قنـاديـل الأمـل و العصـفور الحـائـر

**M O H A M E D** · #1 11/06/2009, 12h17

قناديل الأمل و العصفور الحائر

قلبــي عصفور
بيلـف شهـــور

و يحن لذكرى منسيـَّـة

و الشـــوق بيفور

و بيملـى بحـــور

و يدوب قدام دمع عينيا

و ســؤال بيدور

يا دنيـــا يا بور

ليه بقيتي قاسية كده عليا

و نجــف بنـُّــور

في السمــا بيدور

أنواره الدفـــا و الحنيـَّـة

و انا قلبي جبان

ليكـون دا كمـان

أمــــل و بيكدبهــــا عليـا

بيقـــول بحنــان

ارسمها كمـــان

البسمـة .. و اضحـك للدنيا

ارمـي الأحـزان

غني لها كمـــان

و اعزف على نايـك بإديــا

قلت له يا سلام

الدنيـــــــا آلام

و منين انا اجيب لحظة هنيَّة

قاللــي يا محتار

الدنيــــا قــــرار

و بإيدك تبقى مضوِّيـَّة

قلـت له يا سلام

و دا كلـــه كلام

و انا نفسي في حاجة حقيقية

***

قاللــي أهو بان

الفجـر اهو بان

بينادي عليك و على الدنيا

و آدي الأغصان

بتفـُـوق فوَقــــان

تصبـَـح تلاقيها منـَديــَّـة

و الطير اهو طار

فـــوق الأنهــــــار

و بيحضن نسمة معديـَّة

قاللــي في كلام

و انا قلـت كلام

فــي الدنيـا أنغـام مَخفيـَّة

ألـوان و الـوان

غـُـنا و ألحـان

بس احنا وداننا مصديـَّة

و انت يا إنسان

لــو في دخـــان

هاتشم ازاي ريحة زكية ؟!

**علاء طه ياسين** · #2 11/06/2009, 12h32

لا يوجد أجمل من الأمل في حياة قاتمة سوداء .. رسمت العصافير والطيور والزهور .. بريشة فنان ..

سفينتي لسه بشراعها
وشعري شاب
صحيت فجأة
لقيت البنت بتعاند وتهجـرني
وهية كانت الخمرة اللي تسكرني
وهية كانت الهدمة اللي تسترني
قالتلي بس لو ترجع
في عيني شـباب
أكونلك زي ما تهوى
ونفضل للأبد أحباب

علاء ياسين

**Tarek Elemary** · #3 11/06/2009, 12h42

قنديل الكلمة و الشعر محمد بك السلامونى
تغيب عنا (عن هذه الحارة) و تعود بما يسكتنا
و يفرحنا و يبهجنا و ينسينا العتاب
و يطفئ نار الشوق و يأسر الألباب
بالله لا تتأخر بعطاياك القيمة على الأحباب

**عفاف سليمان** · #4 11/06/2009, 14h06

و الطير اهو طار

فـــوق الأنهــــــار

و بيحضن نسمة معديـَّة

قاللــي في كلام

و انا قلـت كلام

فــي الدنيـا أنغـام مَخفيـَّة

ألـوان و الـوان

غـُـنا و ألحـان

بس احنا وداننا مصديـَّة

و انت يا إنسان

لــو في دخـــان

هاتشم ازاي ريحة زكية

استاذنا محمد السلامونى
لو مكنش الامل
مكنش بكره شمسه تهل
وبالانوار والفرح تطل
ولا تدفى قلوب الكل
واللى بشجر الحياه يستظل
اكيد فى الظل شعاع الشمس
فيها يهل وينور اوراقها للكل
والطيور حواليها تهل
تلملم من ثمارها لاصغارها
وشمس النهار تنور لاطفالها
وبالنور والامل نحى الحياه
وتبقى زى الفل
بالله عليك استاذنا سلامونى
لا تغيب علينا وتيجى الصفحه الادبيه وعلينا تطل
تحياتى لك وللكل
اختكم عفاف

**د أنس البن** · #5 11/06/2009, 17h05

أخى د محمد السلامونى
فيض من المشاعر الصادقه جعلت الوجود كله يتفاعل معك ويغنى ويصدح
حتى أن الست عفاف أصابها الحال فكتبت من نفس المحبره وعزفت على ذات الوتر
الدنيا حلوه يا صديقى لأنها أولا وآخرا خلق الله وصنعته ..........

**NAHID 76** · #6 12/06/2009, 10h19

بسم الله الرحمن الرحيم
الدكتور محمد السلامونى
جميله وفيه تقدمات ملحوظات
والرائحه الذكيه ح تشق الدخان وتظهر وتبان وتعم المكان
إن شاء الرحمن
تحياتى

**M O H A M E D** · #7 13/06/2009, 20h42

السلام عليكم و رحمة الله و بركاته

الأستاذ الكريم أبو صلاح
أصبحت أنا الملغوم بالدهشة أمام ما تخطه يداك
أسعدني مرورك .. و تعليقك وسام على صدري ، أعتز به
و أتمنى أن أحظى بمرورك دائماً على تجاربي المتواضعة
( )