انا والقمر

**سعدالشرقاوى** · #1 01/09/2011, 16h19

هذه الصورة تم تصغيرها تلقائياً، قم بالنقر على هذا الشريط لعرضها بحجمها الأصلى. الأبعاد الأصلية للصورة: 640x480.

(أنا والقمر)
سعدالشرقاوى
بصّيت فى وشْ القمر عينى رأت تجاعيد
وناس كتير فى السما بتفكــّره بالعيد
قال ماضى منىّ يمين ما اظهر ولو ساعتين
وحبايبى متخاصمين ولاعادش سهرى يفيد
,,,,,,,,,
طلعت فوق السطوح وناديت عليه بالليل
كان أملى كتر النوح هايخلىّ قلبه يميل
والزّاى يكون قاسى وعمره ماكان ناسى
أتاريه شرب كاسى بايت وقلبه عليل
,,,,,,,,
وصّيت عليه النجوم باتت تصالح فيه
وتقول له ليه مهموم طاب قول لنا جرى ايه
يامجمّع العشــّاق على لهفة الأشواق
والكل لك مشتاق ياترى انت ساكت ليه
,,,,,,,,,
قام قال تعبنى السّهر نفسى أدوق النوم
ومرار قلوب البشر والجو كله غيوم
حتى الناس الحلوين فى هلالى متواعدين
من كام سنه نايمين طاب اعمل ايه يانجوم
,,,,,,,,,
دانا اللى كاشف عيوب الكل ومدارى
وبعينى شايف وساكت بس من نارى
صحّيت قلوب نايمين وصالحت متخاصمين
طلعوا اللى متفاهمين بيـبيعوا فى الشارى
,,,,,,,,,,
الظاهر انّ الزمن غيّر قلوب الناس
كان حب غالى التمن والقلب زىّ الماس
صبح الهدف مكشوف وماعادش فيها كسوف
وكتير نسوا المعروف وابن الاصول انداس
,,,,,,,,,

**Hisham Khala** · #2 02/09/2011, 22h26

ايه يا عم الجمال و الحلاوة دي
أمتعتنا كعادتك
كل عام و انتم بخير و صحة و سعادة.

**علاء طه ياسين** · #3 03/09/2011, 12h21

إنت القمر العالي الغالي ياخال ..
ووحشني كلامي معاك ..
وانا جاي علي استحياء .. باقدم رجل وأأخر التانية ..
وأقول لنفسي .. ياتري هيفتكرني بعد غيبة .. ولا نسيني ..
علي العموم ..
أنا مش هاقول لك مبدع كالعادة .. لأنك مبدع فعلا .. ومنتاش محتاج شهادة مني ..
ولا يسلم سن قلمك اللي بتدوس بيه علي الورق .. لأن ده أمر مفروغ منه ..
أنا هاخدك بالأحضان .. واقولك كل سنة وانت طيب..
وحشني طعم الغنا .. وكلامك السكر
وقريت حروف غنوتك .. اشتقت ليك أكتر
يابو الكلام مسافات .. من شوق ومن أحلام
انت القمر يا قمر .. وانا مين أنا ؟؟ .. فكَّر !

**NAHID 76** · #4 03/09/2011, 15h16

بسم الله الرحمن الرحيم
والله وفى الحقيقه القمر قمرين مع تجمع الصحبه من تانى والله زمان تحياتى

**هدى دولت** · #5 03/09/2011, 16h36

القمر يعرف يا سيدي ... أن ما زال هناك
قلوب صادقة ... بنبض الحب عايشه
إختار نفسك النقية .. وهمس برسالة عتاب شجية
لقلب مشتاق متعود على طهر السريرة وصفائها

لكل منا طريقته بالتعبير عن الحب
وكل زمن له وسائله المتفرد بها

وأؤكد لك أيها الشاعر الرقيق
مازال بيننا من يكتفي بنور القمر دليل

وحوارك البديع شاهد

حوار ظاهره الإنكسار ... وباطنه الشجن واللوعة
وتتراقص بينهما نفس عزيزة أبيه
عاشقة للحب الأفلاطوني
تتوارى بثوب الحياء
لأنه شعبة من شعب الإيمان

أستاذي ... سعد الشرقاوي
زادك ربي من نقاء مشاعرك
صح لسانك ...
أشكرك ..
دولت

**علاء طه ياسين** · #6 03/09/2011, 17h11

أمي الرائعة الغالية ..
مدام ناهد ..
كما أنت قمرا يطل فتنزاح أمام نوره كل الظلمات ..
تنثرين العطور في كل أنحاء المنتدي ..
فتملأه الروائح الطيبة ..
لك تقديري وامتناني وشكري العميق ..
واتمني أن تعود تلك الأيام الخوالي ..
وستعود إن شاء الله .. وتحت ظل رعايتك الكريمة ..

