علشان أنا مش بتنسي

[ALY ELHELALY]

علشان أنا مش بتنسي




مهما حاولت تخبي عني إشتياقك
وتقولي قلبي خلاص نسي
ومهما حاولت تبين الفرحة في فراقك
توهمني قلبك قال قسي
مش هصدق وانت عارف
ليه حبيبي
علشان أنا مش بتنسي

.....

هفتح بيبان القلب ليك
لو كنت ناوي تغيب وتهرب
لو كنت حاسس إن راحتك
في الفراق إبعد وجرب

لو كنت ناوى تبيعني بيع
لو كنت ناوي تخوني خون
وبلاش تحيرني معاك
إما أكون أو لا أكون
جرب وروح إبعد بعيد
جرب تعيش إحساس جديد
جرب وقولي بعدها
أنا مين بكون

وأنا بوعدك إنك ما تقدر تنسى مهما بعدت حبي
دايما هتشتاق للهوى وهيوحشك في البعد قلبي

ومنين ما تبعد أو تروح
هتلاقي قلبك فيه جروح

هتلاقي ذكرى بينا باقيه تفكرك
هتلاقي عقلك فيه حاجات بتحيرك
هتلاقي دمعة شوق في عينك تسألك
ليه الفراق
هتلاقي طيفي بيندهك
هتلاقي صورتي تشوقك
هتلاقي حبي في كل حته
تروحها قلبك يندهك
دبنا إشتياق


يبقى ليه تعند معايا
توهمني إنك مش معايا

وانت عارف م البداية
إن أنا مش بتنسي

...........

مستني إيه قلبي خلاص فاتح بيبانه
إبعد وجرب في الهوى وفارق زمانه
دور على راحتك هناك روح وإنسى عنوانه
ولو كنت خايف أنظلم
متخفشي إظلمني
أنا راضي ظلمك
مدام هتعيشها متهني
بس إفتكر كلمة هقولها
وبعدها سبني
حبي أنا مش سهل نسيانه

صدقني مهما بعدت عني مش نهاية
ده اللي بينا حب غالي من البداية
حب محفور فوق سطور الشوق
بيكتب في الهوى أجمل حكاية

ومنين ما تبعد أو تروح
هتلاقي قلبك فيه جروح

هتلاقي ذكرى بينا باقيه تفكرك
هتلاقي عقلك فيه حاجات بتحيرك
هتلاقي دمعة شوق في عينك تسألك
ليه الفراق
هتلاقي طيفي بيندهك
هتلاقي صورتي تشوقك
هتلاقي حبي في كل حته
تروحها قلبك يندهك
دبنا إشتياق


يبقى ليه تعند معايا
توهمني إنك مش معايا

وأنت عارف م البداية
إن أنا مش بتنسي

.....

علـ الهلالـ ـي

[سعدالشرقاوى]

الشاعر الجميل الاستاذ /على الهلالى
غنائيتكم رائعة
فقد احسنتم صياغة الفكرة
واتقنتم نظمها
بارك الله فيكم
لكم التحية

[ALY ELHELALY]

المشاركة الأصلية كتبت بواسطة سعدالشرقاوى

الشاعر الجميل الاستاذ /على الهلالى
غنائيتكم رائعة
فقد احسنتم صياغة الفكرة
واتقنتم نظمها
بارك الله فيكم
لكم التحية

الشاعر الرقيق الاستاذ سعد الشرقاوى
جزيل الشكر على تشريفك وعلى كلماتك الرقيقة
لا حرمنى الله منك
ودمت لنا بكل خير
خالص تحياتي