اخي العزيز وائل
تحية طيبة و ارجوا ان تكزن بالف خير انشاء الله. في (سلايد) رقم 1 اشرت لك على صورة الاستاذ عادل, و لكن انا لي ايضا سؤال الى الحبيب الغالي استاذ عادل, من هم العازفون المشار اليهم في سلايد رقم 2؟ الاول دائما اراه جالس بقربك في كل الحفلات, و الاخر في اقصى يمين الصورة, كلاهما من رواد الفرقة الماسية و لسننين طويلة.
مع ارق امنياتي
اخى العزيز
الاول على يمين الصورة الاستاذ نصر عبد المنصف رحمه الله
وده احسن واحد كان بيكتب نوتة موسيقى شرقية فى العالم العربى على الإطلاق وهو اللى كتب كل اعمال الفرقة الماسية من بدايتها
ومان كل الملحنين بيخلوه يكتب لهم النوت حتى لو حاتتعزف على فرقة اخرى , وهو ابتكر اشياء كتير فى الموسيقى منها علامة الازمة والمرجعات المتداخلة وطريقته درست بعد ذلك فى المعاهد الموسيقية وهو اللى علمنى التدوين , والثانى الاستاذ محمد كرم وهو ايضا احد نجوم فرقة ام كلثوم
وتحت امرك مع اطيب تحياتى عادل صموئيل
----------------------------------
تسلم لينا ياستاذي العزيز على ردك الوافي, و حقيقة و بدون مجاملة انا سعيد بهذه المشاركة. من كثر مانظرت الى عازفي الفرقة الماسية على مدى 35 سنة من خلال الاغاني في التلفزيون, حفظت وجوههم و لكن لم اعرف اسمائهم, و اليوم تعرفت بالشخص الذي كثيرا ما مدحت بعملة في ابتكار الرموز الخاصة بالتدوين الشرقي. انا في غاية الامتنان على ردك الكريم, و انشاء الله في صور اخرى من موقع (يوتيب) يمكن معرفة ميشيل المصري, محمد على سليمان, و بعض الاسامي الاخرى التي ذكرتها في مقالتك عن الفرقة الماسية
المخلص
وسام
التعديل الأخير تم بواسطة : وسام اكرم بتاريخ 10/11/2011 الساعة 18h15
وانا نفسى لما تسمعوا التسجيل ده تحسوا اننا عزفناه فى ايام معركة 1973 المجيدة
يعنى تحس من الموسيقى بصوت دخان المعركة
اثناء الحرب كان الجيش بيحارب
والفرقة الماسية متواجدة لمدة طويلة 24 ساعة فى استوديو 46 فى الاذاعة , مطرب خارج ومطرب داخل
احيانا كنا بنسجل 4 انا شيد فى اليوم , وكنا بننام فى الاستوديو , يعنى نخلص تسجيل لحن وننام ساعتين لحد ما ييجى مطرب تانى
مع اطيب تحياتى
الاستاذ العزيز و الغالي عادل صموئيل المحترم
اولا اشكرك على نوتة (يام الصابرين) و الحقيقة لاتتصور كم اعشق هذا اللون من الغناء, عندما تطلع كلمات الشاعر من القلب, و المطرب و الملحن على نفس الخط, و اشكر الاخ العزيز عاصم على ذوقة الرفيع. و لكن لي سؤال مهم عند حظرتك و الحمد لله جأت الفرصة في هذه الاغنية
في بداية صفحة 2 اشرت بكلمة( غناء الكوبلهات) اي بمعتى من ك1 والى اخر كوبلية يكرر نفسه من هذه المازورة و لاحاجة لاعادة تدوينها.
1- السؤال هل يمكن وضع علامة (سنيوا) عند هذه المازوة و علامة (كودا) للمازورة الاخيرة بدلا عن ذالك؟ ويكتب مثلا(يعاد 3 مرات من هنا) ؟ شرحت لي في مرة سابقة ان تفسير علامة السنيوا و الكودا مختلف في التدوين الشرقي عنه في التدوين الغربي.
2- و السؤال الثاني, ماذا يسمى الغناء قبل هذه المازوة سواء مطرب او غناء كورال؟ غناء مذهب؟ بصراحة في هذه النقطة عندي بعض الالتباس.ماهوا تعريف (غناء مذهب) بلغة التدوين الموسيقي؟
سوف اكون في غاية الامتنان لردكم الكريم.
