طلبات نوتة أ / عادل صموئيل الجزء الثانى - الصفحة 486

**dorame** · #**4851** 27/03/2016, 21h22

استاذنا الرائع عادل صموئيل
لقد قرات ردك على الاسئلة التي وجهت اليك بما يخص الفرقة الموسيقية لام كلثوم واعضائها اكثر من 5 مرات وكاني اعيش القصة الرائعة
اشكرك من كل قلبي لهذه المعلومات الرائعة والنادرة اتمنى ان تكثر منها
ولدي طلب ان سمح لك الوقت فهناك نوتة( سهران لوحدي ) فقط المقطع الاول فقط وقد بحثت بجميع المنتديات على النوتة الكاملة دون جدوى حتى في كتب النوتة لام كلثوم لا توجد
فستكون ايظا من نوادر النوتات في المنتدى
ولكم جزيل الشكر والاحترام

**عادل صموئيل** · #**4852** 29/03/2016, 00h09

احبائى
اقدم لكم نوتة من العيار التقيل اغنية عبد الحليم

ضى القناديل

الاغنية دى مطلوبة من فترة .. لكن انا كنت خايف اكتبها لنها موزعة .. ومشكلة التوزيع اننا مانقدرش نكتب خط لحنى واحد من اخلطوط المتداخلة ويطلع لحن مضبوط له قيمته .. لكن من حسن حظكم ان اللحن انا حافظه من زمان يعنى قعدت ادندن فيه وقت طويل واستخرجت منه اللحن الاساسى اللى عامله عبد الوهاب .. ومش حقول تعبنى يعنى ماخدش معايا غير يوم واحد على قعدتين كل قعدة اقل من ساعة ... بس هو كانت المشكلة الاساسية زمان زانا حسيتها بحوارات طويلة مع عبد الحليم شخصيا ... لن ظهرت المشكلة دى فى سنواته الاخيرة لما حب يقدم اغانى من اغانيه القديمة الجميلة ... كانت مشكلة خطيرة ان تعالى عند الاغانى الموزعة وحط تحتها خط احمر .. لأن ماينفعش تتنفذ ( وده كلام الخبير اوى يعنى ) من غير وجود عناصر اساسية وهى اولا الموزع نفسه وثانيا انوت الاصلية اللى سجل منها اللحن .. وثانيا نفس الفرقى بكامل عددها اللى عملوا البروفات وطلعوا اللحن اول مرة .. رابعا ... ودى ماحدش ياخد باله منها لكن انا بقول لك كلام خبرة الخبرة .. ان لازم او اعيد تنفيذ اللحن يكون فى فترة قريبة من وقت تنفيذ اللحن اول مرة .. يعنى ايه .. اغنية حبيبها مثلا بعد ماعملوها بجميع العناصر اولا وثانيا وثالثا .. لازم لو اتقدمت فى حفلة يكون فى وقت لاحق مش بعد خمس سنين يعنى .. ليه .. لن بيبقى الموزع فى مخه اللى عمله والتعديلات والفكرة لسه فاكرين التعديلات .. يعنى الموضوع فى الموسيقى الشرقية غير الموسيقى الكلاسيكية خالص .. فى الموسيقى الشرقية المايستو بينفذ اللحن الناهردة بإحساس .. ممكن بعد خمس سنين ينفذه بإحساس انى خالص .. لنه عمل بعده كذا لحن .. يعنى الآتموسفير ضاع .. بكس الموسيقى الكلاسيكية .. يعنى مثلا السيمفونية الخامسة بتاعة بيتهوفن ... فيه هيئات فى اوربا عندها النوت كاملة فى اى وقت وبتتجدد .. يعنى زمان كانت مكتوبة بخط اليد وبتتنقل بعدين ظهرت الطباعة القديمة .. دلوقتى فيه خبراء كتبوها تانى على الكمبيوتر ... بحيث انا اروح مكان ما ف ايطاليا او المانيا عايز اى نسخ كاملة من اى سيمفونية على ما اشرب القهوة يطون طبع لى اى عدد من اللى انا محتاجه .. ومفيش اى مشكلة يعنى اى اوركسترا سيمفونى متمكن واى مايسترو مقتدر حاينفذ السيمفونية 100% لأن الاحساس والذى منه كله مكتوب فى الورق ... لكن مشكلة الموسيقى الشرقية ان الاحساس بيبقى مش فى الورق بيبقى عند اللى بيقود الفرقة وبينقله للعازفين .. اتمنى ان تسعدوا بالنوتة .. وانا الحمد لله يعنى حاسس انى كاتبها حلو مع اطيب تحياتى

