طلبات نوتة أ / عادل صموئيل الجزء الثانى

[سليم العباس]

المشاركة الأصلية كتبت بواسطة عادل صموئيل

احبائى
اهديكم اغنية من روائع تراث عبد الحليم

فى يوم من الايام

الاغنية دى بتفكرنى بحاجة مالهاش علاقة بالطرب
بتفكرنى بالطبيخ .... لأن عم محمد الطباخ الخاص بتاع عبد الحليم كان دى اكتر اغنية بيحبها

اما ليه انا تأخرت فى تدوبن الاغنية دى مع انها يمكن من اسهل الاغانى

انها تحتوى على ادليب فى كل جزء ... والاغانى من النوعية دى انا بفكر فيها وأرسمها فى مخى
يعنى الادليب ايه الاجزاء اللى ممكن تتكتب على ميزان والاجزاء اللى مش ممكن تتكتب غير ادليب
والموضوع ده بياخد وقت
لكن عندك الاغانى اللى انا بكتبها اسرع حاجة اللى مفيهاش ادليب وياسلام لو كوبليها وبيتكرر
مع اطيب تحياتى

أشكرك أستاذ عادل على قد ما عم محمد ( الطباخ الفنان ) يحب الأغنية دي ...
و زي ماقلت حضرتك إن الأغنية دي تحوي على ادليب في كل جزء و هذا ما زادها جمالا من جهة وصعوبة في التدوين من جهة ثانية . لكن جميع الأغاني الصعبة تتحول إلى لغة موسيقية مذهلة بعد أن ترتسم في تلافيف مخك العبقري .
في يوم من الأيام... كان هناك عندليب ملأ الدنيا غناء و ما زال ...
و كذلك عازف بارع يفهم لغة الطيور و يترجمها بكل أمانة .

[armendo]

المشاركة الأصلية كتبت بواسطة عادل صموئيل

احبائى
بمجرد ان الاخ العزيز ارمندو طلب الاغنية بدأت فى تدوينها فوراً

امانة عليك امانة يامسافر بورسعيد

يعنى بورسعيد دى مدينة باسلة وكل مصرى يتشرف ان بورسعيد مدينة مصرية
بورسعيد دى شعبها الباسل ( مش الجيش الباسل فقط ) ولكن عامة السكان والنساء والاطفال نزلوا على الاعداء ايام العدوان الثلاثى ستات البيوت كل واحدة منهم اخدت اللى طالته ايدها اللى نزلت بسكينة مطبخ واللى نزلت بأيد هون ( من النحاس المعتبر بتاع زمان ) واللى ملقاش نزل بكبشة واللى ملقاش نزل بشوكة مكرونة ونزلوا ع الاعداء قطعوهم
والاعداء هروبا من ادوات المطبخ اكتر من رصاص ومدافع الجنود
واللى بيحصل فى بورسعيد الآن حرام وعار بكل المقاييس
مع اطيب تحياتى

اخى العزيز الأستاذ عادل...اشكرك على سرعة الأستجابه مع تمنياتى ان تأتى العواقب سليمه إن شاء الله.

احمد (ارمندو)

[armendo]

المشاركة الأصلية كتبت بواسطة شاهين

سلام استاذ عادل
نتمنى لكل شبر من مصر الحبيبة الامن و السلام

بارك الله فيك اخى شاهين ...نعم إن مصر اليوم فى اشد الحاجه الى دعواتكم جميعا حتى تخرج من هذا النفق المظلم ,وحتى تنجو مما يحاك لها من مصائب فى الداخل والخارج .

احمد (ارمندو)

[علي ثلاثة]

أستاذ عادل
شكرا على هذا الكرم الفياض
---
في يوم من الأيام رجعت بي إلى
السيتينات
---
كنا خلالها نرتاد قاعات العرض السينمائي
واستمعنا إلى هذه الأغنية الجميلة
في فيلم
الوسادة الخالية-فيما أعتقد-
وكانت أغنية عبد الحليم هذه ملء أفواهنا
وقد أسعدتنا بتدوينها ونحن عاجزون عن شكرك
وبالمناسبة
أشكر أيضا
الأخ الكريم أرمندو وقد اقترح هذه الأغنية الجميلة أيضا
أمانة يا مسافر لبور سعيد
والشكر مجددا

[نور الصباح]

[QUOTE=عادل صموئيل;619601]

