عرض مشاركة واحدة
  #7  
قديم 13/10/2011, 15h49
الصورة الرمزية عادل صموئيل
عادل صموئيل عادل صموئيل غير متصل  
Moderator
رقم العضوية:249452
 
تاريخ التسجيل: juin 2008
الجنسية: مصرى
الإقامة: مصر
العمر: 73
المشاركات: 552
افتراضي رد: قسم ترانيم بالنوته الموسيقيه

اقتباس:
المشاركة الأصلية كتبت بواسطة رومه عطا مشاهدة المشاركة
بجد جميل قوي
انا عندي ترانيم كتير بس مبعرفش ارفعها
الأخت الفاضلة رومة
انتى كنتى من فترة دخلتى قسم طلبات النوت كنتى مش عارفة تفتحى النوت بتاعتى عشن ماعندكيش برنامج اكروبات ريدر
هلى نزلتيه ولا لسه
انا طبعا بهتم جدا بكل الاعضاء يعنى اكيد لما بتعب عشان اكتب لهم النوت اكيد احب ان الجميع يفتحها وينزلها ويستفيد منها , والنوتة لو صورة زى ما انتى كنتى عايزة بتبقى وحشة فى الطباعة لكن لو على اكروبات ريدر انتى ممكن تطعيعا حاتحسى كانها مطبوعة من كتاب يعنى درجة نقاء 100% وحتى لو ماعندكيش طابعة ممكن تاخديها على فلاشة وتنزلى فى اى مكان مكتب كمبيوتر وتطبعيها مش حاتكلفك الصفحة اكتر من 25 قرش وكل المكاتب فيها اكروبات ريدر يعنى مفيش مشكلة من اى نوع
اما من ناحية انك عندك ترانيم وعايزة تنزليها يعنى ملفات صوتية ولا نوتة ؟
فى حالة الملفات الصوتية الاول بس راجعى الترانيم الموجودة على المنتدى عشان ماتبقاش مكررة
وطريقة الرفع :
الاول فى جهازك حطى الترانيم فى مكان محدد يعنى ماى دوكيومنتس مثلا وطبعا كل ملف عليه اسم الترنيمة
فى النافذة اللى انتى بتكتبى فيها الردود دى بصى فوق نافذة الكتابة فيه شريط اعلى وشريط اسفل فى الشريط الاعلى حتلاقى نوع وحجم ولون الخط جنبهم حاجة شبه دبوس مكتب من اللى بتشبكى بيه الورق لما تضغطى عليها حايفتح لك نافذة اسمها المرفقات
فى النافذة دى حتلاقى كلمة رفع ملفات من دهازك تحتها شبابيك مكتوب على كل واحد كلمة تصفح
اضغطى عليه حايفتح لك جهازك روحى طبعا للمكان اللى انتى حاطة فيه الملفات واضغطى على اللى عايزة تنزليها
تحت فى النافذة حتلاقى كلمة open لما تضغطى عليها حتلاقى اسم الملف جه فى السطر على الشمال حتلاقى كلمة رفع اضغطى علهيا بس انتظرى طبعا لحد ما الملف ينزل وهو بياخد وقت لو الملف كبير
بعد ماتتأكدى ان الملف نزل يعنى ترفعى صفحة الكتابة لفوق تلاقى ملفك نزل فى المرفقات
اكتبى اللى عايزة تكتبيه وابعتى الرسالة
الموضوع ممكن يكون صعب اول مرة لكن بعد كده بيبقى سهل جدا جدا
مع اطيب تحياتى واى استشارة

رد مع اقتباس