طلبات نوتة أ / عادل صموئيل الجزء الثانى

[عادل صموئيل]

الاخ العزيز sfakhri
طبعا كلماتك اسعدتنى كثيرا .. وفيه حاجة مهمة جدا بالنسبة لأى واحد مثلى يعنى بكون سعدي جدا لما ادقق اوى فى حاجة واتع فيها احس ان حد بيقدر تعبى وانت ذكرت مشكورا كلمة الدقة المتناهية .. يعنى اللحن ده كعادتى انا كتبته بمنتهى منتهى الدقة كتبته بذمة يعنى ... انت طبعا حافظ اللحن المفروض بعد مافيروز بتغنى الكوبليه الاول ووراها الكورال الفرقة بتعزف المقدمة تانى نفسها كموسيقى للكوبليه ولكن بيختلف ان فى المقدمة كان بيدخل القانون لما صارت موسيقى الكوبليه الفرقة بتقول بدل القانون .. وهنا ممكن اى واحد عايز يكروت ويخلص نفسه يعمل سينيو ويكتب فوقها فى اسينيو فرقة يعنى حاجة تلخبط .. وفى الكوبليه الثانى لو تلاحظ ان اللحن تقريبا زى لحن الكوبليه الاول لكن مع اختلافات طفيفة وهنا الدقة المتناهية خلتنى اكتبو تانى ومع مراعاة الاختلافات الطفيفة دى لأن مخارج الكلام مختلفة كذا مرة ... وبرضو لو اى حد بيعمل وخلاص كان حا يكتب ع الكوبليه الاول غناء الكوبليه الاول والثانى
كمان فى الآخر الكورال بيقول المذهب ثم فيروز بتقوله لكن بتعمل ابطاء حتى التوقف .. فيه ناس بتعمل مرجع وتكتب ثانى مرة ابطاء بس برضو ممكن انس تتلخبط لن حايبقى فيه سينيوهات كتير وكودات كتير مالهاش لازمة واللحن اصلا صغير يعنى صفحتين ونصف ما يستاهلش اللخبطة دى .... والشىء المضحك فى كل المواضيع انى عان اتعودت على العمالقة فى الكتابة يعنى وانا بكتب اى لحن بحس ان الملحن خلفى بيراقب بعمل ايه وفى اللحن ده كنت حاسس ان فيروز هى اللى طلبته ولازم اديها شغل يخلى الفرقة تقول الله ايه الحلاوة دى مش مجرد نوتة يعزوفها وخلاص
مع اطيب تحياتى عادل صموئيل

[muhamadibra]

المشاركة الأصلية كتبت بواسطة عادل صموئيل

الاخ العزيز sfakhri
طبعا كلماتك اسعدتنى كثيرا .. وفيه حاجة مهمة جدا بالنسبة لأى واحد مثلى يعنى بكون سعدي جدا لما ادقق اوى فى حاجة واتع فيها احس ان حد بيقدر تعبى وانت ذكرت مشكورا كلمة الدقة المتناهية .. يعنى اللحن ده كعادتى انا كتبته بمنتهى منتهى الدقة كتبته بذمة يعنى ... انت طبعا حافظ اللحن المفروض بعد مافيروز بتغنى الكوبليه الاول ووراها الكورال الفرقة بتعزف المقدمة تانى نفسها كموسيقى للكوبليه ولكن بيختلف ان فى المقدمة كان بيدخل القانون لما صارت موسيقى الكوبليه الفرقة بتقول بدل القانون .. وهنا ممكن اى واحد عايز يكروت ويخلص نفسه يعمل سينيو ويكتب فوقها فى اسينيو فرقة يعنى حاجة تلخبط .. وفى الكوبليه الثانى لو تلاحظ ان اللحن تقريبا زى لحن الكوبليه الاول لكن مع اختلافات طفيفة وهنا الدقة المتناهية خلتنى اكتبو تانى ومع مراعاة الاختلافات الطفيفة دى لأن مخارج الكلام مختلفة كذا مرة ... وبرضو لو اى حد بيعمل وخلاص كان حا يكتب ع الكوبليه الاول غناء الكوبليه الاول والثانى
كمان فى الآخر الكورال بيقول المذهب ثم فيروز بتقوله لكن بتعمل ابطاء حتى التوقف .. فيه ناس بتعمل مرجع وتكتب ثانى مرة ابطاء بس برضو ممكن انس تتلخبط لن حايبقى فيه سينيوهات كتير وكودات كتير مالهاش لازمة واللحن اصلا صغير يعنى صفحتين ونصف ما يستاهلش اللخبطة دى .... والشىء المضحك فى كل المواضيع انى عان اتعودت على العمالقة فى الكتابة يعنى وانا بكتب اى لحن بحس ان الملحن خلفى بيراقب بعمل ايه وفى اللحن ده كنت حاسس ان فيروز هى اللى طلبته ولازم اديها شغل يخلى الفرقة تقول الله ايه الحلاوة دى مش مجرد نوتة يعزوفها وخلاص
مع اطيب تحياتى عادل صموئيل

