مقام-كلنااا بنحب القمر؟؟؟

**انور الحارث** · #1 30/09/2012, 09h38

اساتذة سمااعى الافاضل :

ممكن مقااام هذه الاغنية للموسيقار:محمد عبد الوهاااب

(كلنااا بنحب القمر بس القمر بيحب مين)(كل داا بنحب القمر والقمر بيحب مين)

هذه الاغنية:

‫ظ…ط*ظ…ط¯ ط¹ط¨ط¯ ط§ظ„ظˆظ‡ط§ط¨ - ظƒظ„ظ†ط§ ظ†ط*ط¨ ط§ظ„ظ‚ظ…ط±‬&lrm; - YouTube

مع خاالص التقديرلكم

انور الحاارث

**guest** · #2 30/09/2012, 14h32

اغنية قديمة جدا !
قفشتها منين دي ؟ دي من العشرينات القرن الماضي

كلمات احمد شوقي
الحان محمد عبدالوهاب

اللحن فيه تنقلات مقامية كثيرة
اللحن بدأ المقدمة من النهاوند و لسه بنقول يا هادي راح عبدالوهاب رافع حرف الدو ( الدو دييز ) ! برة السلم خالص
( 0:23 ) ( نحب القمر ) .. استكفيت بهذا القدر يا استاذ انور عشان عبدالوهاب عمل زي دايرة صغيرة كدة
( ازاي مش عارف ! ) و راح ناقل علي البياتي ( و القمر بيحب مين ) ..

دعنا سويا نستنجد ب استاذ محمد الالاتي في المعضلة الموسيقية دي

تحياتي و تقديري

**انور الحارث** · #3 30/09/2012, 16h38

اقتباس:

المشاركة الأصلية كتبت بواسطة ehabalaaeldin

اغنية قديمة جدا !
قفشتها منين دي ؟ دي من العشرينات القرن الماضي

كلمات احمد شوقي
الحان محمد عبدالوهاب

اللحن فيه تنقلات مقامية كثيرة
اللحن بدأ المقدمة من النهاوند و لسه بنقول يا هادي راح عبدالوهاب رافع حرف الدو ( الدو دييز ) ! برة السلم خالص
( 0:23 ) ( نحب القمر ) .. استكفيت بهذا القدر يا استاذ انور عشان عبدالوهاب عمل زي دايرة صغيرة كدة
( ازاي مش عارف ! ) و راح ناقل علي البياتي ( و القمر بيحب مين ) ..

دعنا سويا نستنجد ب استاذ محمد الالاتي في المعضلة الموسيقية دي

تحياتي و تقديري

شكرااا استاذ ايهااب على المجهود ...

لكن كمااا قلت سننتظر عميد الموسيقى الالاتى

المعلومات التى لدى ايهاااب :

كمااا يلى كلمات: احمد عبد المجيد

المقااام : حجااز كاااركرد

ننتظر

**guest** · #4 30/09/2012, 16h45

نستني سوا التحليل الموسيقي المفصل من الاساتذة حتي نستفيد كلنا

و ها اسأل للتأكد مرة تانية عن المؤلف

تحياتي انور بيك

**الألآتى** · #5 30/09/2012, 21h42

المقام كرد .. ومافيش مشكلة خالص .. وإن شئتم الدقة .. هو حجاز كار كرد .. يعنى كرد من درجة الدو ..
ويسميه البعض كورديللى .

حتى ( والقمر بيحب مين ) مش بياتى ولا حاجة .. هو إستعمل نغمة البيكار بدلاً من البيمول .. يعنى عُربة

وساب القفلة معلقة .. يعنى ماقفلش على درجة ركوز المقام .. قفل على الدرجة السادسة بداية من الركوز

البياتى ممكن نلاقيه فى ( حظنا منه النظر وما بعدها )

**جابر المراغي** · #6 01/10/2012, 04h44

يااساتذه عفوا أغنية كلنا نحب القمر والقمر بيحب مين تأليف السفير / أحمد عبد المجيد وعلى فكره ياأخواننا اللى دل عبد الوهاب هو أمير الشعراء / أحمد بك شوقى

**guest** · #7 01/10/2012, 08h09

اقتباس:

المشاركة الأصلية كتبت بواسطة الألآتى

المقام كرد .. ومافيش مشكلة خالص .. وإن شئتم الدقة .. هو حجاز كار كرد .. يعنى كرد من درجة الدو ..
ويسميه البعض كورديللى .

