---
محمد عبدالمطلب
حياتي في الهوى
كلمات حسين السيد - الحان احمد صدقي
حياتي في الهوى حياة قلبي أنا
تبارك في الهنا وتواسي في الضنا
و تريح كل عاشق في حبه الا انا
حياتي في الهوى غنوة دموعي وفرحتي فيها
باخدها من الأمل نسمة شفايف الورد تحكيها
واخدها من السهر نجمة عذاب الشوق لياليها
و جيب كلمة على كلمة و اروح للناس واغنيها
يسمعها المظلوم في هواه يلاقيني بردد شكواه
والفرحان يلاقيني وياه فرحان له وبغني معاه
حياتي في الهوى . . .
جمال الروح مالوش أول وله أسرار بناجيها
بشوفه فوردة بتمَيِّل على الوردة اللي جنبيها
واشوفه فدمعة بتكحل عيون الروض وترويها
صور بتروح وتتبدل ولا تدرى العيون بيها
لكن في عينيَّ بتكمل كلام غنوة بغنيها
يسمعها المظلوم في هواه يلاقيني بردد شكواه
والفرحان يلاقيني وياه فرحان له وباغني معاه
حياتي في الهوى . . .
تسجيل بجودة أفضل للمقارنة
---