التعلق بالكبار من المكارم

[Tarek Elemary]

التعلق بالكبار من المكارم

المشاركة الأصلية كتبت بواسطة abuzahda

هوَّ إيه الشِـــــعر ، يعني ، غير كلام م القلب طالِع

و اتغَسَلْ بالروح ، و معني بالمَوَاقِيت و الطَوالِع ؟
هوَّ إيه الشِـــعر إلاَّ ، نـفـحـة من نـَفـَــسِ الإلـَــــــه
إن نِــزل إلـهَــام و مَلـَّى ، بيه ، يـخُـدنا لـمُـنـتهَــاه
هـوَّ إيه الشـِـعـر ، يبْقى ، إلاّ خَـزّان الـمَـشَــاعِر ؟
يِنفِتِح بـَابُه ، و يِلقى بالـمَــوَّدة ، حُــضن شـــــاعِـر
يـِعرَف الأحــوال بـِقـَلـبُـه ، بَـعـدَها يـِفـتِـن عـلِـيــه
شَــرقـُه يِعرَف سِـرّ غَـرْبُـه ، يـِفـضَح اللي بيداريه
و اللي يـِقـرا شِـعر شاعِر ، يـِلتِقي نـَفـسُه بـِوصفـُه
يـِنـتِـنِي غـُصن المشاعِر ، و الهوى يِلعَبْ بِعَصفـُه
يـِبـقى إيه الشِـعـر ، لـــمّا ، زي أقـدارنا يـجـيـنـا ؟
ثـُمَّ بِين إرسال و ضمَّة ، يِمْلِي إدْهَـاشُـه عَـلِـيـنـَــــا
زي شيء هايل ، تجلـَّى عالجبل (ما اقصدش سينا)
و القـلـُوب تِـفـْنِـيـهَـا طـَلـَّة ، أمْرَها ماهُو بإديــنـَــــا
حَدّ ، فِـيكو ، مَرَّة يحكي عن قصيدة ، قـراها مرَّة ؟
قـَلبُه ، كان يضحك و يبكي ، زي أحزان الـمَسَرّة ؟
يـِبـْـقـَى فـاهِم إُّنـُّه فاهِم ، بَسْ مِـش فـاهِم فـُـهُــومُــهْ
زي صَحوْ ، كإنه غايـم ، زي غارِق وَقت عُومُهْ ؟
أوْ يِحِـس ان القصـيـــــدة ، زي بُقعِة زيت بـِـرُوحُه
و الزيوت ، طايعة و عنيدة ، عِطرَها بيخبّي فـُوحُه
أوْ يِحِـس انه الكلام في القصيدة : سَـهل خالِص !
و انـُّه يِقدر ، الهُمــام ، يِكتِبُه ، و ده سَـهل خالِص
ثـُمَّ يِلقى الشِـعــر عاصي ، و السراب ، يلقاه سِراب
لَمْ جَنــََى غِير المَعاصي ، و اللي شاعِر قَلبُه تـَاب
يَِبقَى إيه الشِـــعــر ، يَعني ، غِير عذاب جُوّاه عذاب
قـُوللي يا للي انت سامعني ، ألقَى عندك لـُه كِـتاب ؟

المشاركة الأصلية كتبت بواسطة Tarek Elemary

الله الله الله الله الله
يا بدع الشعر من قلمك و فى قوافيك
حروف مسقية من ألمك و مين يجاريك؟
يا ويله كل مين ظلمك ما آمن بيك
و قال فيك قوله أو حرمك مقام معاليك

المشاركة الأصلية كتبت بواسطة abuzahda

أيـــــــــــــــــــا طـارق

عشان الشِعر أرواحنا ، أنا بمحنة ما بين سِندَانـُه و الطارِق
إذا يـِحضر ، يفرحـْـنا ، و يجرحنا سكوت الباب من الطارق
و لمّا يزورنا ، بُعـْدُه يهون
يَمين بالتينِ و الزيتون
و سُورةْ الحَمد و الطارق
أنا بشِعرَك ، يا واد ، مفتون

