رواية فشر ـ 1920
تقديم فرقة نجيب الريحانى
تأليف وأغاني بديع خيرى
ألحان الروايه :
- ياريت عينينا جلعوها ياهو.
- أهي فرجت ع الناس كلتها.
- بالذمة قولولي يافنديه.
- شوفتوش حلمنجيه عموله.
- والله لو شنقوها.
- ديالوج يا بو الكشاكش ياما لسه نشوف.
- عقبال ماتشوف ليله زي دي.
ـ الجطن وما أدراك ما الجطن
- عقبال عوضك يا للي غرضك.
عمد :
الجطن وما أدراك ما الجطن في الأيام دي
شبعنا شفط في جنيهات على حسه يافندي
دا العمده ريش بعد ما كان جيبه مصدي
بلا فول بلا جمح بلا شعير بلا درة بلا دردي
فقراء :
يا وحسة الفجر يا زعزوع
حا يجطعم أبونيه للجوع
والبورصة طالعة لنا بمطلوع
والجمح زرعه صبح ممنوع
عمد :
دي لزجة ايه م الباب للطاج
باجته نحس ياوش خناج
فقراء :
حرام عليكو راجبوا الخلاج
دي الدنيا ما دامتش لجندي
عمد :
حد يحاشرنا في أطياننا وأطيان أبونا
إن كنا نزرع غله والا مكرونه
تجوعوا تشبعوا ماحناش فاتحينها طابونه
واللى مش عاجبه دوخيه يالامونه
فقراء :
إيش معنى بس يحللوا حبس الحراميه
ويسيبوا اللي اتخلجم للدنيا أذيه
أنا لو كنت منك يا حكومتنا يامصريه
لاحبس كل اللي مافيش في قلوبهم حنيه
__________________
أحرث حقول المعرفه
لتقطف سنبلة الفهم
التى بذرتها
التعديل الأخير تم بواسطة : د أنس البن بتاريخ 17/05/2009 الساعة 20h40
|
العرض المتطور