احبائى

بمجرد ان الاخ العزيز ارمندو طلب الاغنية بدأت فى تدوينها فوراً
امانة عليك امانة يامسافر بورسعيد
يعنى بورسعيد دى مدينة باسلة وكل مصرى يتشرف ان بورسعيد مدينة مصرية
بورسعيد دى شعبها الباسل ( مش الجيش الباسل فقط ) ولكن عامة السكان والنساء والاطفال نزلوا على الاعداء ايام العدوان الثلاثى ستات البيوت كل واحدة منهم اخدت اللى طالته ايدها اللى نزلت بسكينة مطبخ واللى نزلت بأيد هون ( من النحاس المعتبر بتاع زمان ) واللى ملقاش نزل بكبشة واللى ملقاش نزل بشوكة مكرونة ونزلوا ع الاعداء قطعوهم
والاعداء هروبا من ادوات المطبخ اكتر من رصاص ومدافع الجنود
واللى بيحصل فى بورسعيد الآن حرام وعار بكل المقاييس
مع اطيب تحياتى
BBBBBBBBBBBBBBBBBBBBBBBBBBB
حســــــــــــــــبى الله ونعــــــــــــــــــــم الوكيل
هـــــــــوه إيـــــــــه اللى حصــــــــــــــــــــــل فى البلد ده
اتحســــــــــــــــدنا ولا إيـــــــــه ؟؟
أقول لكم على ســــــــــــــــــر خطير؟؟؟
زمان وإحنــــــــــــا تلامذة وطلبة كنا بندرس فى المدارس
الابتدائية والإعدادية والثانوية مادة ( الله يرحمها ويرحم أيامها
وكان اسم المادة دى { التربية الوطنية والقومية } وكانت من
ضمن المواد الاجتماعية يعنى مع التاريخ والجغرافيا وكانت
تضاف للمجموع وكانت بتعرفنا يعنى إيه وطن ويعنى إيه
مواطن وما هى حقوقه وما هى واجباته وكنا بندرس فى دروس
القراءة { المطالعة } بطولات ومواقف أهل بور سعيد البطولية
وكان أهل زمان ولاؤهم الأساسى للوطن والقومية العربية
والأن أصبح الولاء كل الولاء للنادى الذى نشجعه وأصبحت له
مسميات عديدة - الأتراس ومش عارف أبصر إيه تانى
تقريبا البلد دلوقت فيها فسوة عفريت والله أعلم
وشكرا للأســــــــــــــــــــــــــتاذ الكبير الفنان
عـــــــــــــــــــــــــــــــــــــــــادل باشــــــــــــــا صموئــــــــــــــــــــــيل
لأنه أعاد إلينا ذكرى أيام ماكان فيه رجالة وواقفة وقفة رجالة
وشكرررررررررررررررررا
أخوكم
نور الصباح

[maged-khaled-]

رحم الله أحد أعظم الموسيقين العرب .عزائنا ان اعمال الراحل الكبير باقية في قلوبنا.ومصر ولادة .

[mahmoud feteih]

بالامس اتصل بى الاستاذ عاصم المنشاوى ليطمئن عليا لاننى بورسعيدى وشكرت الرجل وابلغته اسفى واعتذارى الشديدين لانى سببت له احراجا فى الواقع له ولى لانى طلبت منه ان يطلب نوتة لاغنية سبق ان طلبتها من فترة وفعلا فعلا وبكل صدق وامانه انا سحبت طلبى وبتأسف لك ياعصوم كتابتا وعلى الملأ وفى المنتدى الكريم ولسه فيه اسف كبير اوى لما اشوفك انشاء الله قريبا

[سعودالكعبي]

نوتة هذى السماعي الله يسلمك


‫ط²ظٹ ط²ظ…ط§ظ†- ط³ظ…ط§ط¹ظٹ ظ†ظ‡ط§ظˆظ†ط¯ ط²ظٹ ط²ظ…ط§ظ†.mp4‬‎ - YouTube

[نور الصباح]

