على فين رايحين

**محمد محمدالعقاد** · #1 13/02/2013, 20h42

اغنية

على فين رايحين؟

على فين رايحين؟ ... يا ام الصابرين

وطريقك .. ليل ... ورياح خماسين

والجو ضباب ... والدنيا خراب

والنهضة سراب ... والمولى معين

على فين رايحين ؟

الدم رخيص ... على كل خسيس

والسحل مزاج ... عند المهاويس

دخان وغازات ... غير الاغتيالات

وشبابنا اهو مات ... والمسئول مين؟

على فين رايحين ؟

الحلم اهو ضاع ... ف شعار خداع

والعنف طريق ... ونهايته صراع

غير الأزمات ... والاحتجاجات

وصريخ وصوات ... وجراح وانين

على فين رايحين ؟

إخوان ف الدين ... كانوا ف الزنازين

وبقدرة قادر ... بقوا حاكمين! ! !

كذبوا على الناس ... والكذب اساس

وبكل حماس ... نازلين تمكين

على فين رايحين ؟

شعر : محمد العقاد

**Hisham Khala** · #2 13/02/2013, 23h03

اقتباس:

المشاركة الأصلية كتبت بواسطة محمد محمدالعقاد

اغنية
على فين رايحين؟
على فين رايحين؟ ... يا ام الصابرين
وطريقك .. ليل ... ورياح خماسين
والجو ضباب ... والدنيا خراب
والنهضة سراب ... والمولى معين
على فين رايحين ؟
الدم رخيص ... على كل خسيس
والسحل مزاج ... عند المهاويس
دخان وغازات ... غير الاغتيالات
وشبابنا اهو مات ... والمسئول مين؟
على فين رايحين ؟
الحلم اهو ضاع ... ف شعار خداع
والعنف طريق ... ونهايته صراع
غير الأزمات ... والاحتجاجات
وصريخ وصوات ... وجراح وانين
على فين رايحين ؟
إخوان ف الدين ... كانوا ف الزنازين
وبقدرة قادر ... بقوا حاكمين! ! !
كذبوا على الناس ... والكذب اساس
وبكل حماس ... نازلين تمكين
على فين رايحين ؟

شعر : محمد العقاد

متألق كالعادة
كلمات في الصميم و تعبر عن الواقع الأليم الذي نحياه

سأبدأ في وضع اطار لها و نحن علي اتصال

تحياتي لك

**منصور العجاتي** · #3 15/02/2013, 16h28

كلمات معبرة .. تسلم الايادي و العقول

الاجابة علي السؤال
علي فين رايحين ؟
قالوا لنا علي القدس رايحين
و قالولنا احنا بس اللي مسلمين
و طلعوا متـأسلمين
و سابونا وراحوا لوحدهم ل دوللي شاهين

اجابة السؤال عند الستار المعين
مش عند اللي في ايده مفاتيح السكر و الزيت و التموين
و لا عند الفاشل في ادارة السولار و البنزين
هو دا اخرهم , ينظموا حفلة و يجيبوا دوللي شاهين
و حتي ما عزموش تامر امين
دا كلام ؟!

و بعدين نسأل فين رايحين ؟

خلينا احسن صابرين و ساكتين

**Hisham Khala** · #4 15/02/2013, 19h22

اقتباس:

المشاركة الأصلية كتبت بواسطة منصور العجاتي

كلمات معبرة .. تسلم الايادي و العقول

الاجابة علي السؤال
علي فين رايحين ؟
قالوا لنا علي القدس رايحين
و قالولنا احنا بس اللي مسلمين
و طلعوا متـأسلمين
و سابونا وراحوا لوحدهم ل دوللي شاهين

اجابة السؤال عند الستار المعين
مش عند اللي في ايده مفاتيح السكر و الزيت و التموين
و لا عند الفاشل في ادارة السولار و البنزين
هو دا اخرهم , ينظموا حفلة و يجيبوا دوللي شاهين
و حتي ما عزموش تامر امين
دا كلام ؟!

