اغنية دوخينى يا لمونة

**محمد محمدالعقاد** · #1 19/10/2013, 19h24

دوخيني يالمونه

دوخينى يالمونه
واقطعي عنى المعونة
لفيفينى ….واحدفين
مرجحينى ….وطوحينى
واعصرينى …ح تلاقنى
كل ماده بازيد مرونه
دوخينى يا لمونه
********
دوخينى يا لمونة
واقطعى عنى المعونة
مش ح اطاطى وامد ايدى
مش ح اقول للكلب سيدى
قبل منها كنت عايش
وبعد منها ح اتن عايش
برد طوبه يساوى عندى
لفحة الحر ف بؤونه
دوخينى يالمونه
*********
دوخينى يا لمونة
واقطعى عنى المعونة
فاكره بيها تجوعينى
مش ح اجوع ولا اذل نفسى
عايزه بيها تركعينى
مش راح اركع لأه... انسى
لسه نهر الخير بيسرى
خير بلادى يكفى حاجتى
وانتى نقبك جه ف شونه
دوخينى يالمونه

شعر : محمد العقاد

**elmobile** · #2 22/02/2014, 13h53

أفدت وأبدعت أخي محمد