بتاخدنا الدنيا

**Tarek Elemary** · #1 09/07/2009, 09h07

و تاخدنا الدنيا و تِلهِينا
و لا يوم على بر ترسينا
و رفعنا شراع مليان أوجاع
يمكن مولاك يلطف بينا
***
يا طريق مفروش غربة و توهان
طيفك بياخدنا لكل مكان
و لا نور فى الضلمة بيهدينا
و لا حضن يخفف م الأحزان
***
على فين يا زمان يا مفرقنا؟
و رامينا لحرقة أشواقنا
تِعِبِت أيامنا و ليالينا
حتى الكلمات مالهاش معنى
***
و نسينا الحب و حبايبنا
و نسينا السبب اللى تاعِبنا
و خَدِتنا الدنيا و أوهامها
و كاسها المر إحنا شرِبنا
***
من يوم ما الأحباب فارقونا
و أملنا يادوبك يلاقونا
و نعيد الأيام من تانى
و لا نبعد لو يوم شنقونا

**على عبداللاه** · #2 31/08/2009, 01h46

مش لاقى كلام أكتر من كلمة رائعة وله حق الملحن دى بتقول لحنى

**سعدالشرقاوى** · #3 02/09/2009, 12h27

استاذى/طارق العمرى

الجميل جدا فى الموضوع

أن البدايه وان كانت موجعه

الا ان الكربة تنفرج كلما اقتربت من النهايه

الى

من يوم ما الاحباب فارقونا

واملنا يدوبك يلاقونا

الله

ونعيد الايام من تانى

ولانبعد مهما يصدّونا

أى تلاشى لكلمة (شنقونا )متهيألى انها مالهاش مجال

فى جمال ماسبقها منذ

وتاخدنا الدنيا وتلهينا

ولايوم على بر ترسّينا

الله الله

ياكبير

الله على الكلام المتقسّم

على فكره ده يمكن عشان أنا غنيتها

دغرى ماقريتهاش

وطلعت معايا كده

وزى ماهى برضه

زى الفل

لأنك اصلا زى الفل

والحمدلله وصلتنى بالعربى

**Tarek Elemary** · #4 05/09/2009, 12h11

اقتباس:

المشاركة الأصلية كتبت بواسطة على عبداللاه

مش لاقى كلام أكتر من كلمة رائعة وله حق الملحن دى بتقول لحنى

الله يكرم أصلك يا أخى الفاضل
و ربنا يجعلنى عند حسن ظنك يا رب

**NAHID 76** · #5 05/09/2009, 20h12

بسم الله الرحمن الرحيم
الشاعر المتدفق حيويه وتنوع طارق الثائر العمرى
ومهما رمضان بعد بينا بصلاته وصومه و معزيمه
وياميشه وقطايفه وعصايره
حيأخذ حقه وصلاته وساعه الفجريه دعواته ويمر وبعيده نعود ليكم نشكركم على اللي بتفعلو بينا
تحياتى

**Tarek Elemary** · #6 06/09/2009, 07h48

اقتباس:

المشاركة الأصلية كتبت بواسطة سعدالشرقاوى

استاذى/طارق العمرى

الجميل جدا فى الموضوع

أن البدايه وان كانت موجعه

الا ان الكربة تنفرج كلما اقتربت من النهايه

الى

ونعيد الايام من تانى

ولانبعد مهما يصدّونا

أى تلاشى لكلمة (شنقونا )متهيألى انها مالهاش مجال

فى جمال ماسبقها منذ

وتاخدنا الدنيا وتلهينا

ولايوم على بر ترسّينا

الله الله

كلامك فى محله يا عمدة التوتة و تعديلك هايل و لا أروع
دمت للكلمة الحلوة صياد
و للنغمة الشجية مبدع و خلَّاق

**Tarek Elemary** · #7 06/09/2009, 07h50

اقتباس:

المشاركة الأصلية كتبت بواسطة NAHID 76

بسم الله الرحمن الرحيم
الشاعر المتدفق حيويه وتنوع طارق الثائر العمرى
ومهما رمضان بعد بينا بصلاته وصومه و معزيمه
وياميشه وقطايفه وعصايره
حيأخذ حقه وصلاته وساعه الفجريه دعواته ويمر وبعيده نعود ليكم نشكركم على اللي بتفعلو بينا
تحياتى

تقبل الله منا و منك صالح الأعمال و تجاوز برحمته عن سيئاتنا و أبدلها حسنات برحمته و كرمه و كل ما هو أهلٌ له جلّْ و علا
كل عام و أنت و الأسرة بصحة و خير و دام بيتكم بيت كرمٍ و دمتم أهل مروءة

**امحمد شعبان** · #8 06/09/2009, 19h07

اقتباس:

المشاركة الأصلية كتبت بواسطة Tarek Elemary

و تاخدنا الدنيا و تِلهِينا
و لا يوم على بر ترسينا
و رفعنا شراع مليان أوجاع
* يمكن مولاك يلطف بينا
***
يا طريق مفروش غربة و توهان
طيفك بياخدنا لكل مكان
و لا نور فى الظلمة بيهدينا
* و لا حضن يخفف م الأحزان
***
على فين يا زمان يا مفرقنا؟
و رامينا لحرقة أشواقنا
تِعِبِت أيامنا و ليالينا
* حتى الكلمات مالهاش معنى
***
و نسينا الحب و حبايبنا
و نسينا السبب اللى تاعِبنا
و خَدِتنا الدنيا و أوهامها
* و كاسها المر إحنا شرِبنا
***
من يوم ما الأحباب فارقونا
و أملنا يادوبك يلاقونا
و نعيد الأيام من تانى
و لا نبعد لو يوم * شنقونا

* أكيد مولانا يلطف بينا وبغيرنا... فالله لطيف بالأحبة .
* كلّنا أحضان تخفّف من أحزانك ... و كلّنا أحضان تواسيك .
* وهو فيه كلمات مالهاش معنى ...؟ قلّبها ذات اليمين وذات الشمال تنفتح لك معانيها الزّاهية .
* لستم وحدكم شربتوها ... كلنا في الهوى سواء والصبر أحسن دواء .
* لو شنقونا ... : حيّاك الله يا أبو زهدة فلا أدقّ ولا أرقّ من بديلك البديع هذا لو تصدّونا ...

**مصطفى اليازجي** · #9 23/09/2009, 20h04

كلام من القلب للقلب

تعقيب بسيط اتمنى ان ده ما يدايقش حضرتك

اقتباس:

و كاسها المر إحنا شرِبنا

لو كانت

ومن كاسها المر احنا شربنا

حتخلي نطق الجمله اخف واجمل من الأول

**Tarek Elemary** · #10 24/09/2009, 07h35

اقتباس:

المشاركة الأصلية كتبت بواسطة مصطفى اليازجي

كلام من القلب للقلب

تعقيب بسيط اتمنى ان ده ما يدايقش حضرتك
لو كانت
ومن كاسها المر احنا شربنا
حتخلي نطق الجمله اخف واجمل من الأول

أشكرك يا أصيل و مين يزعل من الكلام اللى من القلب