لسه الحياة حلوة

**ناصر دويدار** · #1 28/08/2009, 20h45

لسه الحياة حلوة
لسه الحياة تنعاش
وفى قلبى ميت غنوة
والوقت لسه ماجاش
مين غيركوا قوّانى
خلانى شئ تانى
فاكر ولا بنساش
عودك يا شيخ سيد
فى ضميرى بيعيّد
نتكلم انا وبيرم
يحضر فؤاد حداد
المغربة بتدن
الله يا شيخ رفعت
على صوتك الدافى
لمت فطار رمضان
من صغرى متربى
على صوت ولحن أصيل
موجى وبليغ حمدى
وأبويا صوت النيــل
عايز بقى أغنـى
فينك يا مـــرسى جميل
وفين عـلـــى مهدى
وفين عـلـــى إسماعيل
لسه الحياة حلوة
لسه الحياة تنعاش
وحكمل الغنـــــوة
لـو حــتــى وقـتــــى
ما جـــــــــــاش

**عمر زهران** · #2 28/08/2009, 23h24

دى أكيد أغنية وأغنية عالية ومعانيها أعلى ولسه الحياة حلوة ولسه الحياة تنعاش وصوت الشيخ محمد رفعت لسه بيرن فى ودنى وإيه حكايتك مع رمضان وجمال رمضان فعلا لسه الحياة حلوة ولازم نكمل الغنوة لو حتى الوقت ماجاش
والله يا عم ناصر انا بخش المنتدى على ريحتك كأنى عارف أنك جايب لنا فوانيس رمضان كل ده كنت مخبيه فين
انا مستنى العيدية

**ناصر دويدار** · #3 29/08/2009, 20h53

[QUOTE=عمر زهران;352036]دى أكيد أغنية وأغنية عالية ومعانيها أعلى ولسه الحياة حلوة ولسه الحياة تنعاش وصوت الشيخ محمد رفعت لسه بيرن فى ودنى وإيه حكايتك مع رمضان وجمال رمضان فعلا لسه الحياة حلوة ولازم نكمل الغنوة لو حتى الوقت ماجاش
والله يا عم ناصر انا بخش المنتدى على ريحتك كأنى عارف أنك جايب لنا فوانيس رمضان كل ده كنت مخبيه فين
انا مستنى العيدية
&&&&&&&&&&&
دى فعلاً أغنية
لحنها وغناها
طارق محرم فؤاد
أبن الفنان الكبير الراحل
واشتركنا بيها فى مهرجان
جرش سنة 98
ويا عم عمر عايزك تاخدلك لفة
على الشعرا الجامدين
انت محسسنى انك مكتوب على البطاقة
وده مش حلو عشان بحس ان كل تعليق عايز العيدية
عايز تستلف
لا فى ناس تانية ممكن تتعامل معاهم وكل سنة وانت طيب يا معلم
وسلامى لكل اهالى الإسماعيلية

**علاء قدرى** · #4 30/08/2009, 01h15

اقتباس:

المشاركة الأصلية كتبت بواسطة ناصر دويدار

لسه الحياة حلوة

لسه الحياة تنعاش
وفى قلبى ميت غنوة
والوقت لسه ماجاش
مين غيركوا قوّانى
خلانى شئ تانى
فاكر ولا بنساش
عودك يا شيخ سيد
فى ضميرى بيعيّد
نتكلم انا وبيرم
يحضر فؤاد حداد
المغربة بتدن
الله يا شيخ رفعت
على صوتك الدافى
لمت فطار رمضان
من صغرى متربى
على صوت ولحن أصيل
موجى وبليغ حمدى
وأبويا صوت النيــل
عايز بقى أغنـى
فينك يا مـــرسى جميل
وفين عـلـــى مهدى
وفين عـلـــى إسماعيل
لسه الحياة حلوة
لسه الحياة تنعاش
وحكمل الغنـــــوة
لـو حــتــى وقـتــــى

