فات الميعاد
عارفه ليه فات الميعاد
عارفه نار الشوق
مابنا ....
ليه اتحولت فجأه رماد
عارفه ليه الحب
هاجر مننا ...
سافر بلاد بنا وبينها بلاد كتيره
وليل .... طويل
فيه اتزرع شوك البعاد
عارفه ليه فات الميعاد
يوم ممات الحب فينا
وانتحر فينا ... الحنين
والهوى اللى كان لقانا
قسته فينا السنين
يوم ماودعنا عينينا ..
ومالاقينا
دمعه خرجه من العينين
يومها ..
كان اخر ..... ميعاد
*********
فجأه فات منا الميعاد
وانزوى اللى كان مابنا
وفى عينينا من ... بريق
والامل اللى مابنا
وسط موج اليأس
فجأه كان ... غريق
والفراق ميل علينا
خدنا وياه من ادينا
كل واحد ... فى طريق
وانتهى كل اللى بنا
انتهى اصبح ... سراب
والندم شيب قلوبنا ....
زود الايام ... عذاب
يومها كان الهجر فينا
واتوعدنا
يومها فات منا .... الميعاد
*********
وأتجفينا ...
واللى كان بنا زمان
اندثر بين .... زكرياتى
وانتهت قصه غرامى
وانتهيتى من .... حياتى
كان مابنا خطوه واحده
فجأه خطوه ... بعد خطوه
اصبح مابنا .. الف ميل
والنهار اللى مواعدنا
مات مابنا
عشنا بعده ليل .. طويل
تهت وسط الزحمه
وانت ..
كان معاك من عينيا
كان ..... دليل
والنهارده
جاى تنادى باللى راح
جاى تصحى الجرح فينا
بعد ... مانسينا الجراح
جاى وطالب منى اسامح
وانسى ايام .. البعاد
لا
انتهى كل اللى بنا
فات خلاص منا .. الميعاد
فات الميعاد (من وحى اغنيه ام كلثوم )
العرض المتطور
