أنا و أنتم ليه مصممين نقولها غلط ؟

**سيادة الرئيس** · #1 11/05/2010, 09h07

(( أسطوانة ))

كلمة تدل على شكل فراغي قائم كل من قاعدتيه المتوازيتين منطقة دائرية

(( قرص ))

كلمة تدل على مساحة مسطحة دائرية الشكل

_________________

طيب

لما عمنا أديسون إخترع أول جهاز لتسجيل الصوت كان باكورة إنتاجه حاجه عمله كده

Cylinder
أسطوانة

و ده جهاز تشغيلها

جميل يا سيدنا و كتر ألف خيرك

و وصل إلى الشرق و في بعض التسجيلات العربية على ( الأسطوانة ) موجودة

حلو

طبعا العالم ما سكتش على الشكل المجعلص ده راحو طلعين علينا بده

Disk
قرص

و ده جهاز تشغيلها

و طبعا تطورت مدة التسجيل عليه بالزيادة إللي بترجع لعدد اللفات RPM
فكانت في الأول 78 و كلما نقصت عدد اللفات زاد مدة التسجيل

طبعا مرورا بتقنيات حديثة ( التسجيل الطويل - الشرائط - الكاسيت ) و غيرها
عشان يشرف السيد ( القرص المدمج ) Compact Disk و يقعد الناس دي في بيوتها

خدت لي بال حضرتك من Compact Disk دي

طيب همه قالوا : Cylinder
لما كانت : Cylinder

و بعدين قالوا : Disk
لما بقت : Disk

ليه إحنا مصممين لغاية النهارده على أسطوانة حتى لما بنجيب سيرة الـ Cylinder بنقول : أسطوانة كباية عشان نفرق بينها و بين إللي مش كبايه إللي هيا أسطوانة

الأسطوانة غير القرص

و على فكرة أنا مش عايز أصلح الكون لأني ببساطة حفضل طول عمري أقول : أسطوانة حتى على الـ CD كمان

**الألآتى** · #2 11/05/2010, 09h57

يعنى حضرتك قعدت تلف وتدور بينا .. وبعدين يابو زيد لاقيناك زى حالتنا ..

بصراحة كلمة قرص مش راكبه معايا .. كل أما أقولها ..

أفتكر قرص الحلاوة السمسمية بتاعة المولد .

مشيها إسطوانة وخلاص .. ياكولومبس

**سيادة الرئيس** · #3 11/05/2010, 10h24

ماشي يا آلاتي

طول عمرك حـ تقعد تلف و تدور علينا و مش حـ نخلص من إبرة لسانك فيا ريت تبطل خشخشه في مواضيعنا لإن القصة إتجرحت و بقت مشروخه و ممكن أفضحك في عالم الفن على قهوة كباية ناصية سينما أوديون و حـ تكون على الوشين و ساعتها مش حـ تقدر تبوق فينا تاني يا ابو ملاك

**الألآتى** · #4 11/05/2010, 11h16

ههههههههههه .. ماليش فى القافية ياصلاح ..

أهى دى الحاجة الوحيدة إللى ماخدتهاش من جدى ..

عليك لساااان .. عايز ... ولا بلاش .. أحسن ( على ) يزعل

**kabh01** · #5 11/05/2010, 11h36

يا أبو علي اذا جبنا الأسطوانة الطويلة وضغطناها عمويا (رفعنا السماكة) و صغرنا التجويف (الثقب) فسوف تبقى اسطوانة

**سمر** · #6 11/05/2010, 11h49

السلام عليكم

طيب حنسمي اللي لسة مولود جديد و اللي اسمه bleu ray ايه؟ ده رهيب. هل نقول ان القرص بدأ يحتضر؟

**سيادة الرئيس** · #7 11/05/2010, 12h18

اقتباس:

المشاركة الأصلية كتبت بواسطة سمر

السلام عليكم

طيب حنسمي اللي لسة مولود جديد و اللي اسمه bleu ray ايه؟ ده رهيب. هل نقول ان القرص بدأ يحتضر؟

كلام حلو و شوفته و اتعرفت على حضرته بس شوفي برضه إسمه

Blu-Ray Disk

بالعكس القرص موجود و دول ولاده بأسماء جديده

و قريب حفاجئ العالم بـ S.Allam Disk

و طبعا الأدق في كلامنا Disc
ده قرص و ده قرص لكن أبو C هوه القرص بتاع الفنوجرافيا

شكرا لمداخلتك

**سيادة الرئيس** · #8 11/05/2010, 12h19

اقتباس:

المشاركة الأصلية كتبت بواسطة kabh01

يا أبو علي اذا جبنا الأسطوانة الطويلة وضغطناها عمويا (رفعنا السماكة) و صغرنا التجويف (الثقب) فسوف تبقى اسطوانة

أموت في الهندزه

**صالح الحرباوي** · #9 11/05/2010, 12h44

طيب يا أبو على .... إيه رايك فخامتك اللي بنقوله هو الصحيح ...
.
الأسطوانة (33 لفه أو خلافه) هي شريحة من الأسطوانه العميقة
بسمك رقيق (2 أو 3 ميليمتر .. مثلا)
.
و حسب نظرية الرياضياب الهندسية .. كل شكل مستدير له مساحة وسمك يعتبر اسطوانه ...
أما القرص ... فهو دائرة لها مساحة مسطحة وليس لها سمك .. (وهذا نظري طبعا)
والدائرة .. لها محيط (مستدير) .. بدون مساحة و لا سمك ..

**سيادة الرئيس** · #10 11/05/2010, 16h44

اقتباس:

المشاركة الأصلية كتبت بواسطة صالح الحرباوي

طيب يا أبو على .... إيه رايك فخامتك اللي بنقوله هو الصحيح ...

.
الأسطوانة (33 لفه أو خلافه) هي شريحة من الأسطوانه العميقة
بسمك رقيق (2 أو 3 ميليمتر .. مثلا)
.
و حسب نظرية الرياضياب الهندسية .. كل شكل مستدير له مساحة وسمك يعتبر اسطوانه ...
أما القرص ... فهو دائرة لها مساحة مسطحة وليس لها سمك .. (وهذا نظري طبعا)

والدائرة .. لها محيط (مستدير) .. بدون مساحة و لا سمك ..

اقتباس:

المشاركة الأصلية كتبت بواسطة عادل سيد

بالتأكيد طالما لها ارتفاع تبقي اسطوانه
نهارك فل يا ابو علي

اقتباس:

المشاركة الأصلية كتبت بواسطة Egtpt4eveR

سيادة الرئيس هذا القرص أعتقد اسمه Blu-ray

أما ماذكره الأستاذ الحربوي عن الدائرة فهذا للشرح للتلامذة في حصص الهندسة والرياضيات
وأما ماذكره الأستاذ كُبَّه 01 صحيح أي رَفَعْنا بمعني زيادة أما إذا نطقناها رَّفْعَّنا بمعني نقصان
أما هذة الأسطوانة(القرص المدمج) فهو من نتاج خبرة العلماء والعين متعلاش عالحاجب

وعالأصل دوَّر

لو بتهزروا ماشي

و لو جد يبقى ما ينفعش لأن أسطوانة الفنوجراف إبرتها كانت بتمشي على مسار سطحها إللي بتكون في شكل لولبي ( راجع الصورة ) أما القرص فإبرته بتمشي على مسار مسطح في شكل دوامي

و على أساس ما قلتم ( لو كنتم مش بتهزروا ) أنا أطالب بتغيير إسم أحد فروع ألعاب القوى من ( رمي القرص ) إلى ( رمي الأسطوانة )