يقولوا: الشِعر ، اقول: طارق

المشاركة الأصلية كتبت بواسطة Tarek Elemary

زجاجةٌ من عِطرِ أنتَ ... كُلَّما فُتِحَتْ تَفُوحْ

لحظاتُ الصمتِ حتى ... بين أيديكم تبوح
من قوافيكم تَعِـبْنَا ... و إمتـلأنا بالجروح
قد سبقتونا بدهرٍ ... فى المـدى نورٌ يلـوح
أيها المولى أغِثْنَا ... وأقبل التوبَ النصوح
ما عسانا إن كتبنا ... أن نضيف إلى الصروح
أتخمتنا هنا الموائد ... فاكتفينا بالشروح

[Tarek Elemary]

زى ما قالوا

المشاركة الأصلية كتبت بواسطة abuzahda

نفى نفيي و كان ينفي

حُدُود مَنفايَا من كِيدُه
و انا قلبي لْهَوَاه يوْفِي
يعَبِّي الحُب و يزيدُه
وهوَّ من غبَا جهله
بينفي النفي على مَهلـُه
ونفي النفي ، تأكيدُ

المشاركة الأصلية كتبت بواسطة Tarek Elemary

يا سيد الكل على كيفك

حروفك حادة من سيفك
وسيفك بالمداد مليان

ويسعدنى أكون ضيفك

المشاركة الأصلية كتبت بواسطة abuzahda

يا عَمْ ، الفـَرح ، تَشريفك

يزيح ، الهم ، تلطيفك
إذا نسيتنا ، و مُش نـَسْيان

يا سِيدي ، ابعتلنا طيفك

المشاركة الأصلية كتبت بواسطة Tarek Elemary

أنا من ردك إتلخبط

و بحر الحيرة مالهوش شط
و باعى مش طويل زيك

ومش شايف نهاية الخط

المشاركة الأصلية كتبت بواسطة abuzahda

لاقيت فِرْوِد ، و نازِل أَطـْ
و انا يا عم ما خـَطـَّطْْ
لـَمَحت ، يا دوب ، سنَى ضيَّك

و بس ، يا دوبَك اتشَعْبَطْ

المشاركة الأصلية كتبت بواسطة Tarek Elemary

ردودى عليك دى يوم سعدى
معايا حضرتك تاخد كده و تدى!!!
و لا فى الحلم كان ممكن أنا افكر
ما بين دررك أنا احشر كلمة من عندى

المشاركة الأصلية كتبت بواسطة abuzahda

يا عَمْ ، لا سَعدي و لا وعدي

دَ انا كـُل المُنى وِّ دِّي
ما تيجي ، فـ يوم ، وتِستـَكتر

أشوفـَكْ ، كـُل يوم ، عـَندي

المشاركة الأصلية كتبت بواسطة Tarek Elemary

طاقة المنتدى إنفتحت ف ليلة قدر
و فجأة لقيتنى مع عالى المقام و القدر
يا قنديل زيت فى عز العتمة يهدينى
و انا ماشى ف ليل الشعر باتحسس و انت البدر

المشاركة الأصلية كتبت بواسطة abuzahda

يارب يموت غراب البين، مع الغاويين جفا وفراق

وتتكحل رموش العين بشوفة حِبَّها المشتاق
وتخفى سحنة الكارهين
ولانشوفش ف حياتنا اتنين، مانحسبهومش م العُشاق

المشاركة الأصلية كتبت بواسطة Tarek Elemary

كلامنا مش ما بين إتنين ... حروف مِتْحَمِّلة أشواق

دا نور بيهِّل ع التايهين ... مَثَل لمكارم الأخلاق
و لو بين البشر لايمين

كلامنا خفيف على السامعين ... نلاقى النبع صافى وراق

المشاركة الأصلية كتبت بواسطة abuzahda

يا ما أصفى ينابيعك يا عم طارق

الله يديم صفاك يا صفيي

[Tarek Elemary]

