كنت لما أحس إني لوحدي
أفكر بس فيك
وأحضن القلب اللي مليان
شوق ولهفة
وخوف عليك
وأشتكيلك باللي فيا
ولما كان بيزيد حنيني
وشوق سنيني
كنت أغمض بس عيني
ألتقيك
يا نور عنيا
كنت بفرح باللقا وأعشق حياتي
وأنسى وياك كل حزن في ذكرياتي
أنسى أوجاعي وعذابي
وبنسى روحي
بنسى ألامي وجروحي
وباللقا تسكت أهاتي
كنت عايش
بس عايش
طول غيابك بيك وليك
كنت لما أشتاق خيالي
بيرسمك
أسرح وأغمض ألتقيك
وأسألك وأنت معايا في الخيال
وأتأملك وأستنى ردك ع السؤال
ليه بقالك مدة غايب عني ليه
ليه تزيد حيرتي وعذابي
ليه تخلي فراق ما بينا قولي ليه
هو قلبك ما أفتكرش يدق بابي
مش هلومك
مش هعاتبك
مش هزود جرحي أكتر
أيوا هـنسى
ما فات وهـ أرسى
معاك أنا مش عاوز أفكر
ايه هقولك
بعد قربك
مهما قلت أنا شوقي أكبر
ده الهوى والحب بينا
حاجة تانية
حاجة عشناها في سنينا
ثانية ثانية
حاجه أكبر من كلامي
ومن عذابي
ومن ملامي
ومن خصامي
ومن عتابي
ومهما هوصفلك ما هقدر
ولما بفتح عيني وأصحى من الخيال
وألاقي روحي لوحدي بسأل 100 سؤال
ليه سايبني في حيرة بعدك
قلبي دايب شوق في بُعدك
كنت لمح
كنت قولي
كنت قدر حبي كلي
كلي بعدك في الألام
ولا بُعدك غصب عنك
مش قساوة وكره منك
كنت قولي إيه حصلك
حتى لو كلمة سلام
كنت طمن قلب حبك
لو بكلمة
أو بهمسة
حتى لو نظرة بعنيك
كنت هعرف منها مالك
ايه حصلك ايه جرالك
كنت هطمن عليك
ياللي بُعدك زاد جراحي
وزادني لهفة وحب فيك
لسه باقي في قلبي حاجه
نفسي اقولهالك حبيبي
قلبي عمره ما كان ناسيك
واللي بينا حب غالي
مهما طال سهر الليالي
يهون عذابي وإنشغالي
لما تحضني بإيديك
ياللي كل الشوق في قلبي
وبين ضلوعي أشتقته ليك
لما بشتاق لك بغمض
رغم بُعدك بلتقيك
رغم بُعدك بلتقيك
علي الهلالي
طــــــول غيــــــابك
العرض المتطور
