يـــامــرهــفــة

**حمدي السمر** · #1 01/03/2011, 00h08

يامرهفة
يامنبع الذووق والحنان
والطيبة والزمن الوفا
متمني ادسك في الضلوع
واتوزعك غيمة وشموع
تفضح ضلام حلمك سطوع
امسح دموعك اكفكفا
يامرهفة
يا فيني يا كل الجمال
سكنتك الدم في الوريد
ح املابك العالم نشيد
واسقيك من افراحي ريد
لامن تقولي لي كفا
يامرهفة
يوماتي يا شوق في الخيال
بمسك ضفايرك الاطفا
لامتين تنوم ايدك علي
ايدي الغرامك نضفا
هذب احاسيسي وبقيت
يادوب حياتي استلطفا
يامرهفة
ندمان علي العمر الراح
من دون مشاعرك يا شفا
والله صدقي يارهف
فرح السنين المترفه
انا بيكي حسيت الهوي
الصادق حقيقي بلا جفا
يامرهفة
مشتاق اضمك في حنان
وافتح غُرف قلبك وانوم
بي شوقي ليك استفا
الثم جبينك في إحترام
واحضن ايدينك في هيام
اطلع من العالم واغيب
في دنيتك انا يا سلاااام
وتقولي لي يا حبيبي فوووق
وانده اقول ليك ما كفا
ماشبعت لسة من بهاك
من ضحكتك
من روعتك
من حضنك الممدود دفا
انا ناوي اسكن فيك هنا
عاوز اغيب عن اي شي
وادسه جواك اختفاء

كلمات والحان واداء
حمدي السمر

تحميل الاغنية

**حمدي السمر** · #2 01/03/2011, 00h13

هذا الاداء واللحن بألة شعبية تسمي (الطمبور)
وهذا الايقاع يسمي ( إيقاع الدليب ) وهو ايقاع
تتميز منطقة (الشايقية ) في شمال السودان
ودام الود

**سعدالشرقاوى** · #3 02/03/2011, 14h30

عرفنا الاستاذ
حمدى السمر شاعرا
واليوم نراه ملحنا ومطربا
من الصفوف الاولى
رائع فى ثلاثى الابعاد
لك كل تقدير

**حمدي السمر** · #4 02/03/2011, 17h14

عمي واستاذي الحبيب القدير سعد الشرقاوي
والله ليكم وحشة كتير قوي ... منورني ياغالي
وكلها دي مجرد هوايات اتمني ان تجد القبول
ودامت المودة

**عفاف سليمان** · #5 08/03/2011, 12h16

اقتباس:

المشاركة الأصلية كتبت بواسطة حمدي السمر

يامرهفة

يامنبع الذووق والحنان
والطيبة والزمن الوفا
متمني ادسك في الضلوع
واتوزعك غيمة وشموع
تفضح ضلام حلمك سطوع
امسح دموعك اكفكفا
يامرهفة
يا فيني يا كل الجمال
سكنتك الدم في الوريد
ح املابك العالم نشيد
واسقيك من افراحي ريد
لامن تقولي لي كفا
يامرهفة
يوماتي يا شوق في الخيال
بمسك ضفايرك الاطفا
لامتين تنوم ايدك علي
ايدي الغرامك نضفا
هذب احاسيسي وبقيت
يادوب حياتي استلطفا
يامرهفة
ندمان علي العمر الراح
من دون مشاعرك يا شفا
والله صدقي يارهف
فرح السنين المترفه
انا بيكي حسيت الهوي
الصادق حقيقي بلا جفا
يامرهفة
مشتاق اضمك في حنان
وافتح غُرف قلبك وانوم
بي شوقي ليك استفا
الثم جبينك في إحترام
واحضن ايدينك في هيام
اطلع من العالم واغيب
في دنيتك انا يا سلاااام
وتقولي لي يا حبيبي فوووق
وانده اقول ليك ما كفا
ماشبعت لسة من بهاك
من ضحكتك
من روعتك
من حضنك الممدود دفا
انا ناوي اسكن فيك هنا
عاوز اغيب عن اي شي
وادسه جواك اختفاء

كلمات والحان واداء
حمدي السمر

تحميل الاغنية

*** تسلم يا زول***
على هذه الكلمات الطيبه
وعلى هذا اللحن الجميل
لون راقى ورائع
للغناء السودانى
وتوزيع جميل مع الكلمات
لا تخرج الا من اخونا
(((حمدى السمر)))
يسلم زوقك وتعبيرك
وحسك الراقى
دمت لى وللجميع بخير
اختك عفاف

**حمدي السمر** · #6 15/03/2011, 23h29

شكراً لهذه الاناقة يا اختي الاستاذة عفاف سليمان
فحضورك دوما مميز هكذا
كوني بخير يارائعة