حتى ( والقمر بيحب مين ) مش بياتى ولا حاجة .. هو إستعمل نغمة البيكار بدلاً من البيمول .. يعنى عُربة

وساب القفلة معلقة .. يعنى ماقفلش على درجة ركوز المقام .. قفل على الدرجة السادسة بداية من الركوز

البياتى ممكن نلاقيه فى ( حظنا منه النظر وما بعدها )

دانا هاروح اذاكر تاني كدة !
( عديها يا محمد بيك , الزمن اتغير .. اللي كان زمان كورديللي يبقي اليومين دول بياتي

)

بس التحليل دا ما ياكلش يا محمد بيك
عاوزين بالتفصيل حضرتك كل حاجة

**guest** · #8 01/10/2012, 11h08

سألت و بحثت و تأكدت من المؤلف

المؤلف هو فعلا كما قال استاذ انور و استاذ مراغي
السفير احمد عبدالمجيد
ولد 1905 و توفي 9 اكتوبر 1981
و ليه عدة كتب .. واحد منهم عن الشاعر احمد شوقي اسمه ( أحمد شوقي الشاعر الإنسان )
و كان رجل دبلوماسي و تقلد العديد من المناصب الدبلوماسية
و لكنه كان فنان و شاعر
قال عنه عبد الوهاب : اذا أردت الذيوع و الانتشار و الإحساس الغامر بما تقول فلحن و غنّ شعر أحمد عبد المجيد لأنه يفيض بالحرارة

و من اشهر الاغاني اللي كتبها حسدوني – خايف أقول اللي في قلبي – كثير يا قلبي – يا ليل يا روحي – القلب ياما انتظر – مريت على بيت الحبايب – يا ترى يا نسمة – الهوان وياك – ما كنش على البال
و كلنا نحب القمر

اعتذر عن الخلط .. و لكن السبب انه قرأت في كتاب ان الاغنية من تأليف احمد شوقي و ب سببكم بحثت اكثر في كذا مكان عشان اتأكد من المعلومة

تحياتي و تقديري للجميع

**الألآتى** · #9 01/10/2012, 12h56

اقتباس:

المشاركة الأصلية كتبت بواسطة ehabalaaeldin

بس التحليل دا ما ياكلش يا محمد بيك
عاوزين بالتفصيل حضرتك كل حاجة

السبب بسيط أستاذ إيهاب

الأخ أنور وضع سؤاله فى قسم الأسئلة حول الدروس .. وهناك خطآن ليس خطأ واحد

الخطأ الأول : لو أراد أخانا أنور أن يستفسر عن شئ متعلق بأغنية أو مقطوعة أو ماشابه ..

فعنده قسم الإستفسارات الموسيقية الموجود فى صالون سماعى أسفل الصفحة الرئيسية

الخطأ الثانى : إذا أراد صديقنا أنور باشا .. أن يحصل على تحليل مفصل للحن .. فكان يجب عليه أن يكتب موضوعه فى قسم ( دعوة موسيقية على أغنية ) والموجود أيضاً أسفل الصفحة الرئيسية .. وكذا يضع لنا ذكرياته عن الأغنية ولماذا إختارها هى بالذات دون غيرها .. وذلك حتى نتناقش حولها أدبياً وموسيقياً .. ويحث إثراء للموضوع

فهمت حاجة .. ولا أنا

الخلاصة : أنا لا أكتب تحليل مفصل إلا فى قسم دعوة موسيقية على أغنية .. حتى لا تتناثر التحليلات هنا وهناك .. مش كده ولا إييييه

**guest** · #10 01/10/2012, 13h44

استاذ محمد

استاذ انور طلب مقام الاغنية و ليس تحليل
طلب التحليل انا اللي طلبته , لو فيه غلط يبقي عندي انا

قابل بقي طلب التحليل

http://www.sama3y.net/forum/showthre...501#post604501

تحياتي و تقديري