طلبات نوتة أ / عادل صموئيل الجزء الثانى

[salhi_haithem]

اخي عمرو اسألتك جميلة جدا
حسب علمي من تتبع فيديوات الحفلات انه احمد فؤاد حسن قاد الفرقة لفترة قصيرة بعد التسعينات.. اما عازف القانون ماجد سرور هو دخل صلب الفرقة في فترة التسعينات و بداية من 91 كان يقود الفرقة عازف الناي محمود عفت و فترة التسعينات مثلت تحول في الموسيقى العربية ككل و هي في اخر ايام استاذ عادل مع الفرقة الماسية..
حتى الفرقة نقص عددها راح, و لم تعد ترى نفس العازفيين ماعدى حسن انور و عبد الفتاح خيري
و هي فترة التحول من فن و طرب الى غناء و تجارة و حسب فهي انه الاستاذ عادل اعتزل الفرقة و كان عمره في الاربعينات و كان ممكن انه يكمل المشوار لكن كان عنده نفس البعد النظري لعبد الوهاب و النظرة المستقبلية, فقبل ان يتلشى الفن بثلاث او اربع سنيين اعتزل كأنه يقول انا لا اشارك في هذه المهازل الفنية بعد ان شارك في بناء التاريخ الفني العربي..
اما بالنسبة للنقطة التي اثرتها حول تفكك الفرقة الماسية من اجل المال فهي حسب نظري مستبعدة لانهم كانوا يصنون تاريخ و كان المال شئ ثنائي جدا بل ارجح موت الاستاذ احمد فؤاد حسن هو السبب الرئيسي في تفكك الفرقة
اما بالنسبة للنوتة الجاية فهي لفيازة احمد "وتعالى شوف"
هيثم

[زينة الغريبي]

استاذ عادل شكرا على الاغاني التي قدمتها لنا و هي ذات قيمة فنية و هي اعمال تاريخية ولو ممكن اطلب من حضرتك اغنية غني لي شوية شوية و انا في انتظارك من تدوينك الخاص و شكرا مسبقا

[piano_piano_d]

[QUOTE=عادل صموئيل;594646]

احبائى

اقدم لكم من اعمال ام كلثوم الوطنية

قوم بإيمان وبروح وضمير
دوس على كل الصعب وسير

النشيد ده اتعمل فى وقت من اوقات مصر العصيبة ,, يعنى الفترة اللى بين نكسة 67 وحرب اكتوبر
كان وقتها الفن له دور كبير اوى .. يعنى بيحاول يخرج الجيش والشعب من خيبة الامل والمرارة بتاع الهزيمة ,, وبيجهز الناس للمرحلة القادمة
الفن كان اهم شىء ,, لأن تأثير العمالقة على الجمهور والجيش بيختلف عن المقالات والخطب
يعنى لو عايز الشعب يقلل من الاحساس بمرارة الهزيمة ... تخلى ام كلثوم وعبد الوهاب وعبد الحليم يدوه الاحساس ده
وانا لما النشيد ده انطلب حسيت ان دلوقتى كمان وقته
مع اطيب تحياتى
انا نزلت التسجيل للأخوة الاحباء اللى ماسمعوهوش او لن جايز مش متوفر
مع اطيب تحياتى
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــ

تسلم الأيادي أستاذنا المُحترم أ/ عادل صموئيل على المجهود الذي تبذله معنا ... وربنا يبارك لنا في حضرتك يا رب .

[swaifi73]

أعزائي اعضاء المنتدى الكرام
أستودعكم الله بأني سوف أتوقف عن التدوين إلى ما بعد عيد الفطر أعاده الله عليكم بالخير والبركه وهذا لأني سوف أسافر إلى مصر غدا إنشاء الله ولا أمتلك ألة موسيقية هناك حتى أدون وغير كده داخل رمضان وهيكون النهار صيام في جو شديد الحرارة والليل سكون مزدحم بمناسك الصلاة والعباده أعاده الله عليكم باليمن والبركة
وسوف أكون متابع معكم من فترة لأخرى لن أنقطع عن المنتدى
كل عام وأنتم بخير
تحياتي
محمد السويفي

[armendo]

المشاركة الأصلية كتبت بواسطة swaifi73

أعزائي اعضاء المنتدى الكرام
أستودعكم الله بأني سوف أتوقف عن التدوين إلى ما بعد عيد الفطر أعاده الله عليكم بالخير والبركه وهذا لأني سوف أسافر إلى مصر غدا إنشاء الله ولا أمتلك ألة موسيقية هناك حتى أدون وغير كده داخل رمضان وهيكون النهار صيام في جو شديد الحرارة والليل سكون مزدحم بمناسك الصلاة والعباده أعاده الله عليكم باليمن والبركة
وسوف أكون متابع معكم من فترة لأخرى لن أنقطع عن المنتدى
كل عام وأنتم بخير
تحياتي
محمد السويفي

اخى العزيز محمد السويفى.. المهم اننا نطمئن عليك, صار لك مده غايب عن الصفحه ..وبما انك حاي لمصر غدا بالسلامه فهى فرصه جميله ان نلتقى فقد تم ترتيب لقاء يوم الأربعاء الموافق 11 يوليو فى مقهى بوتشيلى بجوار الهناجر بدار الأوبرا وسيحضره الأستاذ عادل وبعض اصدقاء الصفحه بدعوه كريمه من الأستاذ اشرف محفوظ وان شاء الله نراك على خير.
مع ارق تحياتى
ارمندو

[عزت شحاته]

