وتقولي بأحبك يا ياسين

**علاء طه ياسين** · #1 17/05/2009, 10h54

نفسي أرجع أنا وانتي صغار
وأقابلك ع الترعة ونلعب
واجري وراكي ميت مشوار
ولا نرتاح أبدا ولا نتعب
واقطفلك زهر الياسمين
وتقولي بأحبك يا ياسين
ويقولوا علينا عاشقين
ولا نزعل أبدا ولا نغضب

نفسي أقابلك تحت القمرة
تنعس إيدك وسط إيديا
أو في الضُهْر ف ضل الشجرة
حضنك يبقي ف حضني شوية
نتخلص من عقدة خوفنا
ما يهمش مين اللي يشوفنا
نتداري ف ضلة صفصافنا
وِمْن الناس والعالم نهرب

**غازي الضبع** · #2 17/05/2009, 11h40

أحسنت يا أخ علاء ..
بس مين ياسين ده

**علاء طه ياسين** · #3 17/05/2009, 13h22

شكرا للمرور والتعليق أخي غازي
أما مين ياسين فهو أنا ..
انت مش قريت اسمي علاء ياسين
شكرا ليك
انا قلبي فيه بهية .. بس فيه اوجاع وهم
واللي بينا مش شوية ... اللي بينا بحر دم
والمياتم في البيوت .. والسكك فيها العجب
يعني بسهولة تموت ... وانت مش عارف السبب
تحياتي
ياسين

**NAHID 76** · #4 18/05/2009, 10h47

بسم الله الرحمن الرحيم
استاذ علاء
اخى غازى الضبع عارف أن أنت ياسين وبيداعبك وحاطط أهداء فى المشاركه تعبر عن أنه فاهم الصوره أم عين مغمضه والثانيه مفتحه
بعنى عايز يقول لك قفشتك
خلى بالك الصور بتضحك أيه يعنى الكلام للضحك
أما تعليقى على ما كتبت
أم كلثوم بتشدو
أول للزمان أرجع يزمان
يا ريت أخى ياسين
بس هي فين عيون بهيه
تحياتى

**غازي الضبع** · #5 18/05/2009, 10h56

اقتباس:

المشاركة الأصلية كتبت بواسطة NAHID 76

أما تعليقى على ما كتبت
أم كلثوم بتشدو
أول للزمان أرجع يزمان
يا ريت أخى ياسين
بس هي فين عيون بهيه
تحياتى

**سمعجى** · #6 18/05/2009, 11h12

و تقوللي باحِبك يا ياسين

و اللهِ حلوة و جديدة يا أستاذ علاء

و الأحلى إنها جات عَ الجرح مع صاحبي " ياسين "
صاحِب الإسم الحَرَكي " غازي "

آل غازي آل

**غازي الضبع** · #7 18/05/2009, 10h51

اقتباس:

المشاركة الأصلية كتبت بواسطة علاء طه ياسين

شكرا للمرور والتعليق أخي غازي
أما مين ياسين فهو أنا ..
انت مش قريت اسمي علاء ياسين
شكرا ليك
انا قلبي فيه بهية .. بس فيه اوجاع وهم
واللي بينا مش شوية ... اللي بينا بحر دم
والمياتم في البيوت .. والسكك فيها العجب
يعني بسهولة تموت ... وانت مش عارف السبب
تحياتي
ياسين

عاشت الأسامي يا عم ياسين
أجدع ناس يا باشا
وأحلى اسم
لك خالص تحياتي واحترامي
أخوك .. ياسين