**خليل سليم** · #**4853** 29/03/2016, 02h45

السلام عليكم استاذ عادل المحترم اني حقيقة عاجز عن التعبير عن الشكر والتقديروالوفاء والامتنان لشخصكم الكريم وعلى اعمالك الرائعة في هذا المنتدى الراقي والتي اخرها ضى القناديل والتي كنت منتظرها من سنوات ادامك الله لنا ومنعم عليك بالصحه والسعادة وطول العمر وحفظك الرب

**منذر44** · #**4854** 29/03/2016, 05h06

استاذ عادل شكرا على ابداعاتك المستمرة

**بكر محمد دحدولي** · #**4855** 29/03/2016, 10h18

[COLOR="blue"]أستاذ و الموسيقار عادل صموئيل الكريم هل تستطيع من فضلك تدوين هذه الاغنية على مقام شوق افزا [/COLOR]( حكايتنا احنا الاتنين ) لليلى مراد من كلمات مامون الشناوى و الحان الموسيقار سيد مكاوي ,غنتها في الستينات تقريباً ,فهي اغنية جميلة جدا و لم يدونها احد من قبل و هذا التسجيل هو تسجيل استوديو و طبعا الكوبليه الثلاث والرابع هم نفس الكوبليه الثاني على اي حال هذا هو الرابط الاستماع و شكرا جزيلاً يا أستاذ عادل على تودين أغنية الدنيا ريشا و ضي القاناديل بكر دحدولي

**عادل الغامدي** · #**4856** 30/03/2016, 07h00

بسم الله ما شاء الله وصلتو عدد كبير ماشاء الله من الصفحات ومن النوتات والردود

**عادل صموئيل** · #**4857** 30/03/2016, 15h06

احبائى
اليوم ذكرى عبد الحليم رحمه الله
اقدم لكم اغنية ماحدش دونها من قبل

كنت فين ونا فين

مع اطيب تحياتى

**نجم النجوم** · #**4858** 30/03/2016, 18h26

احبائى
اليوم ذكرى عبد الحليم رحمه الله
اقدم لكم اغنية ماحدش دونها من قبل
كنت فين ونا فين
مع اطيب تحياتى
SSSSSSSSSSSSSSSSSSSSSSSSSSSSSSSSSSS
كنت فين وأنا فين جيت لى منين
والأيام دى كانت غايبة عنى فين
والله زمان يا أستاذ الأساتذة
تعيش وتفتكر
هوه ده زمن الفن الجميل
وعقبال وحدانى ح أعيش كده وحدانى
وشكرررررررررررررررررا
أخوكم
نجم النجوم

**hisham88** · #**4859** 30/03/2016, 21h43

ياياريت يا استاذ عادل و بمناسبة ذكرى العندليب تتفضل حضرتك بتدوين اغنية أعز الناس .
مع وافر الشكر على مجود سعادتك الدائم

**amrnabmans** · #**4860** 31/03/2016, 00h02

في ذكرى عبد الحليم في اغنية في قمة الاهمية حضرتك مش مدونها لسه
رائعة لا تكذبي
اتمنى انها تنول اهتمام حضرتك