
فسبحان الصانع
وما اقرب هذا الشبه0
لحظة المخاض الساجدة لله

**علاء طه ياسين** · #10 16/09/2009, 11h47

حبيبي وتؤأم روحي
سعد الشرقاوي

أقل ما يقال عن كتاباتك وعنك أنك أديب مبدع
وشاعر انقادت له مملكة الشعر
وإنسان حكيم
متأمل يصور ما يراه ويحسه
بلوحات كتابية فنية رائعة

ذكرتني في تأملاتك في نبتة الفول
حين تشق الأرض
بتأمرت رشيد سليم خوري الشاعر القروي
في حبة القمح
وهو يقول في أحد البخلاء

من حبة القمح اتخذ مَثَل الندي
يا من قبضت علي الندي يمناكا
(الندي : العطاء والجود والكرم)
هي حبة أعطتك سبع سنابل
لتجود أنت بحبة لسواكا
وكأنما الشق الذي في وسطها
لك قائل : نصفي يخص أخاكا

كل عام وأنت والأسرة الكريمة بألف خير
علاء ياسين