http://http://www.youtube.com/watch?v=hLMWbO3ddro
كلمات/سعدالشرقاوى
لحن وغناء/محمد الالاتى
(اشارة من العبّارة)
مع كل ذكرى تمرّ باسمع غارة
فى القلب بتفكرنى بالعبّارة
حتى السمك يظهر فى وش الميّه
مستنىّ طـُعْمُه الخالى م السنارة
,,,,
شهرين تلاته والشطوط مزدحمه
مستنيين الموج يطلع لحمه
يامقسمين الليله فين الرحمه
ياللىّ نفوسكم بالفساد أمّارة
,,,
يابحر موجك ناس وخوفى وهمىّ
فاكرين بأنك ع الرضيع بتسمىّ
احْمرّ اكتر من مرارى ودمىّ
ورّيهم السـُلـْطة اللى كات غدّارة
,,,,
ياقرش ياابيض باللى مالخ طوقى
ماكفاية نقل تقيل معتــّق فوقى
يامصر امْـته تصَحْصحى وتفوقى
سلمتى دمىّ رخيص يا ألف خسارة
,,,,,
قولوا لولادى وعزوتى وأحبابى
ولـْشطْ نيلى ودنيتى وشبابى
كان تمنى ست سنين فى حكم غيابى
ويصرفوا التأمين ويـبنوا تلتميت خمّاره
,,,,,
يامّه اللى واقفه هناك عشان جسمانى
عندك امل يامّايا ارجع تانى
خايف لا يـيجى اليوم يضيع الجانى
يمضى المغادرة ف سلم الطيارة
,,,,
وحيات خطيبتى والمقام والفرحه
والشنطه فيها سبحتك والطرحة
قولى لبلادنا والطيور الجارحة
تمَـنى أمانه ف يدْ أهل الحارة
,,,,
ماتفرّطوش فى الغالى ساعة الهوجه
وافتكروا ظلم الليل وعلـْو الموجه
مهما الحياه بالصبر جات معووجه
ماتساوى لحظة ف ليلة العبارة
,,,,,
رسالة من العبارة
العرض الشجري