مداولات الفرحين بعودة سمعجى

المشاركة الأصلية كتبت بواسطة abuzahda

الشِعر طفل نغني له

نِدادي فيه ، نِسهَر لِيلـُه
و لمّا يِغضَب نِدعي له
يُنظر لنا أو ينادينا
و الشِعر ذنب و بِنشِيلـُه
و التوبة مش عارفة سَبِيلـُه
لا يروح لها ، و لا بتجِيلـُه
و لا ندعي "توب منه ، علينا" !
اللي اغتوى ، مهدود حِيلـُه
بِحِمل محتاج تنزيلـُه
و الحِمل ، لكتافنا يحِيلـُه
قال إيه ! قصيدته بيهدينا !
نِقراها و نمِيل على مِيلـُه
زيْ الشِّراع يجري بنِيلـُه
و نغنِّي آ يا عِينـُه يا ليلـُه
نِغرَق ما ياخُد بإدينا
مِتشَعْبَطِين ، احنا ، بدِيلـُه
ولي أمرنا ، و نْعِيلـُه !
حشاه ! ما يعرَف تذليلـُه
يذلـِّنا ... يعزز فينا !
لوْ غاب ، ما يبعت مراسيلـُه
و لوْ حَضَر ، غـَرَّق سِيلـُه
يزيح جبلنا و بيزيلـُه
أو عالشواطي يرسينا

المشاركة الأصلية كتبت بواسطة Tarek Elemary

و هوه غاب علشان يرجع

ده بدر ساطع و ملعلع
زى السما من غير نورها
سماعى من غيركو ما ينفع
***
يا نجوم فى ليلنا بتلالى
حِنِّى علينا و تعالى
ده العين ما تعلى على الحاجب
و المَيَّة ما تروح للعالى
***
صحبة و زانها كمال الزوق
و الود زادهم شوق على شوق
و مهما يوم يحصل بينهم
الدنيا راح تصفى وها تروق
***
يا محتاجين درس أمانة
بصوا على الصحبة معانا
و اتعلموا من أجدع ناس

ياسمينة فلة و ريحانة

المشاركة الأصلية كتبت بواسطة abuzahda

يا جمال الياسمين يا فـُل ، من ريحان حضورك


يا طارق

المشاركة الأصلية كتبت بواسطة سمعجى

طارق يا شاعِـر مالهـوش حَل

يا كِلمة صَـادقـة علينــا تـطـُلّ
شجَرِة مشاعرَك فارشة الضـِّل
نـَـــوّرت بـيتـــنا يا سِيد الكـُـلّ

ميزان دهب و البحر سليم
و معاني بتصحّح مفاهِــيم
في فن رسم الكِلمة حَــكيم
و في الشدايـِد أجمَــل خِـل

إتسَرسِبي يا نجـــــوم ليلــُه
تعالي و اسمَــعي مواويلـُـه
في عطشنا نِشرَب مِن نيلـُه
تِطرَح قلوبنا جناين فـُـــــل

يا ميت نجف على صُحبـِتنا
يا شمعِـــدان نـَــــوّر بـــيتنا
حاطـِّين دِقيقنا على زيتــــنا
بَـرَكِـة نـَــبـيـنا علينا تـحِــل

[Tarek Elemary]