أســــــــــــــتاذنا الجليل وصديقــــــــــــــنا العزيز وأخــــــــــــانا الحبيب
عـــــــــــــــــــــــــــــــــــــــــــــــــ ــــــادل صموئـــــــــــــــــــــــــــــــــــــــــــيل
سلام الله عليكم ورحمته وبركاته
وبعـــــــــــــــــــــــــــــــــــد :
بمناســــــــــبة ذكرى رحيــــــل ووفاة الفنان الموسيقار الراحل
فريـــــــــــــــــــــــــــــد الأطرش
طلبنــــا من جنابكم أن تتكرم بتدوين الأغنيات التالية :
1 - (يا حبيبى يا إللى جنبى ) فى الصفحة رقم ( 119) بتاريخ 26 / 12 / 2012
2 - ( حبيبى فين إنت فين) فى الصفحة رقم ( 127) بتاريخ1 / 1/ 2013 وذلك بعد تغيير الملف التالف
3 - ( بعد إللى كان) فى الصفحة رقم ( 119) بتاريخ 26/ 12 / 2012
4 - ( أجـــــــــل بهـــــــواك) فى الصفحة رقم 121 بتاريخ 27 / 12 / 2012
علما بأن هـــذه الأغنيات غير مدونة من قبل ولا توجد فى أى
منتدى متخصص أو غير متخصص
أطال الله عمركم وجعلكم حارسا وفيا - كما كنت دائما -
على نشر ورفعة الموسيقى العربية والفن العربى الأصيل
والعمل على ارتقائها وحسن تذوقها وانتشارها عالميا
ملحوظة هامة : و الحمد لله القائمة نقصت - ههـــــــــــاههههـــــــهههاى
وشكررررررررررررررررررررررررا
أخوكم
نور الصباح

[dorame]

المشاركة الأصلية كتبت بواسطة dorame

اخى العزيز
الحوار معك اسعدنى جدا وللعلم الاخوة الاعضاء بيحبوا الحوارات دى .. السنباطى كان مريض بالربو وكان لا يطيق اصلا رائحة السجائر يعنى اى عازف يعمل معه لازم انه لو مدخن كان يمتنع عن التدخين فى حضرة السنباطى .. يعنى اثناء البروفات كنا بناخد استراحة ونطلع فى الخارج ندخن ونرجع وكان هو بيسمح بتوقف البروفة عشان مايبقاش حابس حريتنا .. والسنباطى كان هو وام كلثوم ورامى ثلاثى خارق .. لمذا كان السنباطى بيعترف بام كلثوم انها المطربة الوحيدة الخارقة للعادة فى العالم العربى ؟
لأنها نشات نفس النشأة الدينية يعنى ابوها كان منشد دينى عبقرى وتربت منذ طفولتها على سماعه يؤدى الادوار والقصائد الدينية وهى نفس نشأة السنباطى لذلك كانت هى الوحيدة التى وجد فيها السنباطى ضالته وهناك سر احب اقول لك عليه اى لحن كان السنباطى يلحنه لحد غير ام كلثوم كان يستاجر فرقة ويسجله بصوته وذلك يدل انه كان مش مقتنع 100% بأى مطربة سوى ام كلثوم ولمذا كان رامى ثالث ضلع فى المثلث لن رامى كان شاعر غير عادى كان خبيلا فى عدة لغات مثل الفارسية مثلا وكان يترجمها ثم يصيغها شعراً وذلك هو المستحيل يعنى انت لو مترجم ممتاز ممكن تترجم الشعر لكن يطلع نثر لكن ان تترجم الشعر ثم تأخذ المعنى وتصيغه شعراً هذا اعجاز خارق خارق خارق والسبب لأن القصائد التى كان يتعرض لها معظم كلماتها لا مرافات لها وهنا الصعوبة وكحلمة اخيرة اقولها ان التدخين وخلافة مش بيشحذ العبقرية ولكنه عادة فقط .. يعنى انا كنت ادخن السجائر ومن سنوات تحولت الى الشيشة ( الارجيلة ) وهى لاتشحذ اى شىء من العبقرية ولكنها عادة مرتبطة بطقوس
يعنى اذهب الى القهوة ادخن الارجيلة مع فنجان قهوة ... ممكن اقول لك انى بحب اشربها فى خلوة اثناء التفكير فى اى موضوع لكنها لاتدخل اطلاقا فى التفكر او فى الموضوع لكنها ارتباط فقط
مع اطيب تحياتى عادل صموئيل

