بتسمــــــع إيــــــــه ؟

**M O H A M E D** · #1 20/03/2008, 13h10

بسم الله الرحمن الرحيم

السلام عليكم يا أحلى سمّيعة فى الدنيا

من أول اشتراكي فى المنتدى و انا بفكر أفتح الموضوع ده
موضوع نتعرف من خلاله على أذواق بعض

يعنى كل واحد يقول

إيه هي أغانيه المفضلة ؟

يعنى كل واحد يعمل لستة بأحب الأغاني إلى قلبه

- مع وضع روابط إن أمكن -

ايه رأيكم ؟

**غواص النغم** · #2 20/03/2008, 13h49

هبدأ بـ 10 أغاني بحبهم جداً

1- أقول أمتي - للشيخ سيد النقشبندي .. و لحن بليغ حمدي
إبداع
إبداع
إبداع
و مش هتقدر تمسك دموعك !

2 - الحب اللي كان - ميادة الحناوي ..
و المرة دي الألحان و الكلمات كمان لـ بليغ حمدي .. الراجل ده عبقري

3 - إيه فكر الحلو بيا - عبد الغني السيد .. ألحان مين ؟ محمود الشريف ...
محمود الشريف أكتر ملحن محيرني .. أبدع فى العاطفي ، الوطني ، و الصور الغنائية ، حتى المونولوجات

* التلت أغاني دول من كتر ما دورت عليهم عرفت كل المواقع اللى لها علاقة بالطرب !

4 - الحب الحقيقي - للفنانة شادية

و لو قلنا فى البعد ارتاحنا .. نبقى بنضحك على روحنا ........ كلمات صلاح فايز
الأغنية دي بتفكرني بأيام جميلة
و سيبنا من كل اللي فات .. سيبنا من الشوق و الآهات
رجعنا نعيش أيامنا الحلوة .. خلينا نعيد من تاني الغنوة

5 - في قلبي غرام - محمد عبد المطلب .. و اللحن البديع لـ عبد العظيم محمد

أغنية تسكن القلب .

6 - على طول على طول - نجاح سلام شاركها فى الغناء ملحن الأغنية سيد اسماعيل

كل ما اقول الملحن جاب آخره ألاقيه يجيب جملة لحنية أجمل ..
و استنى استنى على باب الجنة .. خليني اتهنى

7 - طير بينا يا قلبي .. لـ محمد فوزي
و طير بينا يا فوزي

8 - حكايتي مع الزمان - وردة .. و اللحن لبليغ حمدي أكيد
و لا عتاب هيشفي جراح .. و لا هيجيب اللي راح !

9 - و هل يا ترى يعود طيري .. للملحن الرائع محمود الإدريسي
موسيقى مختلفة ، فيها انطلاق و سلاسة غير معقولة

أختتم بأجمل و أروع و ألذ حدوتة سمعتها فى حياتي
10 - حدوتة - محمد قنديل .. كلمات صلاح جاهين و لحن سيد مكاوي
و آااااااااااه
آه من طريقك الطويل .. و لا ليا غير قلبي دليل
عطشان يا مية سلسبيل .. حالي يا ست الحسن حال
إرخي شعورك الطوال .. خديني من حر الجبال
و ان ما لقيت عندك لقلبي دواه
لاعشق عيون الشمس و أهوى الهوا
و لو كنتي ست الحسن و الجمال
يكون أمير أحلام غرامك أنا

سلام

-

**عادل محمد** · #3 22/03/2008, 23h14

الاخ الجميل محمد السلامونى والاخ - الفظيع - الغواص ، اٍزيكم
عبد الوهاب : فى الليل لما خلى اولا ثم اهون عليك ، جبل التوباد ، الروابى الخضر
ام كلثوم : رق الحبيب اولا ثم ، ياما ناديت ، اغار من نسمة الجنوب ( قصيدة ياليتنا - انا اسميها كده - )
اسمهان : اسقنيها اولا ثم ياطيور
سعاد محمد فى دور انا هويت
شهرزاد : وادى الدنيا
فايزه : يالاسمرانى
عبد الحليم : انا لك على طول اولا ثم لا تلمنى واهواك - التسجيل القديم -
قنديل : تلات سلامات اولا ثم حبيب والله
طلب : بياع الهوى
كارم : امانه عليك
نجاة: اما غريبه
لطفى بو شناق : لو كان بايديا
بس تعرف يا سلامونى ان سؤال الجدع الغواص الذ ، انا لا احب لعبد الوهاب غنوتين : محلاها عيشة الفلاح لان الفلاح ما بيتمرغش على ارض براح ، والغنوة التانيه ، مين زيك عند ياخضرة ، لأنك لما تسمعها تعرف سبب نكبة 48
تحياتى لكما ولكل الاخوه

**سمعجى** · #4 22/03/2008, 23h34

أخي محمد السلاموني

تحياتي لموضوعك .. و لولا إن ( قائمتي ) طويلة ، لكتبتها ..
و فعلا صاحب المغارة أخي عبد المنعم كان عامل موضوع ( عكسي ) يخص الأغاني التي لا نحبها ، و قائمتي فيها أطول

أحييك على ذوقك الذي وافق ذوقي في ( حدوتة ، في قلبي غرام ، أقول أمتي ، الحب اللي كان )

أستاذنا الدكتور عادل ..