و بعدين نسأل فين رايحين ؟

خلينا احسن صابرين و ساكتين

الله يا منصور
دا انت بتكتب شعر حلو

دندن فيها ، انا لحنتها بس احب اسمع طريقة تناولك للكلمات و خاصة انت حاسس بيها و فهمها كويس

**منصور العجاتي** · #5 15/02/2013, 20h41

يا دكتور هشام

حرام عليك

هو دا شعر و لا نثر ؟ دا ولا يتحسب أي حاجة
الواحد بس طهقان من اللي بيحصل حوالينا و الاستاذ العقاد يعني كتب كلام
( جايب من الشرخ الجواني علي رأيالبيصي )

انا مش بتاع شعر و نثر و لا عامية و لا فتحية ولا اي حاجة و بعدين دا مش كلامي !
دا كلامهم , مش هما اللي قالوا كدة ؟ خليهم يلحنوها هما لو حاسين انهم صادقين
ما هم عمالين يغنوا علينا بقالهم كتير

حضرتك لحنها و وزعها و ظبط التظابيط , ونحن في انتظار ابداعاتك كما تعودنا منك دوما

عموما انا عاوز اقولك ان تخيلي انها تكون في مود كوميدي ساخر علي بدون استعراض في التوزيع
يعني الغناء كورال و عود و كمنجتين و طبلة و خلاص علي كدة

تحياتي و تقديري

**Hisham Khala** · #6 15/02/2013, 23h17

اقتباس:

المشاركة الأصلية كتبت بواسطة منصور العجاتي

يا دكتور هشام

حرام عليك

هو دا شعر و لا نثر ؟ دا ولا يتحسب أي حاجة
الواحد بس طهقان من اللي بيحصل حوالينا و الاستاذ العقاد يعني كتب كلام
( جايب من الشرخ الجواني علي رأيالبيصي )

انا مش بتاع شعر و نثر و لا عامية و لا فتحية ولا اي حاجة و بعدين دا مش كلامي !
دا كلامهم , مش هما اللي قالوا كدة ؟ خليهم يلحنوها هما لو حاسين انهم صادقين
ما هم عمالين يغنوا علينا بقالهم كتير

حضرتك لحنها و وزعها و ظبط التظابيط , ونحن في انتظار ابداعاتك كما تعودنا منك دوما

عموما انا عاوز اقولك ان تخيلي انها تكون في مود كوميدي ساخر علي بدون استعراض في التوزيع
يعني الغناء كورال و عود و كمنجتين و طبلة و خلاص علي كدة

تحياتي و تقديري

أنا عملتها بس مش في لون كوميدي خالص ، عملتها في لون أسود فاقع (من فقع المرارة) لأن الجاي فعلا أسود غطيس ، أنت عارف الفرقة الغير الموسيقية اللي ما فيهاش عازف واحد فيه الرمق ، هي دي حكومتنا المقندلة (مشتقة من قنديل) ، أنا عارف أن الرد دا ها يتحذف ألحق أقراه قبل ما يتحذف

أعملها أنت كوميدي ، أنا عملت حاجات كوميدي منها "الاخوان بالزيت و السمن" و "برز الثعلب يوما" و "شرق شرق" ، لكن دي أنا شايفها سودة زي البفتة المنيلة

علي فكرة هو مين البيصي؟!

**منصور العجاتي** · #7 15/02/2013, 23h41

يا خبر ابيض ؟

فيه حد ما يعرفش البيصي ؟

دا البيصي المايسترو ( عبدالـله مشرف ) اللي كان شغال مع مزاجانجي ( محمود عبدالعزيز ) في فيلم الكيف
لو اتفرجت علي الفيلم او فاكره هاتعرف القصة ايه
كان مايسترو نص لبة كدة و بيلبس بدلة و فيونكة واكلة نص صدره

في انتظار اعمالك الجميلة

تحياتي و تقديري