ما جـــــــــــاش

صديقى العزيز ناصر
كنت قد سمعت القصيدة بصوتك الجميل سابقا
والقاؤك له سحر خاص
وكنت قد سالت نفسى حين سماعها منك سؤلا جال بخاطرى :
رغم وجود اعمال لك تدفعك للهروب حينا
والياس احيانا
الا انه لسه الحياة تنعاش
نعم الشاعر حالة تمرد على الواقع ؛ ولو كان جنة
لانه ينشد دوما يوتوبيا ابديه ؛ لن تتحقق فى هذا العالم
اذا كل صراخ و رفض الشاعر لواقعه لا يعنى الياس
وانما ابتغاء الكمال؛ و القيم ؛ و الجمال
هذا هو سبب رفض الشاعر فهو ليس رفضا كليا ؛ وانما حالة تمرد على السئ فقط
جميلة القصيدة ؛ واجمل منها تلقائيتك ؛ وعدم البحث عن الكلمات ؛ فهى اقرب اليك منك

**ناصر دويدار** · #5 30/08/2009, 01h52

صديقى العزيز ناصر

كنت قد سمعت القصيدة بصوتك الجميل سابقا
والقاؤك له سحر خاص
وكنت قد سالت نفسى حين سماعها منك سؤلا جال بخاطرى :
رغم وجود اعمال لك تدفعك للهروب حينا
والياس احيانا
الا انه لسه الحياة تنعاش
نعم الشاعر حالة تمرد على الواقع ؛ ولو كان جنة
لانه ينشد دوما يوتوبيا ابديه ؛ لن تتحقق فى هذا العالم
اذا كل صراخ و رفض الشاعر لواقعه لا يعنى الياس
وانما ابتغاء الكمال؛ و القيم ؛ و الجمال
هذا هو سبب رفض الشاعر فهو ليس رفضا كليا ؛ وانما حالة تمرد على السئ فقط
جميلة القصيدة ؛ واجمل منها تلقائيتك ؛ وعدم البحث عن الكلمات ؛ فهى اقرب اليك منك
$$$$$$$$$$$$$$$$$$$$$$$$$$$$$$

صـــــــح
الشاعر فى حالة حلم مستحيل حتى لو تحقق هذا الحلم

الشعر غير السياسة 0
السياسة فن الممكن

إنما الشـعـر

(فــن .المستحيل)

وعلى الرغم من أى شئ

يتقال على الحياة

لكنها حلوة

وتنعاش
لأن فيها حاجات حلوة

وناس حلوة

تخيل حياتنا من غير شهر رمضان

أحنا كمصريين بالذات

حنعمل إيه ؟
!

وتخيل حياتنا من غير صوت محمد رفعت

وعبد العظيم زاهر

والنقشبنــدى

هيكون شكلها إيه ؟
وتخيل الحياة من غير ناس

طيبـة ومحترمة ومتربية وصادقة زيــك
كانت حتبقى

حياة فارغــة

فاعشان كده تمرد الشعرا تمرد إيجابى

وطيــب

النهارده واحد زميلى قالى عبارة غريبة جداً قالى انت عارف

انت اطيب منى بكتير قولتله بتقول كده ليه قالى انت عندك مساحة سماح مش عندى قولتله انا فى الأول وفى الأخر بتعامل على إنى شاعر صحيح لغتى ممكن تديلك إحساس إنى (صـــايع) لكن ده مش معناه إنى ما عنديش دم ولا قلب ولا إحساس فا لازم الواحد يتعامل مع الواقع بشئ من التعالى الجميل

أنا عايز أقولك أن الحياة على الرغم من قسوتها على البنى آدميين

لكنها عبقرية تخيل مثلا فى عز اى ازمة بتواجه اى بنى ادم و فجاة ربنا يحلها من عنده مش دى روعة مش فرج ربنا ده جمال تخيل و احد زى حا لاتى داخل على مرحلة الكهوله و لسه فى بنات بتحبك مش دى عبقرية الحياة فى الآخر ياصاحبى لازم نزعل ونفرح ونعيط ونضحك ونتغلب ونغلب ونروح ونيجى ونطلع وننزل 0
وعلى رأى كمال عبد الرحمن وحنمشى لكن مش حنسيبها بسهولة لازم نكتب تاريخ الأمة بأيدنا عشان اللى جاى يعرف أن أحنا كنا رجالة وعشنا رجالة وأتبهدلنا بهدلة رجالة

وأن قيمة الحياة فى كفاحها وأنك تدور على حـل لأى أزمة بتواجه البنى آدم

وأن الإنسان ممكن يعيش من غير فلوس من غير حبيب من غير عصافير وسمك ملون من غير شبابيك مفتوحة عالشارع لكن أستحالة البنى آدم يعيش من غير كـــــــــــــــرامـــة
فياصديقى هى دى الحياة وهو ده الشعر وهى دى حكايتى معـــاك