21/09/2012, 22h05
|
 |
مواطن من سماعي
رقم العضوية:408324
|
|
تاريخ التسجيل: April 2009
الجنسية: مصرية
الإقامة: مصر
المشاركات: 911
|
|
|
|
وصية للعروسة
(وصيتى للعروسة) با وصّيكى وأوصّيكى تشيلى الغالى فى عنيكى دا هوّ العمر والعشرة وهوّ كل ما ليكى با وصّيكى ,,, با وصّيكى على المحبوب على قلبُه اللىّ دايب دوب عشان المولى رب قلوب يزيد نعمك ويعطيكى با وصّيكى ,,, با وصّيكى تكونى نهار ينوّرلـُه حيطان الدّار ويشعُر إنه يوم ما اختار سنين عمره ابتدت بيكى با اوصّيكى ,,, با وصّيكى بقلب كبير ويطرحله سنابل خير ولو عينه تشوف الغير تبانله الدنيا فى عنيكى باوصّيكى ,,, با وصّيكى واقول طاوعيه لا تتحدّى ولا تلاوعيه ولو يعطش لا زم تسقيه حنان الحب بإديكى با وصّيكى ,,, باوصيكى إعرفى إنـّـُه يحبك تسمعى منـّـُه وشيلى فى الهموم عنـّـُه وإوعى الغيرة تؤزيكى باوصّيكى ,,, باوصّيكى على طبعُـه وقلبك لمّا بيتابْعـُه يقيد الشمع فى صوابعه ينوّر كل لياليكى با وصّيكى ,,, باوصّيكى يابنت النيل تكونى فى الظلام قنديل منين ح يلاقى أىْ بديل وخير الدنيا حواليكى با وصّيكى ,,, با وصّيكى وكلىّ حماس يا واحده من أعزْ الناس وصيّة كلها إخلاص عشان ليّا عشم فيكى باوصّيكى با وصّيكى باوصّيكى
|
العرض المتطور
