من يوم الثورة(سمسمية 1)

**سعدالشرقاوى** · #1 23/04/2011, 10h45

كلمات/سعدالشرقاوى
موسيقى وغناء/امحمد الالاتى
اخراج/د هشام خلف
(من يوم الثورة المصريه)
سمسمية
http://http://www.youtube.com/watch?v=WgrruXBGAAE
من يوم الثورة المصريّه
والعالم حبْ الحريّة
من يوم الثورة المصرية
بعزيمة وبهمّه (الله)
صحوّا صوت الامّه (الله)
من يوم الثورة المصريّة
,,,,,,
تلاتين سنه واحنا نعانى
ومسلــّمين روحنا لجانى
فكــّر يعيدها من تانى
والارض راحت والمَيّه
بعزيمه وبهمّه (الله)
صحّوا صوت الامّه (الله)
من يوم الثورة المصريّه
,,,,,,
تلاتين سنه عدّا شبابنا
والنار بتـنـْهش فى حطبنا
والفقر بايت على بابنا
نتعب نموت مالناش ديّه
بعزيمه وبهمه (الله)
صحوا صوت الامه (الله)
من يوم الثورة المصريّه
,,,,,,,,
تلاتين سنه زهـْرنا طافى
والمحترم عايش حافى
والحبل علــّمْ فى كتافى
شاددْ وانا مغمّى عنيّه
بعزيمه وبهمّه (الله)
صحوا صوت الامه (الله)
من يوم الثورة المصريّه
,,,,,,,
من يوم الثورة يا احبابى
بنحيّى ناصر وعرابى
ونهتف أنا وكل اصحابى
تعيش الوحده الوطنية
بعزيمه وبهمة (الله)
صحوا صوت الامه (الله)
من يوم الثورة المصرية
,,,,,,,,

**سعدالشرقاوى** · #2 24/04/2011, 11h36

http://http://www.youtube.com/watch?...eature=related

**Tarek Elemary** · #3 27/04/2011, 11h30

تلاتين سنة و الناس ساكتة
بتموت بسرطان و السكتة
خنازير طيور تنهش فينا
و و عود هوا آمته مسكته

أهلا أيها المبدع
على أنغام أبو العربى
رائعة تضاف لروائعك
و لا جديد ... الأصيل يبقى

**سعدالشرقاوى** · #4 14/05/2011, 05h58

اقتباس:

المشاركة الأصلية كتبت بواسطة Tarek Elemary

تلاتين سنة و الناس ساكتة

بتموت بسرطان و السكتة
خنازير طيور تنهش فينا
و و عود هوا آمته مسكته

أهلا أيها المبدع
على أنغام أبو العربى
رائعة تضاف لروائعك
و لا جديد ... الأصيل يبقى

ربنا مايحرمنيش منك ياغالى
ياللى وحشنى
مرورا كريما
اعتذر لتأخيرى عليه فى الرد
اخى الاستاذ
طارق العمرى
بارك الله فيكم
ودمت استاذا ومعلما
خالص تحياتى

**hany57** · #5 15/05/2011, 00h23

إسمعوا من سعد الشرقاوى
شاعرنا الراجل المصراوى
إسمعوا من سعد الشرقاوى
,,,,,,,,,,,,,,
إسمعوا حكاياته عن الثورة
م الماضى بنشوف العبرة
وخلى عينك على بكرة
دايما تكون ع الخير ناوى
سعد ياشرقاوى ( الله )
يا جن ومخاوى ( الله )
إسمعوا من سعد الشرقاوى
,,,,,,,,,,,,,,
فساد كتير زاد عن حده
والمفترى ربك هده
ياما نفسى من زوره أشده
وأسلمه أنا لعشماوى
سعد يا شرقاوى ( الله )
يا جن ومخاوى ( الله )
إسمعوا من سعد الشرقاوى
,,,,,,,,,,,,,,,,,,
بعملنا بكره نكون أحسن
والحالة تمشى وتتحسن
والأشيه تبقى يا ناس معدن
ومفيش تسكع وقهاوى
سعد يا شرقاوى ( الله )
يا جن ومخاوى ( الله )
إسمعوا من سعد الشرقاوى
,,,,,,,,,,,,,,,,,,,,
سعد الشرقاوى لما بيكتب
من غير ما يوزن ولا يحسب
الشعر تلاقيه بيسرسب
من إيد شاعرنا الشرقاوى
سعد يا شرقاوى ( الله )
يا جن ومخاوى ( الله )
إسمعوا من سعد الشرقاوى
,,,,,,,,,,,,,,,,,,,,
شعرك دا أحلى من السكر
وإحساسك شهد مكرر
وزى شعرك مين يقدر
يكتب زجل وللا غناوى
سعد يا شرقاوى ( الله )
يا جن ومخاوى ( الله )
إسمعوا من سعد الشرقاوى
,,,,,,,,,,,,,,,,,,,
ردى بسيط مش من قيمتك
والكل يعرف موهبتك
شعرك بيشهد وكتابتك
لك الريادة يا شرقاوى
سعد يا شرقاوى ( الله )
يا جن ومخاوى ( الله )
إسمعوا من سعد الشر قا وى

**سعدالشرقاوى** · #6 17/05/2011, 10h01

اقتباس:

المشاركة الأصلية كتبت بواسطة hany57

إسمعوا من سعد الشرقاوى

شاعرنا الراجل المصراوى
إسمعوا من سعد الشرقاوى
,,,,,,,,,,,,,,
إسمعوا حكاياته عن الثورة
م الماضى بنشوف العبرة
وخلى عينك على بكرة
دايما تكون ع الخير ناوى
سعد ياشرقاوى ( الله )
يا جن ومخاوى ( الله )
إسمعوا من سعد الشرقاوى
,,,,,,,,,,,,,,
فساد كتير زاد عن حده
والمفترى ربك هده
ياما نفسى من زوره أشده
وأسلمه أنا لعشماوى
سعد يا شرقاوى ( الله )
يا جن ومخاوى ( الله )
إسمعوا من سعد الشرقاوى
,,,,,,,,,,,,,,,,,,
بعملنا بكره نكون أحسن
والحالة تمشى وتتحسن
والأشيه تبقى يا ناس معدن
ومفيش تسكع وقهاوى
سعد يا شرقاوى ( الله )
يا جن ومخاوى ( الله )
إسمعوا من سعد الشرقاوى
,,,,,,,,,,,,,,,,,,,,
سعد الشرقاوى لما بيكتب
من غير ما يوزن ولا يحسب
الشعر تلاقيه بيسرسب
من إيد شاعرنا الشرقاوى
سعد يا شرقاوى ( الله )
يا جن ومخاوى ( الله )
إسمعوا من سعد الشرقاوى
,,,,,,,,,,,,,,,,,,,,
شعرك دا أحلى من السكر
وإحساسك شهد مكرر
وزى شعرك مين يقدر
يكتب زجل وللا غناوى
سعد يا شرقاوى ( الله )
يا جن ومخاوى ( الله )
إسمعوا من سعد الشرقاوى
,,,,,,,,,,,,,,,,,,,
ردى بسيط مش من قيمتك
والكل يعرف موهبتك
شعرك بيشهد وكتابتك
لك الريادة يا شرقاوى
سعد يا شرقاوى ( الله )
يا جن ومخاوى ( الله )
إسمعوا من سعد الشر قا وى

شاعرنا الكبير
اخى الاستاذ هانى
اشكر لكم هذا التواصل الرائع
ومروركم الكريم
الذى لاشك يزين الكلمات
ويجمّل الصفحات
لكم خالص التحية والتقدير