**سعدالشرقاوى** · #7 03/09/2011, 23h31

اقتباس:

المشاركة الأصلية كتبت بواسطة Hisham Khala

ايه يا عم الجمال و الحلاوة دي
أمتعتنا كعادتك
كل عام و انتم بخير و صحة و سعادة.

والله وعاد القمر ويّا النجوم بالليل
وعزمها عند الحبايب تسمع المواويل
وخدها ع التحرير لمصر بلد الخير
ورّاها حب كتير علىشط نهر النيل
اخىد/هشام
كل عام وانتم بخير

**سعدالشرقاوى** · #8 03/09/2011, 23h40

اقتباس:

المشاركة الأصلية كتبت بواسطة علاء طه ياسين

إنت القمر العالي الغالي ياخال ..

ووحشني كلامي معاك ..
وانا جاي علي استحياء .. باقدم رجل وأأخر التانية ..
وأقول لنفسي .. ياتري هيفتكرني بعد غيبة .. ولا نسيني ..
علي العموم ..
أنا مش هاقول لك مبدع كالعادة .. لأنك مبدع فعلا .. ومنتاش محتاج شهادة مني ..
ولا يسلم سن قلمك اللي بتدوس بيه علي الورق .. لأن ده أمر مفروغ منه ..
أنا هاخدك بالأحضان .. واقولك كل سنة وانت طيب..
وحشني طعم الغنا .. وكلامك السكر
وقريت حروف غنوتك .. اشتقت ليك أكتر
يابو الكلام مسافات .. من شوق ومن أحلام

انت القمر يا قمر .. وانا مين أنا ؟؟ .. فكَّر !

يانجمه يااخت القمر بالليل حبيبى جاى
من بعد طول السفر حايقضىّ عمره معاى
ياريت تحوشى العزول وتبعديه عننا
نسهر مع بعضنا واسقيه بايدى الشاى
توأم روحى
حبيبى الغالى
ابو ياسين
احمد الله على سلامتك
فقد اكتملت فرحة عيدنا
وعمت السعادة بيتنا
ارجو ربى ان تكونوا بخير
وان لا يحرمنا تواجدكم الكريم
كل عام وانتم بوافر الصحة والسعادة
0169922774

**سعدالشرقاوى** · #9 03/09/2011, 23h51

اقتباس:

المشاركة الأصلية كتبت بواسطة NAHID 76

بسم الله الرحمن الرحيم
والله وفى الحقيقه القمر قمرين مع تجمع الصحبه من تانى والله زمان تحياتى

طلعت فوق السطوح وناديت على الحلوين
ردّ عليّه القمر قال لى انت عايز مين
انا قلت ست الحبايب امنا ناهد
قام قال لى ساعة زمن ونجمّعوا الغاليين
يارب تكونى بخير
والوالد الكريم د/انس
ويعود عليكم الايام بالخير
ياست الكل
خالص تحياتى وتقديرى
لمروركم الطيب

**سعدالشرقاوى** · #10 04/09/2011, 00h04

اقتباس:

المشاركة الأصلية كتبت بواسطة هدى دولت

القمر يعرف يا سيدي ... أن ما زال هناك

قلوب صادقة ... بنبض الحب عايشه
إختار نفسك النقية .. وهمس برسالة عتاب شجية
لقلب مشتاق متعود على طهر السريرة وصفائها

لكل منا طريقته بالتعبير عن الحب
وكل زمن له وسائله المتفرد بها

وأؤكد لك أيها الشاعر الرقيق
مازال بيننا من يكتفي بنور القمر دليل

وحوارك البديع شاهد

حوار ظاهره الإنكسار ... وباطنه الشجن واللوعة
وتتراقص بينهما نفس عزيزة أبيه
عاشقة للحب الأفلاطوني
تتوارى بثوب الحياء
لأنه شعبة من شعب الإيمان

أستاذي ... سعد الشرقاوي
زادك ربي من نقاء مشاعرك
صح لسانك ...
أشكرك ..
دولت

طوّل عليّه السّهر وانا وحدى باستناك
ولمحت نور القمر باصص من الشباك
سألته فين الحبيب مارضيش يكلمنى
ولقيتنى باجرى عليه وباقول له خدنى معاك
الغاليه الاستاذة
هدى دولت
كم اسعدنا مروركم ونيل توقيعكم
فى متصفحنا المتواضع
ممازين الكلمات
وعطر الصفحات
بارك الله فيكم
وكل عام وانتم بخير