ايوه كده يا مايسترو - هو ده الكلام - اعطنا تفاصيل وافكار ورؤيا التدوين لنعيش في النوتة اكثر - مبدع فعلا
د محمد ابراهيم

[منذر44]

استاذي العزيز انا احترم ما قلته
والناس اذواق انا احببت اللحن وساحاول عزفه سماعيا
وليس امامي الا ان اشكرك لاسعادك عشاق الفن الجميل
مع تحياتي

[elabed]

مرحبا أستاد عادل صموئيل المحترم
أرجوا من حضرتكم أستاد ادا كان لديكم بعض الوقت ... أن تقوموا بتدوين هده المقطوعة الصغيرة و هي للملحن أحمد قعبور لحنها لتلفزيون المستقبل أللبناني و تقبلو مني فائق ألإحترام و الشكر المسبق

http://youtu.be/1GaOCQUMaz8

[mahmoud feteih]

dفى اغنيه من اجمل مالحن بليغ حمدى لورده وحتى مش بتتذاع لان حصل عليها لغط من اخواننا اعداء الابداع والفنون فى بداية ظهور الفتاوى الخايبة عموما رغم ان ورده غنتها فى السبعينات ويمكن وقت ماغنى عبد الحليم قارئة الفنجان وكان سبب المشكلة مقطع بيقول روحك الحلوه الملايكه من حلاوتها تغير والاغنيه اسمها ايه والا ايه يعجبنى ايه وباحب ايه فيك والا يه واكيد يااستاذنا حضرتك ادرى بالموضوع منى ودى من وجهة نظرى من العيار التقيل لو موافقنى توكل على الله ولك جزيل جزيل الشكر

اخى العزيز
عارفها وعزفتها مع وردة طبعا ولها معى ذكريات يعنى احنا غنيناها اول حفلة وثانى يوم سافرنا البحرين لأول مرة ان شاء الله نكتبها
مع اطيب تحياتى عادل صموئيل

[عادل صموئيل]

الاخ العزيز وائل علوى

اقدم لك اغنية وياك لفريد الاطرش نسخة من فا ونسخة من دو

مع اطيب تحياتى

[وائل علوي]

اخي العزيز عادل صموئيل
اشكرك من اعماق قلبي على تلبية طلبي وانت حقا دائما عند حسن ظني فيك في الطيبة والكرم والعطاء
ربنا لا يحرمنا منك ومن اخلاقك العالية
وتسلم ايدك
مع خالص تحياتي

[علي ثلاثة]

الأستاذ عادل
أشكرك على هذا الكم من بديع النغم وحلو الألحان
---
بحثت عن مدونة أغنية
من قد ايه كنا هتا
لمحمد عبد الوهاب
---
فوجدتها بمنتداتا الذي يزخر
بأعمال الأساتذة المتمكنين الكبار

وانا أشكر مدونها ورافعها
إذا كانا مختلفين

والمدونة ركزت بالخصوص على الموسيقى

فهل في الإمكان الحصول
على تدوين الموسيقى وكذلك

غناء الأستاذ محمد عبد الوهاب كاملا

وشكرا

https://www.youtube.com/watch?v=jfaFQigUhQo

[عاصم المنشاوى]

الأستاذ الفنان / على ثلاثة

رغم ان محمد عبد الوهاب هو اللى لحن وغنى "من قد أيه كنا هنا"....لكن أنا شايف ان "أمينة فاخت"...أدتها بطريقة رائعة ....أسمعها وقوللى رأيك....

