رد: طلبات نوتة أ / عادل صموئيل الجزء الثانى
الاستاذ العزيز عادل
كده برضو تقلقنا عليك يا أستاذ وأحنا ولادك وتلامذتك ..وأنت الأب الروحي بتاعنا يعني لو حد من العيال قال كلمة وحشة ومتسرعة تروح تارك البيت اللي انت عملتو بجهدك وذوقك ونوتاتك المميزة ببساطتها ..اسمحلي أقولك احنا اتعودنا في المنتدى نكون عيلة واحدة ولو حد ما عجبوش شغلك أو تفكير أو المزاج العام للمنتدى الانترنيت مليان منتديات
ومش من حق أي مننا ان نطالب الاستاذ عادل يقدملنا اي حاجة لأن ببساطة هوعمرو ما طلبش مننا حاجة لقاء اي نوتة ولا حتى كلمة شكر بالعكس كان همه الأكبر هو خدمة الموسيقا العربية وحفظ التراث
ولازم نحترم حياتو الخاصة ومزاجو ونراعي صحتو وأرجو من كل عضو أن يحط نفسو مكان الاستاذ ويسمع كم الاغاني اللي بيضطر الاستاذ يسمعها كل يوم وتحت أي ظرف من المزاج والأرهاق والهموم اليومية
شكرا من القلب يا استاذ وما تحرمناش من وجودك في المنتدى احنا بانتظار تطل علينا بروحك الحلوة ودمك الخفيف وعلمك الواسع و أخلاقك العالية ماتطولش علينا يا باشا
|
العرض الشجري