إلي مجهولة العنوان

[علاء طه ياسين]

حبيتك وتمللي باقولها
لكن مش عارف مفعولها
وحنين ودموع بيني وبينك
وحاجات مقدرشي أتحملها
....
خِلْصِتْ علي بابك مواويلي
إيه حايشك إيه ؟.. ما تبصيلي
وخديني ف حضنك واحكيلي
حدوتة تكون من أولها
....
بقي بعد ما دوبنا وعشقنا
الحزن الواجع يسرقنا ؟
ويحوشنا كسوف وتفرقنا ؟
حكايات الدنيا ومشاكلها
....
الحلم بيكبر جوايا
وهاخاف من إيه وانتي معايا
لكن معقول بينا حكاية
مش قادرة قلوبنا تكملها ؟

علاء ياسين