إن كنت ... فانت السبب
و ده شرعنا فى الأدب
نحفــــظ مقام الكبــــير
و نصدق اللى إنكتب
***
و المرء على دين خليله
و إن فارقه حتما يجيله
ياخده فى حضنه بحنان
و إن كان صغير يشيله
***
و إنت الإمام و المقام
مش كلمتين و السلام
و قربى منك حلال
و بعادى عنك حرام
***
يا نجم ساكن فــــــــوق
ساطع فى عز الشروق
النور يدارى النجوم
و انت فـ مدار الشوق
***
و رضاك ده يوم المنى
و الكلمة منك سنا
يا بدر طول السنة
يرضينى منك ضنى
مش بس فرح و هنا!!
***
أصل الضنى مـ الوجد
يا بو الطريق و العهد
و لا يوم يشيل قلبى منك
و أنا مين يصون الوعد

[Tarek Elemary]

تعليقاً على رائعته ((حاضر))
==============

*
*
منك إنت الشعر يهرب؟!!
أمال إحنا نعمل أيه؟
دا الخيال منك بيشرب
يرتوى و تعطف عليه
إنت توّْحى و هوَّ يكتب
تصرخ الدهشه فـ عنيه
و الحروف تنزل تسرسب
لحن أيْه و شعر أيْه!!
عمر شِعْرَك يوم ما يِغْلَب
لو شَرَد إنت تناديه
ييجى خجلان لما تِعْتِب
يطلب سماح و تفيض عنيه

[yosry_at]

أنا ليه بقيت زى الجميع ما تهزنيش كلمة وطن
ما بقيتش أشعر بالأمان ما بقتش فيه حالة شجن
أصل الوطن مش طوب و طين و مية جارية فى الترع
كلمة وطن كانت زمان كانت أمان كانت سكن
كانت مشاعر فى الشوارع فى الغيطان بين الجيران
كانت سواعد فى النهار بتضم بالحب العيدان
كانت عيون سهرانة صاحية ع الحدود رغم البعاد
كانت زغاريد الصبايا والبنات عند الفرح كانت أدان

كلام معسول وله معنى
مع احترامى الشديد لراى الدكتور انس فىموضوع التفائل الا ان الاوضاع والازمنه تتغير وهذا تنفيث لواقع نعيش فيه تحيه من القلب لك يااستاذ طارق ولكل من شارك فى هذا الموضوع
يسرى عطيه

[abuzahda]

أخي الجميل
و شاعِري المحبوب
طارق العمري

هل أعتذر عن تقصيري في الحضور إلى هنا ؟

متهيألي مِش كفاية (و يا عالم ، كمان ، هتقبل اعتذاري ولا لأ ؟)

أنا شايف إننا نتجاوز حكاية الإعتذار دي (علشان مُحرجة شويّة) لغاية ما ارجع لأول صفحة و اجيلك

( لأ ... ماتستنانيش ، علشان انا ناوي أتأخر )

[Tarek Elemary]

أستاذنا / يسرى عطية
شرفت بمرورك .... دام عطاؤك .... و دامت المودة
تقبل تحياتى

[Tarek Elemary]

الإنسان الذى لا يزال يدهشنى و يمتعنى و يغنينى بأبعاده العميقة و يبهرنى بإكتشافاته و يفاجئنى بروائعه و يغرقنى فى كرمه و يغدق علىَّ بما لست له أهلاً
كرمك الحاتمى لا سبيل لى لرد جزء منه كافأك الله بما هو و أنت له أهلاً فهو القادر على أن يوفيك حقك و هو الأعلم بما تستحق
يعنى منك لله أنا بره الموضوع

[علاء طه ياسين]

أخويا الكبير / طارق

أنا لو بقيت شاعر
كله بتشجيعك
بصراحة تستاهل
تثبيت مواضيعك

طبعا أنا أبارك لك علي تثبيت موضوع أعمالك الحلوة ..
وأعتذر لك وللجميع عن سوء أدبي في الرد ..
فاقبلوه ..
دخلت علي أعمالك المثبته وحبيت أكتب تعليق هناك ..
لقيت الموضوع closed
مش عرفت أرد عليك إزاي ..
فكتبت لك الكلمة البسيطة دي هنا ..
اقبلها من أخوك الصغير ..
علاء