تقبل خالص امتناني و شكري
وسام
اخى العزيز
التدوين فى الموسيقى الشرقية بيختلف عن التدوين فى الموسيقى الغربية , من حيث ان الغربية لها قواعد صارمة فى التدوين والمصطلحات , اولا لن كل شىء لازم يكون مكتوب مثل الحليات مثلا لأن العازف لازم يتقيد بالنوتة , يعنى حتى العزف القوى والضعيف كل شىء موجود , ايضا الموسيقى الغربية بتخضع لقوالب محددة لها خريطة مرسومة , لكن الشرقية ممكن كل لحن يكون فيه شىءمختلف
يعنى المذهب الصريح عندك مثلا اغنية انت عمرى : رجعونى عينيك لأيامى اللى راحوا , هنا ده مذهب صريح يعنى مقطع كامل محدود بتسليم موسيقى او لازمة انتظار , والتسليم هنا يعنى الموسيقى بتكون على ايقاع ثم يحدث إبطاء تدريجى لحد الوقوف
اما لازمة الانتظار يعنى مثلا زى اغنية ودارت الايام , جملة صغيرة بتتكرر عدة مرات بدون حساب لحد ما المطرب يحس انه عايز يغنى بيشاور للفرقة ويغنى , وتسمى لازمة انتظار يعنى انتظاراً ان المطرب يتسلطن ويبدأ الغناء , وفى اغنية ام الصابرين , تلاقى مافيش مذهب صريح , يعنى اكورال بيدخل وبترد عليه شادية وبيدخل تانى وهى بتدخل تانى , وهنا بتظهر حكمة المدون , انه ما يحاولش يعمل شكل ممكن يلخبط العازف , وايضاً من حكمة المدون فيه جملة بتعاد بعد فترة اناشخصيا بكتبها تانى لكن البعض بيعمل سينيو , طبعا لما تتفدى عمل السينيوهات بقدر الامكان افضل عشان العازف ما يفضلش نازل طالع , لكن فيه ظروف بتحتم عمل سينيوهات زى مثلا اغنية للصبر حدود عشان ما تبقاش الاغنية 15 صفحة
وكلمة غناء الكوبليهات عندما يكون لحن الكوبليه مكرر , واالموضوع الأهم انك قبل العزف لازم تنظر على الصفحة تفهم خريطة اللحن بعد كده كل حاجة سهلة
واكرر ممكن اتنين يدونوا نفس الحن , واحد منم تحس انك فاهم خط سير اللحن وواحد تانى تحس انك فى متاهة , ودى من اخطر المشاكل اللى بتحدث فى الاستديوهات واحيانا فى الحفلات لأن ممكن العازفين يدخلوا غلط
مع اطيب تحياتى عادل صموئيل
-----------------------------------
الاستاذ العزيز والغالي عادل المحترم
فعلا اشكرك على ردك الكريم و الجميل. هذه الاغنية على قصرها, و لكنها ليست كبيرة فقط بمعانيها و لحنها, و لكن بدروسها الموسيقي؛ اولا موسيقى, غناء كورال رجال؛ غناء مطربة؛ غناء كورال رجال؛ غناء كورال نساء؛ مطربة: يعاد بعدها كورال وبعد ذالك يبداء غناء الكوبليهات. بصراحة استاذي العزيز اكثر ماعجبني في تدوينك لها هوا (خارطة الطريق) اذا صح التعبير, لانه طريقية التكرار في هذه الاغتية على جماله, متداخل وقد يحير المدون. انت بسطها بالتدوين الحرفي للجزء الاول, و بعد ذالك اشرت الى الاجزاء المتشابهة (غتاء الكوبليهات), كما ان الغناء قبل هذا الجزء لاتنطبق عليه شروط(غناء المذهب) و قد شرحتها الان بشكل مبسط وسلس.
اكرر لك خالص امتناني وتقديري
المخلص
وسام
التعديل الأخير تم بواسطة : وسام اكرم بتاريخ 11/11/2011 الساعة 16h50
استاذى الجميل / عادل صموئيل
الشكر الكبير عل نوتة (اه يا اسمرانى - و يا ام الصابرين )
فيه اغنية صغنتوته وحلوه ومنتشره فى مدارسنا
( احلف بسماها وبترابها )
لكن فيها افتكاسات كتيره فى العزف من كتير من الزملا المدرسين - الرجاء تنويتها - ولانى كمان بحهز فريق عزف من الطالبات يقدم مجموعه من الاغانى الوطنيه وعايز اختم بيها
استاذ عزت دة نوتة احلف بسمائها
شوفها لحد ما استاذ عادل يبقى يكتبها
كل التحية
عزيزى عمرو
انا شفت النوتة لقيت شكلها غريب
عندكم كده ولا عندى بس
هى سهلة ممكن اتكتبها لكم مش مشكلة
عادل صموئيل
التعديل الأخير تم بواسطة : عادل صموئيل بتاريخ 11/11/2011 الساعة 16h32
اخى العزيز مجتهد مجتهد.. اليك نوتة سماعى بياتى العريان من تدوين الأستاذ عادل ارجو ان تسعد بها ..اما نوتة انت عمرى فانا املك نوتة صعبة شوية فى العزف وغير متداولة فاذا اردت ان ارفعها لك فقط اخبرنى.
مع تحياتى
ارمندو
رد: طلبات نوتة
العرض العادي