عفوا لم انتبة للرد الا الآن
اولا دائما موصول بالشكر يا استاذنا العزيز الفاضل \ عادل صموئيل
ثانيا : كل مرة تتحفنا بمعلومات جديدة رائعة وشيقة وتفك بعض التسائلات التي رادونا نحن اللذين لم نعش ونتمتع بذلك الزمن الجميل الذي لا اعتقد ان بتكرر ومن الفن والابداع الزمن الكلثومي والسنباطي الوهابي الموجي الخ وكان لكم الحظ برويتهم ومعرفتم وسماعهم عن قرب واخذوا واخذتم منهم الفن الراقي ليس فقط في الغناء والطرب ولكن بالتواضع والكرم الموسيقي والمعلوماتي
ثالثا بالنسبة للمعلومة الجديدة عن اللحن " اى لحن كان السنباطى يلحنه لحد غير ام كلثوم كان يستاجر فرقة ويسجله بصوته وذلك يدل انه كان مش مقتنع 100% بأى مطربة سوى ام كلثوم"
فهذا عجيب جدا ففعلا لم نجد لحن للسنباطي لام كلثوم غناه هو بالفرقة ابدا والان لسه دخلت مخي السبب ده وانا متاكد ايظا انه مازال هناك كنوز من التسجيلات الشخصية ما خرجتش للعامة زي التسجيل الاخير اللي لسه خرج من قريب وهو بيسلطن تقاسيم بعدها اغنية سلطان جمالك وبعدها ياشادي الالحان ورباعيات الخيام اللي عزفها بشكل مذهل وعجيب لم نحصل الا عن قريب لهذا التسجيل فلا اعلم لماذا ابن السنباطي لا يخرجها لنا
هناك امر اخر سمعته ان ام كلثوم كان لما يلحن لها حد غير السنباطي بتستشيرة بالسر فيدخل جملة ويحذف جملة بعدين ام كلثوم تطلب تعديل الجمل اللحنية على اساس منها مش من السنباطي فهل هذا صحيح؟
وشكرا لك مرة اخرى وانا الذي لي الشرف بالحديث معك وكسبت تواظعك بالرد عليا
اخى العزيز
انا مازلت مستمتعا بالحوار معك وبأسئلتك , واهم مافى المضوع ان الكلام مش موجه لشخصك الكريم فقط ولكن الى كل من يدخل المنتدى .. واهم مافى الموضوع ايضا التأريخ الصح للحوادث
يعنى انا يؤلمنى ويؤذينى المسلسلات الخائبة الى تحكى حياة الفنانين وهى ابعد ماتكون عن الحقائق واخرها مهزلة مسلسل اسمهان يعنى المخرج المتخلف الذى لم يفهم اهم مافى اسمهان وتميزها عن غيرها هو نبرة صوتها هل من المعقول ان ياتى باخرى لتغنى اغانيها انها والله مهزلة
اما عن ام كلثوم فيه شىء مهم جدا جدا بيربط بين ام كلثوم والسنباطى وهو العلقة الفنية الحميمة منذ ان بدات ام كلثوم من الصفر .. فكانت نفس النشأة الدينية رابط قوى للتفاهم والتجانس بينهم .. ثم اكتشفت ام كلثوم وهى مازالت تحبو فى الفن عبقرية الموسيقار الكبير رياض السنباطى .. وهى كانت تعشق الحان الشيخ ابو العلا محمد ولكنها ذات طابع دينى لكن السنباطى خرج بها من ان تسجن داخل الاطار الدينى وتستمر كمنشدة قصائد دينية الى محيط الغناء العاطفى .. ومن هنا لابد ان يتواجد هذا التطرابط بينهم لنهما نشئا معا من الصفر .. وكانت بالطبع تستشير السنباطى فى كل ماتغنيه كمان كانت تستشير رامى فى كل الكلمات التى تأتيها من مؤلفين آخرين .. وعادة كل لحن لو انت سمعت التسجيل الاول الذى اخذته من الملحن كان فى البروفات يتم التعديل على الاقل فى 50% منه .. اولا لن الملحن كان يستغل امكانيات ام كلثوم اللا نهائية وثانيا امكانيات الفرقة المذهلة .. وهناك تميز آخر ان الثلاثى كانت تربطهم علاقة حب ومودة وكان يهمهم ان ام كلثوم تقدم احلى ما يمكن تقديمه يعنى السنباطى عمره ما كان يغار لما ام كلثوم تغنى لملحن آخر ولكنه كان يحس ان عبد الوهاب افسد جزء من ام كلثوم بسبب ان عبد الوهاب كان بيعمل لها طبقة منخفضة عشان تلعلع وعندما كانت ام كلثوم تغنى لحن للسنباطى بعد لحن لعبد الوهاب كان بيبقى فيه مشكلة ان لياقتها فى النغمات العالية بتقل بسبب الطبقة المنخفضة وكان السنباطى يدربها حتى تعود الى الفورمة ثانية , واحمد السنباطى ابن رياض السنباطى مشكلته ان لم يركز فى الموسيقى العربية ولكن كان يحب الجيتار يعنى شغل نفسه به بدلا من ان يحاول اكمال مسيرة والده العظيم او على الاقل يحاول ان يحفظ تراثه المختبى الى الآن ..
مع اطيب تحياتى عادل صموئيل