بتطهرني من العصيان

**علاء طه ياسين** · #1 26/07/2009, 17h05

ياللي تمللي باشوفك دايما
روح شفافة وقلب حنون
اللي مابينا عمر بحاله
يمكن قبل بداية الكون
بتحبني أكتر من روحك
وبأحبك انا أوي بجنون
واتحديت في هواك العالم
واللي يكون ياحبيبي يكون

انت يا أجمل قلب صادفته
ونسيت ويا هواك الحيرة
بعد ما عشت انا طول ايامي
لدموعي وأحزاني أسيرة
شوفتك فجأة ف ليل أحلامي
فارس وانا في الحلم أميرة
حسيت إني بجد عرفتك
قبل سنين وليالي كتيرة

انت يا أغلي الكل عليا
جوة ملامحك شايفة انا نفسي
شايفة في نغزة خدك قمري
شايفة ف ضي عيونك شمسي
وبادوب أوي وباضيع بسهولة
لما تصبح .. لما تمسي
وانت كتاب مفتوح قدامي
باكتب فيه وشوشتي وهمسي

انت يا فجر جميل صحاني
بعد ليالي من الحرمان
موجة حبك فين وخداني
مش عارفة .. ولا عاوزة كمان
ياللي بتهدي الأفراح ليا
وأنا بهدي لك شوق وحنان
انت حبيبي وحبك توبة
بتطهرني من العصيان

علاء
....

**سعدالشرقاوى** · #2 27/07/2009, 09h08

شقيق روحى /علاء ياسين
عوده بقوّه
فيها خلاصة التحويشة

انت يا فجر جميل صحاني
بعد ليالي من الحرمان
موجة حبك فين وخداني
مش عارفة .. ولا عاوزة كمان
ياللي بتهدي الأفراح ليا
وأنا بهدي لك شوق وحنان
انت حبيبي وحبك توبة
بتطهرني من العصيان
ايه الحلاوه دى ياعم فينك يالحن فينك ياطرب

**د أنس البن** · #3 27/07/2009, 10h01

اقتباس:

انت يا أغلي الكل عليا
جوة ملامحك شايفة انا نفسي
شايفة في نغزة خدك قمري
شايفة ف ضي عيونك شمسي
وبادوب أوي وباضيع بسهولة
لما تصبح .. لما تمسي
وانت كتاب مفتوح قدامي
باكتب فيه وشوشتي وهمسي

كده كده يا سى علاء
يا عينى على أحلى وأرق كلام

**علاء طه ياسين** · #4 27/07/2009, 10h39

حبيبي
توأمي
سعد الشرقاوي

ردودك عليا دايما تسعدني
إنت نعم الأخ والصاحب
ربنا يكرمك ياحاج

بص بقا

كان ياما كان وكأنه مكانشي
قمر الليل اختفي ومابانشي
كان ياما كان كان فيه بنوته
يمشي الحب مكان ما بتمشي

زرعت نخلة ف قلب الواحة
وفاتتني وما شوفتش راحة
وسابتلي م الحزن مساحة
وانا مش قادر ماتجننشي

حلمي الأخضر راح ببلاش
لما استني النهر ماجاش
واما ف حضنها ماتدفاش
نزلت دمعة وحضنت رمشي

علاء

**NAHID 76** · #5 27/07/2009, 11h04

بسم الله الرحمن الرحيم
الشاعر الغنائى علاء ياسين
أيوه كده خلاص بقينا فى الفرمه المعروفه عنك
أستمر دائما فى الكتابه ولا تتوقف فأنت بفطرتك شاعر موهوب
وياريت تنوع أكثر فى أفاق الكتابه المجالات كتير ومختلفه مماسيزيد من أبداعاتك ويوسع مجالاتها
أما بالنسبه لبطهرنى من العصيان جميله وموسيقى حلوه ومعانيها اروع
تحياتى

**علاء طه ياسين** · #6 27/07/2009, 11h21

الأب الحنون
د. أنس البن
.....................
أنا سعيد جدا لأن ما أكتبه أعجبك ..
وسأكون أكثر سعادة ..
إذا كان ما أكتبه أعجبك وأسعدك ..
فاقبل مني هذه الباقة من الورد ..

وأهدي إليك قصيدتي "التائه"
بالفصحي
...........
علي صفحات كشكولي
أحاول شغل أوقاتي
فأرسم تارة نجما
يرفرف في سماواتي
وأرسم تارة قصرا
مليئا بالحكايات
وأكتب غنوة خجلي
إلي أحلي حبيباتي
.....
...
وأبصر تارة سربا
حماما عند حيّات
وأبصر ألف خفاشٍ
يحلق في الخرابات
وأبصر تارة غولا
يهمهم في المغارات
وأبصر ألف تنينٍ
غريبٍ حول غاباتي
كأن الحب حاكمني
بمحكمة الجنايات
......
فأعلم أنني أمشي
تسابقني حماقاتي
أجر القلب من تعبي
وأهذي من معاناتي
علي الأحزان لا أقوي
سجين في خيالاتي
.....
فأدرك أنني أحيا
بلا ماضٍ .. ولا آتِ

ابنكم
علاء

**علاء طه ياسين** · #7 27/07/2009, 11h39

المدهشة والرائعة الإطلالة
مدام ناهد
.............................
حضورك يزيد ما أكتبه روعة وجمالا ..
وتشجيعك الدائم يأسرني ..
فياسيدة الكلمات الرقيقة ..
كلامك نسمة عذبة باردة تهب من جهة الشمال ..
فيستقبلها الجنوب في هذه الأيام الحارة الخانقة ..
شاعرا بالراحة والطمأنينة ..
....
اقبلي مني هاته الزهور
وهذه الكلمات

القعدة وياكي لذيذة
ياغالية جدا وعزيزة
من كل حاجة فيكي ميزه
والفل مزروع ف ايديكي

يا قلب طيب وحنيّن
وكلام جميل سهل ولين
وشعور رقيق كده بيبيّن
ملاك نبيل ساكن فيكي

علاء

**حمدي السمر** · #8 27/07/2009, 21h28

اقتباس:

المشاركة الأصلية كتبت بواسطة علاء طه ياسين

انت يا فجر جميل صحاني
بعد ليالي من الحرمان
موجة حبك فين وخداني
مش عارفة .. ولا عاوزة كمان
ياللي بتهدي الأفراح ليا
وأنا بهدي لك شوق وحنان
انت حبيبي وحبك توبة
بتطهرني من العصيان

علاء

....

يااااااااااااه يا علاء يا انيق الحرف ...
بالله عليك اخدنا معاك نحن برضو في الموجة دي
ربنا يمتعك بي الصحة زي ما بتمتعنا

**علاء طه ياسين** · #9 28/07/2009, 06h03

الشاعر الأسمر الجميل
حمدي السمر

أولا اقبل هذه الوردة مني ..
وبعدين بقا أشكرك علي الكلام الحلو ده ..
ده انت اللي أنيق الحرف وبتمتعنا بأعمالك ..
في بعادك صعب أفرح
ومليش في الدنيا مطرح
في القلب شوك بيجرح
والدمعة في العنين
علاء

**yosry_at** · #10 28/07/2009, 17h39

ياللي تمللي باشوفك دايما
روح شفافة وقلب حنون
بتحبني أكتر من روحك
وبأحبك انا أوي بجنون
انت يا أغلي الكل عليا
حبيبى حمدى ليس لدى ارق من هذه الكلمات للرد عليك فلك فى قلمك حق الرد وهذا الكلام الجميل لا يخرج الا من رجلا جميل فتحياتى لك