للموت ......سلطان

**إيمان سعيد** · #1 28/02/2008, 07h23

كان كفْ الموت المتحنّي
بألوان ألوان ..
بيغازل حلم قديم ف عينيه
و الواد لسّاه عيّل
من أبسط كلمة حب ..
يموت
و أهو مات

سلطان بيحب السما و البحر
لكن لإتنين ..
قافلين الدنيا ف علبة قزاز
سلطان بيحب السما لكن ..
السما خانقاه
قام مرمغ حزنه ف حضن البحر
يمكن ف البحر يلاقي براح
سلطان دلوقت خلاص
ارتاح

**ايمن الشاعر** · #2 22/06/2009, 02h14

جميلة بجد .. ومفرداتها بسيطة ماتحسش إن فيها زى ما بيقولوا ( فزلكة ) تحس انها طالعة م القلب ...
شكراً
ايمن النمر

**علاء طه ياسين** · #3 22/06/2009, 18h53

حلوة جدا ..
عجبتني بجد ..
اسمحي لي بالمداخلة
علي تنويعات أبياتك ..
.....
حبها من قلبه بقوة
سكنت في الروح من جوه
واستني تحبه ولكن
راحت نسيت مين هو
....

(قام مرمغ حزنه ف حضن البحر
يمكن ف البحر يلاقي براح)
...

ياسين

**Tarek Elemary** · #4 23/06/2009, 16h18

اقتباس:

المشاركة الأصلية كتبت بواسطة إيمان سعيد

كان كفْ الموت المتحنّي

بألوان ألوان ..

بيغازل حلم قديم ف عينيه

و الواد لسّاه عيّل

من أبسط كلمة حب ..

يموت

و أهو مات

سلطان بيحب السما و البحر
لكن لإتنين ..
قافلين الدنيا ف علبة قزاز
سلطان بيحب السما لكن ..
السما خانقاه
قام مرمغ حزنه ف حضن البحر
يمكن ف البحر يلاقي براح
سلطان دلوقت خلاص
ارتاح

مندهش لفترة
و سأعود
عندما
تزول

**أبوعبدالرحمن** · #5 26/06/2009, 15h43

شايف فيها نبرة حزن فراق
وآهات و بعاد وقتل أحلام وردية
ابداع متفرد
فى انتظار الجديد
لك خالص تحياتى وتقديرى وإحترامى

**عفاف سليمان** · #6 29/06/2009, 15h21

عزيزتى ايمان
اهلا بك عزيزتى فى سماعى الجميل واسرة سماعنا الرائعه
كلماتك رغم قلتها الا انها تحمل معانى جميله واصيله فى نفوسنا
للموت سلطان
سلمت يداك وافكارك
لك خالص التحيه والتقدير
والينا مزيدا من الابداعات
اختك عفاف