[الهائف]

قصيدة الشاعر الكبير/ خلف بن هذال العتيبي (واقلب ياللي كن يبراه)

واقلبي اللي كن يبراه مبــــــــراه وملاطفه تسعه وتسعيـــــن علــــــة
له مدة مســــــــــتدخل داه ودواه الداء حصل له والدواء ما حصل له
لو البكا يجيب غايب بكيـــــــــناه غير البكا لصبي عيني مـــــــــــذله
لاواحليلك يالصغير حليـــــــــلاه عليك من خلي وصوف مــــــــدلّـة
عليك من خلي خشيمه ومأطــــاه في باقي الاوصاف ماانت احلاً لـه
خلي جديد اللبس والصوغ يزهاه ادعج غنج من قابــله مايمــــــــــله
وابكي عقب فرقاه واقول عــزاه يامن خبر مثلي بكاء حب خلّـــــــه
يابعد دار سهيف الوسط بعــــداه دونه قنب ذيب يروجع عوى لـــــه
خلي نجوم اللي تسري وتطـــــاه تمر مدهاله وتــــــــــرقب محلــــه
يفز قلبي كل ما أوحيت طــريــاه أيضا إذا حطــو على النار دلــــــة
الله على اللي يقطع الدار ممشاه وارد حفيز ويســري الليل كلــــــه
ابا انحر اللي جر قلبي وعنّـــــاه غرو بغي الجهل قلبي يتلــــــــــــه
حبه بقلبي حل ما والله أنســـــاه حل بمحل حلّ ما احد يحلـــــــــــه