اخى العزيز
هى طبعا مطربة رائعة بس الطبقة عالية عليها شوية .. يعنى النغمات العالية بتجيبها وهى على آخر مساحتها الصوتية بعكس عبد الوهاب قال كلمة البعد مثلا وتحس ان لسه عنده عشر نغمات كمان فوق ..
الملحوظات ان اللى كاتب النوتة كاتبها كويس من لحن عبد الوهاب يعنى ما اخترعش فيها من عنده وهى كمان ماخرجتش عن اللى عامله عبد الوهاب يعنى عملت حركتين من عندها بس مش وحشين اكيد لازم تحط بصمتها .. بعكس اصالة مثلا يعنى انا مش بستحمل اسمعها نص دقيقة لأنها فى كلمة تحط عربتين تلاتة .. اصل اقول لك ايه خطورة ان حد يغنى اغنية لعبد الوهاب زى دى مثلا ان اللى بيسمعوها عشاق عبد الوهاب مش اى حد عادى ودول فى سمعهم بيبققوا فظاع يعنى طبعا حافظين عبد الوهاب بالنفس .. واى تغيير تلاقى على طول ينزلوا التحرير ..
اروع مثال على الاجادة اغنية هان الود تسمعها من عبد الوهاب وشوف الابداع وكان تسجيل استوديو يعنى ما عملش اعادات لأنها كانت لفيلم منتهى الفرح ومحدد الوقت بخمس دقائق لكن تعالى اسمعها من فايزة عملت ها فى حفلة وقعدت تعيد على مزاحها هنا نقول المطربة عملت لحن عبد الوهاب بإبداع تانى غير اللى عمله عبد الوهاب مش بوظت اللحن .. اشمعنى هان الود لأنو عبد الوهاب مسجله بفرقة .. لكن لو انت سامعه مسجله ع العود بعدين تسمعه من مطرب على فرقة مش حايبقى فيه خالص للمقارنة لأن ده اداء وده اداء تانى
مع اطيب تحياتى عادل صموئيل

[عاصم المنشاوى]

الأستاذ / عادل

سؤال...لو فيه أغنية والمطرب بيغنى قرار...واللازمة الموسيقية من الجواب ...حضراتكم كعازفين بتركزوا فى اللازمة أكتر من العزف وراه...ولاّ بتعزفوا وراه قرار على جواب ....طب والمبتدئ مش محترف يعزفها أزاى .؟؟..كمثال : الكوبلية الأول من موعود " تانى تانى تانى ...راجعين انا وانت تانى ...لحليم وبليغ ".أو مشغول وحياتك مشغول ...لحليم والموجى...ممكن واحد يقول طب ماتعزفها من القرار ...طبعا بتفقد كتير من حلاوتها لو ده حصل....
اخى العزيز
السؤال عادى فى الفرق الصغيرة لكن فى الماسية وام كلثوم خطير جدا جدا ... يعنى نقاء الصوت اللى انت بتسمعه بينتج من احنا بنقرا النوتة من المكان المكتوب يعنى الجملة انا مثلا لما بكتبها عادة بكتبها من القرار والجملة دى لو جملة موسيقية بتعزفها الفرقة لازمة يعنى بتبقى مرة من القرار ومرة من الجواب والفرقة بتبقى كلها عارفة الكلام ده من غير ما حد يقول .. وطبعا كلهم لازم يكونوا بيعزفوا من مكان واحد عشان الموسيقى ما تطلعش مسلخة .. اما غناء مع المطرب لازم يكون من المكان اللى هو بيغنى منه يعنى ما ينفعش المطرب يغنى من القرار وانا اعزف معها من الجواب انا كده اضعفه .. ولو تسمع كل معزوفاتى تلاقينى بقول من المكان الصح بتاع الجملة .. فيه جملة مثلا المطرب بيطلع ع الجواب اللحن كده زى قارئة الفنجان فى : مقدورك ان ... هنا لازم انا كمان اقول معاه من الجواب وكتير من اغانى فريد بيطلع جواب لازم الفرقة تقول من نفس المكان اللى بيقول منه عندك مثلا ام كلثوم فى الف ليلة وليلة بتوصل لجواب عالى اوى لازم الفرقة تقول زيها لكن طول الغنا طالما بتقول من القرار لازم الفرقة تقول معاها .. هو خطورة واهمية الكمنجات انها بتبطن صوت المطرب فلو قالت من نفس المكان تعمل لو بطانة جميلة لكن لو عزفوا من مكان تانى انت تحس ان الغناء مسلوخ ... يعنى اسوأ حاجة دلوقتى الاغانى الجديدة مفيش موضوع الكمنجات تلاقى المكرب بيغنى على الهوا مفيش تحته حاجة تسنده ولذلك الطرب مات معاهم اما انك تعزف انت من الجواب فى جملة اصلا قرار لو تعزفها قرار مرتين بعدين تعمل واحدة جواب يبقى تلوين لكن لو تعزف الكوبليه كلو جواب بيبقى المستمع متشعلق حاسس ان فيه حاجة مش مضبوطة والاجابات كلها فى معزوفاتى يعنى اهم شىء عندى بعزف الجملة من مكانها الصح
مع اطيب تحياتى عادل صموئيل