احبائى
اليوم فى ذكرى مرور 45 يوم على وفاة عبد الحليم لله يرحمه زى دلقوت كنت ببقى قاعد فى بيته تقريبا كل يوم طول النهار لحد حفلة شم النسيم انا بجهز النوت عشان الفرق بتيجى الساعة 5 عايز اقول حاجةازاى كان حليم بيحترم الموسيقيين ,,,,, وقتها مكانش لسه الفيديو المنزلى ولا الدش ولا الكلام ده كان متعةالمثقفين الكام برنامج الحلوين الل فى التليفزيون المصرى زى نادى السينما .. كانت البروفة بتبتدى الساعة 5 وبنقعد يعن قول ل 9 او 9 ونص . فى يوم قال لنا الناهردة عايزين نخلص الساعة 8 عشان فيه ناس ساكنين ف عين شمس وقصده انا طبعا عشان نلحق نتفرح على نادى السينما الناهردة فيه فيلم كذا .. شفتوا ناس كده .. يعنى يهمه العازف انه مايبحسش انه محروم من حاجة .. وكذا مرة حليم قال كلمةوام كلثوم قالتها وعبد الوهاب قالها ان جبروت المطرب على المسرح 60 % منه الفرقة الحلوة .. بعد وفاة كل النجوم دعانى واحد عامل مطرب ممثلا مالوش فى الغنا اوى يعنى بيقدم فقرة فى فندق كل يوم والاجازة الأربعاء كان عشان يذل الموسيقيين يعمل بروفة الساعة 7 مساء .. وكنا نقعد ننتظره لحد الساعة 3 صباحا وكان ممكن كمان ما يجيش البروفة .. مع العمالقة كان اهم حاجةراحةالموسيقى يعنىيوم ااحازة ده مقدس كان عادة بيبقى يوم الجمعة وكان ممكن ام كلثوم تكسر النظام ده لما اغنية زى مثلا اغدا القاك والحفلة قربت وفيها لسه شغل كتير كانت بتعمل يوم اجمعة بروفة .. المهم كان بروفةام كلثوم الساع 10 صباحا .. وبروفة عبدالحليم كانت الساعة 5 مساء البروفة في بيتهم .. كان الساعة 10 صبحا يعنى قائد الفرقةيشاور .. يعنىتخيل ان عبد اولاهب موجود قبل البروفةبنصف ساعة فانت طبعا مش حاتروح والاستاذ والست قاعدين وبعدين فيه قعاد ودوزان الذى منه كل ده كان بيتم قبل الساعة 10 ومرة 2 عازفين مشاهير اتاخروا ربع ساعة الست مشتهم من الفرقة على نظام اضرب الكبي يخاف الصغير هى كانت ارمة جدا جدا فى المواضيع دى وراحوا كلموا الاستاذ عبد الوهاب اللى بالطبع ما يقدرش يستغنى عنهم اترجا لهم الست انها ترجعهم فقبلت وقالت بس بشرط مايحضروش الحفلة القادمة .. شفتم الالتزام كان ازاى وازاى الشغل ليه كان بيطلع رائع يعنى الفنان اللى قلت عليه بيتأخر ع البروفةخمس 7 ساعات ده كان بيطلع ع المسرح مش حافظ ولولا انه عنده فرقةفنون شعبية وبيعمل فقرات كوميدية يعنى عشان يدارى على خيبته .. كان زمان موعد التصوير الساعة مثلا 11 فى فيلم سينما كانت الست فاتن والست سعاد والست نادية بييجوا قبلها بساعتين يعنى عشان تعمل ماكياج والكوافير وهىبتعمل شعرها مساعد المخرج بيراجع معاها الحوار بحيث ان الساعة11 دى تبقى اكشن .. وشوفوا تترات الافلام تلاقى فى الفيلم كله كوافير واحد وماكيير واحد وطكانت الست فاتن والست سعاد يادوب بتجيب المرافقة بتاعتها بس عشان تشيل لها شنطة الملابس وتقلعها وتلبسهابس عشان الملابس ماتتكرمش .. عمرنا زمان ما سمعنا عن 15 كارفان كل فنان مالوش علاقة له كارفان مخصوص وكل فنان يقول لك فريق عمل الفنان زفت 7 اشخاص يعنىواحد يديه السيجارة ياخد منها نفس وواحد تانى ماسك له الطفايةعشان يرمى فيها الطافية .. والفنان مايبقاش نجم وبطل الفيلم إلا لما ييجى متأخر 5 ساعات على طاقم العمل وباقى الزملاء عارفين الله يرحم ايه ..... الله يرحم الاحترام وتقديس العمل هو الل ىخلاك الناهردة وانت عندك ريسيفر فيه 20 قناة شغالةافلام لما تقلب تلاقى عشرين فيلم شغال تلاقى الفيلم الابيض والاسود شغال وانت شايفه 4000 مرة تترك كل الافلام الحيثةوتقعدتتفرج عليه لحد آخره المضحك ان اى واحد من الل ما يساووش تراب بيمشى عليه اى عملاق من بتوع زمان بياخد دلقوت فى الفيلم 40 مليون وده يساوى مجموع اجور كل نجوم الزمن الجميل فى كل اعمالهم
رد: طلبات نوتة أ / عادل صموئيل الجزء الثانى
رد: طلبات نوتة أ / عادل صموئيل الجزء الثانى
"]
العرض العادي