آهي ( يتمرغ ) دي إهانة ما بعدها إهانة ، و ناس كتير كانت بتنتقد
المعني ده ، لكن السؤال اللي هايفضل شاغلني ، هل عبد الوهاب
كان فاهم ، و لا كان حَسن النية ؟!

مع تحياتي

**غواص النغم** · #5 23/03/2008, 01h18

اهلا بكم
بالنسبة لرأي المتواضع ستجدونه
هنا
محمد عبدالوهاب نجم الاسبوع

**M O H A M E D** · #6 23/03/2008, 06h32

أستاذنا الجميل الدكتور عادل محمد ..
تحية لك و لذوقك
و بالنسبة لموضوع أخويا عبد المنعم فأنا ترددت في المشاركة فيه و في الآخر فضلت أحتفظ برأيي
يعني مثلاً أنا مش بحب أغنية الربيع لفريد الأطرش ، و عارف إن في ناس بيعشقوها
و برضه أغنية لعبة الأيام لوردة
و أغاني تانية كتير
و عندي مشكلة مع بعض الأصوات زي فايزة أحمد و محمد رشدي ، و لدي أسبابي الخاصة
و مع إني قناديلي المزاج و بحب كل أغاني محمد قنديل
لكن فى له أغنيتين لا يمكن أسمعهم ، و مش لازم أنبه الناس لهم !
و لذلك قلت نتلكم عن الأغاني اللى بنحبها أفضل
و سعدت بإن 4 أغاني من قائمتي تتوافق مع ذوق شاعرنا الجميل الأستاذ كمال
و ده شوقني أعرف و لو بعض الأغاني من قائمتك الطويلة
الأستاذ الغالي صلاح .. شكراً لكلماتك الطيبة ، و فى انتظار مشاركاتك القادمة ..
و أم كلثوم لي معها وقفة بإذن الله
و شكراً لكم جميعاً

**lolwah** · #7 28/05/2008, 10h52

اقٌول مين وأسيب مين؟؟
حليم-ثومه-نجاة-......إلخ
كتيييييييير
عموماً ياللا نبدأ
الست: الاطلال
نجاة: سكة العاشقين
وردة: بعمري كله حبيتك
شادية: غاب القمر-ياحبيبتي يامصر
فريد الأطرش: الربيع
محرم فؤاد: ياواحشني رد عليه
ماهر العطار: بلغوه
شريفة فاضل: فلاح
عبدالوهاب: كليوباتره-هان الود-كل ده كان ليه
فايزه أحمد: أيوه تعبني هواك
حليم: كُله
واعذروني للإطاله.

**NAHID 76** · #8 24/03/2008, 09h12

بسم الله الرحمن الرحيم
الاستاذ الفاضل محمد السلامونى
الوصلة الثانية
كل ما تشدو بة سيدة الغناء العربى السيدة ام كلثوم
كل ما يشدو بة الموسيقار عبة الوهاب
عبد الحليم حافظ
شادية
نجاة وردة فريد الربيع وعش انت
نجاة على ان رحت مرة تزور عش الهوى المهجور سلم على قلبى
عبد المطلب ودع هواك يا حاسدين الناس ملكم ومال الناس
محمد أمين غريب الدار على جار
يعنى يا استاذ سلامونى طلع عندك فى موضوعك سميعة من العيار الثقيل الذواقة من استاذ مختار الى زميل الدفعة الى الست لولى الى الى 000

**صالح الحرباوي** · #9 24/03/2008, 20h13

سلام واحترام،
.
بصراحة موضوع جميل يا أخي سلاموني و أحييك على هذا...و أنا وجدت الكثير مما أحب سماعه فيما قدمه الإخوة و الأخوات و هذا دليل على تقارب أذواق الأعضاء في سماعي.
و أنا شخصيا لا أحب الإستماع للأعاني التي أحبها إلا عندما يكون مزاجي رايق و في جو في منتهى الهدوء ...فمثلا لا أحب سماع أغاني أعشقها في السيارة أو في الشغل....أو في مقهى مثلا أو في سهرة صاخبة....
عموما الأغاني و الفنانيين كثير كثير قوي...و هذه دفعة أولى عالحساب......
.

محمد عبد الوهاب
حبيب القلب عود شوف الفؤاد
شبكوني (و نسيوني أوام)
على بالي يا ناسيني
الحبيب المجهول

أم كلثوم
يا كروان (والنبي سلم)
ليه تلاوعيني (و انت نور عيني)
يللي ودادي صفالك
مدام تحب بتنكر ليه

عبد الغني السيد
عالحلوة و المرة
أنا و انت في الهوى
الدنيا غنوة

علي الرياحي (تونس)
يا شاغلة بالي
لقد سمعها الكل بأداء لطفي بوشناق
ياللي ظالمني
لقد سمعها الكل بأداء المطربة الراحلة علية التونسية

و الأغنيتين من كلمات و ألحان على الرياحي نفسه
و من المدهش أنه لم يدرس الموسيقى و لا يعرف النوته
و كان الموسيقار محمد عبد الوهاب يحبه و يقدر أعماله
اسمعوه و ستتفاجئون كثيرا......

و سيأتي عبد المطلب و فريد الأطرش و كارم محمود و أسمهان و ليلى مراد و عبد الحليم و نور الهدى و هدى سلطان و شادية و قنديل و فايزة و نجاة و و و و .....ثم سأحاول من حين لآخر، تقديم بعض الفنانين من تونس ليكتشفهم أخواني الأعضاء..

تحياتي