حبات الياقوت

**محمد محمدالعقاد** · #1 30/10/2012, 13h54

حبات الياقوت

كل لحظة معاك تفــــــوت ***** لو بعمرى اشتريهـــــــــــا

حتى لو لحظة سكــــــوت ***** بلقى كل الحب فيهـــــــــــا

العينين شبعت قوالــــــــة ***** والقلوب صبحت ف حالـة

والكلام فوق الشفــــــايف ***** زى حبات الياقـــــــــــوت

يبقى ليه بس السكوت

كل لحظة معاك تعـــــــــدى ***** شوقتنى للحظة تانيــــــة

لحظة اعيشها معاك وودى ***** ما تفارقنى ولو لثانيـــــة

دانت اقرب شئ لنفســــــى ***** وف وجودك بلقى نفسـى

ياللى بكرة معاك وأمســـى ***** تفتكر ليه السكـــــوت؟؟؟!

والكلام فوق الشفايـــــــف ***** زى حبات الياقــــــــــــوت

يبقى ليه بس السكوت

لو يدوب الصمت بينـــــــــا ***** لو بهمسة ترد روحـــــــى

أو بكلمة رقيقة بينــــــــــــــا ***** كلمة تسعد بيها روحـــــى

ح تلاقينى بحر هــــــــــــادر ***** بالمحبة والمشاعـــــــــــر

وف رحاب الشوق بسافـــــر ***** فوق بساط الريح وافـــوت

والكلام فوق الشفايـــــــــــف ***** زى حبات الياقــــــــــــوت

يبقى ليه بس السكوت

لو تجرب مرة تشغـــــــــــــــل ***** م الياقوت عقد المحبـــــة

ايه ح يجرى وايه اللى يحصل ***** لو تجرب حبة حبــــــــــة

واملا كاسك من حنانـــــــــــى ***** دوب الشوق بالأمانـــــــى

تكتمل بيك المعانــــــــــــــــــى ***** قبل ما الايام تفـــــــــــوت

والكلام فوق الشفايـــــــــــــف ***** زى حبات الياقـــــــــــوت

يبقى ليه بس السكوت

شعر /محمد العقاد

**ALY ELHELALY** · #2 30/10/2012, 15h17

[QUOTE=محمد محمدالعقاد;608292]

حبات الياقوت

كل لحظة معاك تفــــــوت ***** لو بعمرى اشتريهـــــــــــا

حتى لو لحظة سكــــــوت ***** بلقى كل الحب فيهـــــــــــا

العينين شبعت قوالــــــــة ***** والقلوب صبحت ف حالـة

والكلام فوق الشفــــــايف ***** زى حبات الياقـــــــــــوت

يبقى ليه بس السكوت

الله الله الله على روعة ورقة الكلمات
لا أجد ما أقوله أمام هذه الكلمات الرقيقه
دمت لنا ودام مداد قلمك المبدع
أستاذي العزيز
أستاذ محمد محمد العقاد
دمت لنا بكل خير
تقبل تحياتي
علـ الهلالـ ـي