كلمة .... (الديوان العاطفى)

**سيد طارق العقاد** · #1 08/04/2011, 02h22

الحبيب عشان كلمة هجرنى
قسيت وحنيت ومش عايز يقابلنى
حاولت أنسى حبه صحيت الذكريات
ولما جفيت راح قلبى عاتبنى
قال لى يهون عليك تنزع روحك
قولت له وهو ليه فى النار سايبنى

***
يا هل ترى العزول حجب حبه
ولا عين الحسود سهامها راحت عنده
ولا الشكوك حصرت عقله
ما عرف إنى ما حبيت حد قده
إعترفت بغلطتى وحفظت مودتى
لكن كرامته فى نفسه آسى سنده

***
قولت له هانفضل كده فى البعاد
وأنا حافظ لك فى هجرك حبل الوداد
قال لى نمد حبل الوصال مش الوداد

قولت يصعب عليا وكنا للحب أسياد

ترضى وتصفى وترجع واللوم أهو فات

غنى يا قمر طول السهر دا حبيبى عاد

**سيد طارق العقاد** · #2 10/04/2011, 19h34

الجمعة 29/2/2008
(يطول إنتظارى)

يطول إنتظارى ليك يا حبيبى مشتاق وهيمان
لو يوم ما جيت على بالى يبات قلبى زعلان
وإن جيت يوم على بالى أحس إن أنا فى أمان
أستناك تهل عليا وأشعر بشوق المغرم الولهان
وإن ما هليت عليا أنتظرك بكل إخلاص وحنان
أقعد أستناك ولو فات عليا ومر قرن من الزمان
أسهر طول لياليا وأنا عليك وعلى حبنا قلقان
عمر ما ضميرك قال لك إزاى سيبتنى غرقان
غرقان فى بحر الغرام ومليته منك دمع أحزان
اشتكى لى يوم،وقال لى اتركه ودا كان من زمان
قلت له إزاى؟ ودا عشقى وحبى له فى قلبى سكان

حب عمرى وأهم أمرى لا أنساه ولا حد يحل مكان

**سيد طارق العقاد** · #3 11/04/2011, 12h23

الثلاثاء 8 أبريل 2008
(الحبيب عايب وآيب)

الحبيب غايب وأيب
عمره ما ريح لى بال
قلبه ما يرحم لى حال
بس شاطر فى الإمتثال
***
قلبى لو دق بالفرح فى مره
يبقى لأجل رجوع حبيبى
أصل أنا روحى ما تسير
إلا لما يظهر نصيبى
***
صبرى نفد يا كاوينى
فيك حنين ولا ناسينى
بعد ما قدمت لك روحى
ونورك من نور عيونى
***
فى حبك شوفت إللى ما حد شافه
آه يا نار عقلى من إللى شوفته
فكرى اتشتت .. غايب وأيب
زى من قدومك وبعدك دقته
***
بالله قول لى إيه فيك عملته
تجعلنى بين الحياة والموت
أفتكر إن احنا فى خصام
ومن حيرتى عقلى يفوت

**سيد طارق العقاد** · #4 16/04/2011, 14h02

الأربعاء 30 أبريل 2008
(أيها القمر)

أيها القمر على وشك المغيب
إنتظرنى فعليك قصة حبيب

هناك .. مكان شعاع الضياء
يُقص منها أسطورة الوفاء

راح قصر الحب والحنان
وإنتظرت بكوخ الشوق ولهان

لا تقل يا قمرى راحل مكانى الشمس
فغداً فى الدجى وحدى وكنت معك أمس

أيها الأبيض على قرب السواد
لا تذوقنى طعم الهجر والبعاد

لا أموت حتى أن يأتى الفراق
والليل يسود دونك ودون الإشراق

فيحييك نواح ذبل جفنى
شاكياً لقلبى من حزنى

طوال غياب نور ليلى وصباحى
ومخفف يطوى لى كل جراحى

**سيد طارق العقاد** · #5 25/04/2011, 14h30

السبت 24 مايو 2008
(هنا القلوب)

هنا القلوب فى يوم موعود
يقبلوا فيه أعز محبوب
هايكون وفى بوعود وعهود
صبرت كتير من القلوب
يطيب آلامنا بفر وسعود
والطرب يطير علينا سروب