دى بقى علشان عيد ميلاد الريس اللى بالى بالك
عيد ميلاد سعيد مبارك ... عيد ميلادك يا أفندينا
عيد ميلاد سعيد عليك ... بس مش سعيد علينا
يا بو لبس و شعر شيك ... ليه يابوى دايما ناسينا
دايما السرور ماليك ... و إحنا الإكتئاب مالينا
كلنا فى ظلمك شريك ... إن كان محمد وللا مينا
ربنا م الخير عاطيك ... و إحنا ياللا ... ماعلينا
مش بنحسد معاليك ... بس اهه .. بيصعب علينا
تاكل انت حمام فريك ... و إحنا مش لاقيين عجينة
تمرح انت وولديك ... و احنا مش لاقيين كابينة
عيد ميلاد سعيد مبارك ... عيد ميلادك يا أفندينا
__________________
دى فضفضة من قلم رغم الألم ... حسَّاس
مهموم بِهَمْ الناس
يمكن تضيئ كلمته ... العقل جوة الراس