أنا جواي كلام طمنى

[على عبداللاه]

أنا جواي كلام طمنى

قاللى إن إنت العين والننى

بس إكمنى

خايف إني

تهرب منى كل مشاعري

قلت استني

يمكن سني

لما هيكبر حبه يعينني

وإنطباعات الحب الصعبه تسيبنى

إنت فاهمنى ؟

أعيد من تانى

حد يحب ف حد أناني ؟؟

عايش وسط الناس وحداني

آه وحداني

إوعى تقولى هتملا حياته بروحك

عمره ما يضحك

عمره ما يبقى سعيد لجروحك

ده هيقتلنى

آه والله دا هيقتلنى

يمكن حبه حب يعينوا

يمكن يبقو مسكن جامد

ينسى معاهم كل سنينه

بس ببصه صح بعينه

يلقى قصوره حروف ظالمنى

آه ظالمنى

لإنك منى

حزنك جوه عيونك شئ يألمنى

بس إطمن

لما هتحزن حبه عليا

أحسن جدا.. جدا جدا

من إنك تحزن ديما منى

يمكن أهرب

يمكن أجرب

مره حياه العزلة بحد

يمكن أروح لطريقي الصعب

ولما هسافر

عاوزك راضى

ولما هجيلك يوم على بالك

ودع فيا حنين الماضي

وابقى إدعيلى

قوله يارب

هو إختار يتحمل غلطه

سامحه يارب

قوله يارب .. هو دعالى إني ابعد عنه

هو دعالى كتير بالسعد

وإآنت يا روح يمكن سكنتني

هكون بدعيلك

نفس الدعوه

ربنا يبعد قربك منى

ربنا يبعد قربك مني

المنصوره فى 12/1/2008

من فضلك عند النقل نرجو ذكر المصدر

هذا الشعر خاص بمؤلفه وغير مسموح بتداوله

نشكركم على حسن الاهتمام

على الدين عبدالله على

محام

[سمعجى]

مرحباً بك أستاذ علي ، و أهلاً بإسهاماتِك ،، و ربنا يخللي " طفلك الجميل " ، و الذي اضطررتُ لحذفِ صورتِهِ " الكبيرة " إكتفاء ً بصورتِهِ الصغيرة ،،
و لدينا هنا في المنتدى قسمٌ للإجتماعيات ، يصلحُ لهذه الصور العائلية ،،

أما تنويهُكَ " في مكان التوقيع " ، فمضمونه بديهيٌ ، و لا يحتاجُ منكَ إلى تنبيهٍ أو إشعار ،،


مع تحياتي

[على عبداللاه]

الله اكرم وكل عام وأنتم جميعا بكل الخير
وأشكر لك جدا حسن معاملتك لى
وحسن أسلوبك فى العرض بصدر رحب
وأعتذر جدا عن وضعى الصوره الكبيره
لم أكن أعلم أن قوانين المنتدى تمنع ذلك
ولى عليك عتاب أيها المشرف الغالى المحترم جدا ( سمعجى )
أنت لم تقل رأيك بما سطرت نهائيا ...
أخشى أن يكون ما تسطر منى ليس جيداا
أنتظر ردك أو إن صدق المسمى نقدك بفارغ الصبر
وطبعا أنتظر ردود أعضاء المنتدى الغالى

[Islam Eidrisha]

بداية فأنا لست سمعجي
ولكنه فقط تشابه في الفوانيس
شكرا يا أستاذ علي فقصيدتك جميلة تنساب بخفة ورشاقة
وأكتفي بإحساسي فلست أديبا ولا شاعرا لأقوم بالنقد والتحليل
ونتمنى لك المزيد والتواصل معنا بين أخوتك
أهمس إليك وأقول بأن الأستاذ كمال عبد الرحمن (سمعجي)
لو لم تعجبه قصيدتك لما قام بالرد بحرف واحد
ولكنه دائما يدخل على عجل
رمضان كريم

[علاء طه ياسين]

