[zoulou76]

هذه كلمات بعض روائع المجموعة اللطفية، لكلام لمرصع

1/اللطفية:

يا لطف الله الخافي
لطف بينا فيما جرات بيه القدار
يا نعم الحي الكافي
كفينا شر الوقت ما نشوفو غيار

يا مول الفضل الوافي
فضلك ما يتنهى ولا تحدو سطار

عجل بدواك الشافي
ورحم ضعف الأمة الغارقة فالوزار

قادر تبلي و تعافي
وتنسخ الشدة بالعفو كما ف لخبار
*/*/*/*/*/
رحمنا يا رحمان يا قديم لحسان
لو اخدت العصيان كلنا عاصين

لولا ضعف الإيمان ما يجور الزمان

ويوليو الطغيان بالقهر جايرين

و المسكين لهيمان فالشقا و لمحان

يتمنى الموت عيان ما وجدها فحين
*/*/*/*/*/
من هم الوقت مفافـي
مايتفرغ لصلا فوقتها شي نهار

تايه فتلول فيافـي
تارة يعثر تارة يطيح بين لوعار
*/*/*/*/*/
بحنا بالمحرمات و المعاصي قوات
وقلوب الناس طغات غافلة على الموت

والعلامات تنبات لورى ما خفات

وقوات الظلمات والمكر و البهوت

قومان صمت و عمات غرهم لحيات

تبعو حب الشهوات فوق سحت السحوت
*/*/*/*/*/
لوراد الله يحافـي
يهلكنا بنواع البلا يعم لقطار

لكن بالجود يكافـي
لوجه عين الرحمة يحد جمع لشرار
*/*/*/*/*/

يا من لطفك موجود عن جميع لوجود

ولا تنقص من جود للشقي والسعيد

أنت الله المعبود لحليم لودود

فضلك دايم منفوذ فالدني و لبعيد

من يتعدى لحدود يوم ضيق اللحود

يلقى فعلو ويعود فالعذاب الشديد
*/*/*/*/*/

وصحاب النهج الصافي
مأواهم الجنة بحورها و لثمـار

شلا نحكي بوصافي
والمحروم الشاقي يذوق صهد لجمار
*/*/*/*/*/
ماعولنا لرحيل ما سلكنا سبيل

وقلوب الناس تميل للطمع والحيال

عاش المسكين ذليل دون علة عليل

والفاجر في تفضيل عند قوم الضلال

لوكان لئيم بخيل تمدحو هل الجيل

ويقولو مرء عقيل من خيار لفضال
*/*/*/*/*
والعالم كل خوافي
يخفض من رفعوه العباد مهما كبار

ويعود مصباحو طافي
وقبرو حفرة من جحيم فيها احشار
*/*/*/*/*/
ما باقي ما يعشاق في زمان النفاق

لا عاهد لا ميثاق توجدو و لا صديق

الوقت صعاب وضياق و عمات الأسواق

لا باركة ف ارزاق خارجين الطريق

**الدين اغرب وانساق في جميع الافاق

وهلو فقدوا لرفاق ما بقا مايليق**
*/*/*/*/*/
الدم من دمو جافي
وهل المال حراجو على قبيط لعمار

نحكي ما رات شوافي
ما يرفق غني بضعيف خوه أو جار
*/*/*/*/*/
تأمل يا إنسان ما وقع فالزمان
أنا و أنت للآن ف لقفر تايهين
ما جنبنا عصيان ما فعلنا احسان
ما خالفنا شيطان ما احسنا يقين
مضى لعمر خسران و انصرف بلبيان
شوف الشيب إلى بان يفكد الراحلين
*/*/*/*/*
وين سلافك وسلافي
سكنو تحت غموق التراب غاب لخبار
سعد لي جرحو رافي
يخطى ويتوب سريع من صميم لصيار
*/*/*/*/*/
لازمنا الإستغفار فالضيا و لسحار
بالذل و لحتقار و لخشوع لكثير
و نتوبو للقهار كافة ب لجهار
و نقولو يا جبار جبر اللي كسير
و محي عنا لوزار يا عليم لسرار
فضلك شلة يحصار جود عنا بخير
*/*/*/*/*/
و نهاية رمز تحافي
الله يعافينا جميع من د لضرار
بجاه النبي الوافي
محمد تاج المرسلين سيد لبرار
يا راوي خود قوافي
ذكر بيها ناس العقول طيب لذكار
*/*/*/*/*/
والناظم ماهو خافي
الحاج احمد لغرابلي افصيح لشعار
يا لطف الله الخافي
لطف بينا فيما جرات بيه لقدار

2/ لكلام لمرصع:
المقدمة:
مال قلبي يرمي بشرار
شاعلة في قلبو جمرة
و مال قلبك ما جاب خبار
واش ما وصلاتك هدرة
*/*/*/*/
لكلام لمرصع فقد المداق
و الحرف البراق ضيع الحدة
ياك الدل محاك يا سدي عفاك
وكلمت عفاك ما تحيد شدة
*/*/*/*/
واهيا بنادم
يا بني ادام
ثبت لقدام ديرليك لجام
راك تايه تحلم
كيف نصبر
و نتايا زايد في لهيب
نارك تحرق قلبي
واشنو ذنبي
اه يا بنادم
*/*/*/*/
اه يا بنادم
يا بني ادام
و راه مولاك حسيب
نقص من التخريب
و سرك خبيه
الى بغيتي تسلم
اه يا بنادم
*/*/*/*/
حطوني في مكان
يشبه القبر
كله حزان
لازم نصبر
واش لازم نصبر
آحياني
*/*/*/*/