استاذى الجميل / عادل صموئيل
يا باشا اولادك بتوع فرق العزف مستنينك وحاطين ايديهم على خدهم
وعايزين يبدأوا - ومش عارف اقولهم ايه ؟
اى حاجه يا باشا نبدأ

عزيزى عزت
اصبر بس لحد قبل آخر الاسبوع
مع اطيب تحياتى
اصلهم كتير اوى

[swaifi73]

المشاركة الأصلية كتبت بواسطة armendo

اخى العزيز محمد السويفى.. المهم اننا نطمئن عليك, صار لك مده غايب عن الصفحه ..وبما انك حاي لمصر غدا بالسلامه فهى فرصه جميله ان نلتقى فقد تم ترتيب لقاء يوم الأربعاء الموافق 11 يوليو فى مقهى بوتشيلى بجوار الهناجر بدار الأوبرا وسيحضره الأستاذ عادل وبعض اصدقاء الصفحه بدعوه كريمه من الأستاذ اشرف محفوظ وان شاء الله نراك على خير.
مع ارق تحياتى
ارمندو

أشكرك استاذي وإنشالله أن لن أنقطع عن المنتدى ولكن سأتوقف عن التدوين لحين عودتي عمان
وإنشالله تسمح ظروفي وننسق مع بعض ونتقابل بهذه الصحبه الجميلة
تحياتي محمد السويفي

[نور الصباح]

الأســـــــــــتاذالجمــــــــــــيل والفنان النبـــــــــيل
عــــــــــــــــــــــــــــــــــــــــادل بــــــاشــــــــــــا صموئــــــــــــــــــــــيل
سلام الله عليكم ورحمته وبركاته
وبعــــــــــــــــــــــــــــــــــــــــــــــد
نرجو من جنابكم دام عزكم بمناسبة ذكرى الأربعين للفنانة الراحلة
وردة الجزائــــــــــــــــــــــــــــرية
أن تدون لنا لحنين من أجمل ما غنت وترنمت
=(( وردة الجزائريــــــــــــــــــــة ))=
وهما
1 - أقولك حاجة اسمعها وفكر فيها وانساها والملف الصوتى لها
بالمشاركة رقم (521) بتاريخ 8 / 1 / 2012 بطلباتالنوتة الجزء الأول
2 - ياعيونى ليه تدارى ليه مادام الحب دارى
و الملف الصوتى لأغنية يا عيونى ليه تدارىبالصفحة رقم { 10 } بتاريخ 19 / 5 / 2012 بالقسم الثانىمن طلبات النوت
ونكرر أولا وأخيرا أن البقاء لله وحده
وسبحان الحى الذىلا يموت
ونسألك اللهم الصبر والسلوان
ولها الرحمة والغفران
وشكرررررررررررررررررررررررررررررررا
أخوكم
نور الصباح
إخوانى وأخواتى الأعـــــــــــــــزاء
سلام الله عليكم ورحمته وبركاته
وبعــــــــــــــــــــــــــــــــــــــــــــــد :
من يوافقنى منكم علىهذين الطلبين
فليتكرم ويضم صوته إلى صوتى حتى يدونهما
أستاذنا وأستاذ الأجيال :
عـــــــــــــــــــادل بـاشـــا صموئـــــــــــــــــــــــــــــــــيل
وشكررررررررررررررررررا
نور الصباح

[زينة الغريبي]

الاستاذ نور الصباح انا اظم صوتي لك

[guest]

استاذ عادل المحترم /

كل التقدير و الاحترام و الاجلال ل حضرتك

حقيقة أنا استفيد و اتعلم من تدوينات حضرتك ل كلاسيكيات الاغاني المصرية و هذا مجهود خارق كلمات الشكر لا توفي حقك ..

أنا لا أدعي العلم أو المعرفة , و لكن سيدي الفاضل

أنا قمت ب تنزيل تدوين سيادتك لأغنية ( الحلوة ) ل عبد الحليم حافظ لأني احب الاغنية
المازورة رقم 12 - يوجد بها خطأ - هو بلا شك غير مقصود من حضرتك لأنه لا غبار علي خبرتك في التدوين
حيث أن الميزان 4/4 و المازورة كالأتي :
مي كروش - سي كروش - سي كروش - لا كروش - سي كروش - سكتة كروش
ثم
دو ري مي فا صول لا ----- 6 تربل كروش ؟!
حسابيا لا تستقيم .. لأن المتبقي من المازورة 1 نوار = 2 كروش = 4 دبل كروش = 8 تربل كروش
أو أرجوك التوضيح .. ربما هي حلية ؟ و لكن البرنامج لم يسعفك ؟
أنا من اشد المعجبين ب حضرتك و حرصي علي ذكر الخطأ ( اذا كان خطأ يعني .. ربما أنا المخطئ ) نابع من حبي ليك
أعتذر إذا كنت لا أ ستطيع تحميل النوتة مرة اخري لأنها موجودة في المنتدي

الرابط ل نوتة : الحلوة
http://www.sama3y.net/forum/showthread.php?t=96033
قائمة نوتات اغاني العندليب الاسمر عبد الحليم حافظ - النوتة رقم 3

شكرا جزيلا لأستاذي العظيم ملك التدوين
اخى العزيز
كلامك مضبوط
قبل ال 6 تريبل كروش ضع سكتة دوبل كروش تبقى اتحلت كده
هى المشكلة جت لأنى مش بقدر اكتب التوزيع انا نزلتها بعد التعديل فى المرفق
بس هى مش غلطة خطيرة لأنها سريعة جدا مش حاتبان
مع اطيب تحياتى عادل صموئيل