الأستاذ الشاعر
علي عبد اللاه

مرحبا بك بيننا ..
في بيتنا سماعي ..
الكلام رائع .. والإحساس رقيق ..
وحروف تدخل القلب تتنطط من غير ما تستئذن ..
لك خالص احترامي وتقديري لموهبتك المتدفقة سحرًا وعذوبة ..
مع عاطر التحايا وأطيب المنى ..
ولك هذه الزهرة في أول حضور لك ..
تعبر عن ودٍ يدوم

علاء ياسين

[على عبداللاه]

المشاركة الأصلية كتبت بواسطة إســـلام

بداية فأنا لست سمعجي

ولكنه فقط تشابه في الفوانيس
شكرا يا أستاذ علي فقصيدتك جميلة تنساب بخفة ورشاقة
وأكتفي بإحساسي فلست أديبا ولا شاعرا لأقوم بالنقد والتحليل
ونتمنى لك المزيد والتواصل معنا بين أخوتك
أهمس إليك وأقول بأن الأستاذ كمال عبد الرحمن (سمعجي)
لو لم تعجبه قصيدتك لما قام بالرد بحرف واحد
ولكنه دائما يدخل على عجل
رمضان كريم

أشكر أنا لك كلماتك العطره التى أعطتى الأمان التام وأنا فعلا فى بيتى لك كل الود ولكم جميعا منى التحيه وعلى فكره فانوسك مضئ جدااااا ..

[على عبداللاه]

المشاركة الأصلية كتبت بواسطة علاء طه ياسين

الأستاذ الشاعر

علي عبد اللاه

مرحبا بك بيننا ..
في بيتنا سماعي ..
الكلام رائع .. والإحساس رقيق ..
وحروف تدخل القلب تتنطط من غير ما تستئذن ..
لك خالص احترامي وتقديري لموهبتك المتدفقة سحرًا وعذوبة ..
مع عاطر التحايا وأطيب المنى ..
ولك هذه الزهرة في أول حضور لك ..
تعبر عن ودٍ يدوم

علاء ياسين

أستاذى الفاضل الكبير / علاء ياسين
من القلب أرسل أنا لعنايتك التحيه وأكرك جدا على لطيف ما أطريت على سمعى به
ولكم بحق خالص ودى وشكرى وتقديرى وأتمنى التواصل على الدوام بمشيئة الله

[سمعجى]

[QUOTE=إســـلام;351156]

بداية فأنا لست سمعجي

ولكنه فقط تشابه في الفوانيس
شكرا يا أستاذ علي فقصيدتك جميلة تنساب بخفة ورشاقة

((( )))

يا فوانيسك يا إسلام

[صبره ابو حسن]

عزيزى الاستاذ/على
كل سته وحضرتك طيب
واهلا بك فى منتدى سماعى
ويابختك ياعم الاستاذ " سماعى "
بيرد عليك مرتين فى اول مشاركه
انا ليا سنتين فى المنتدى
وما نلتش الشرف العظيم ده ولا مره
اما كلماتك جميله وارى انها تميل للشكل الغنائى
وننتظر منك اعمال اخرى علشان الصوره تكمل

[على عبداللاه]

المشاركة الأصلية كتبت بواسطة صبره ابو حسن

عزيزى الاستاذ/على

كل سته وحضرتك طيب
واهلا بك فى منتدى سماعى
ويابختك ياعم الاستاذ " سماعى "
بيرد عليك مرتين فى اول مشاركه
انا ليا سنتين فى المنتدى
وما نلتش الشرف العظيم ده ولا مره
اما كلماتك جميله وارى انها تميل للشكل الغنائى
وننتظر منك اعمال اخرى علشان الصوره تكمل

الغالى / صبره ابو حسن
من أول دقيقه طالعت فيها المنتدى لدى بحثى على الانترنت
لحسست انه بالفعل بيتى ... إن قبلتمونى طبعا ..
وما جاملتمونى فيه من رقيق وعذب الكلمات هو بالفعل أعلى
وسام حصلت انا عليه ... أشكرك جدا ومن القلب تقبل منى التحية
أنت وأعضاء المنتدى الكريم فردا فردا مشرفين وأعضاء
وكل عام وأنتم بخير