[Hisham Khala]

المشاركة الأصلية كتبت بواسطة MrAdel1984

السلام عليكم

انا بتعلم قراءة النوتة + العزف على الأورج من فترة بسيطة شهرين أو أقل، تعليم ذاتي من النت. وفي بعض النقط أو الافتراضات اللي أنا فاهمها بشكل معين و عايز حضرتك تأكدلي أو تصلحلي مفهومي :

1 - الهارموني شىء خاص بالمعزوفات المكتوبة لآلة البيانو الغربي فقط، و بيتم تنفيذه عن طريق ال 3 أو 4 مفاتيج اللي بضغط عليهم مرة واحدة بصوابع إيدي الشمال. و موجود أكتر في الألحان الكلاسيكية الغربية -بيتهوفن مثلا- و الغربية الحديثة كمان.


ليس صحيحا أن الهارموني خاص بالبيانو فقط. الهارموني بدأ مع الاصوات البشرية بداية من القرن 12 الميلادي في أوربا و ذلك لحاجة ترتيل الصلوات في الكنائس بأصوت البشر مع أختلاف طبقاتهم الصوتية فتم تلحين الترانيم بنغمات تناسب الاصوات الحادة من النساء (السوبرانو) و الاصوات الاقل حدة من النساء (آلتو) و الاصوات الغليظة من الرجال (التينور) و الاصوات الاكثر غلظة من الرجال (الباص) طبعا تقسيم الاصوات البشرية يشمل أصوات أخري مثل الميتزو سوبرانو و الكونتر آلتو في النساء و الباريتون و الباص العميق في الرجال.
ثم أنتقل لباقي الالات الموسيقية .... و ليس بالضروري أن 3 او 4 نغمات يتم عازفهم مع بعض كل الوقت ... فقد يلعب الباص أربيجيو او يلعب البيانو أربيجيو او يتم ترتيب نغمات التآلف بأي شكل و بأي أزمان.


2- بناء على فهمي لرقم واحد، لما آجي أعزف حاجة من نوتات مطربي الزمن الجميل (فريد مثلا)، بقول إن مصطلح هارموني ملوش تعريف هنا لأن ده لحن بياتي معمول على عود مثلا (مش بيانو بقى) و إن النوتة نفسها مفهاش أى دلالة لأى هارموني (مفتاح صول عليه الميلودي الأساسية (موسيقى + غناء)، لكن كل حاجة ماشية في خط أفقي فقط) .

[COLOR="rgb(139, 0, 0)"]فيه ألحان كثيرة ليس لها مصاحبة هارمونية و لكن مقامات مثل البياتي و الرست ذوي الارباع تون ممكن عمل هارموني لها غير تقليدي .. لان الربع تون في عرف الهارموني نغمة نشاذ.
[/COLOR]

3 -أنا في معلومة قريتها إن الهارموني بيتحقق لما مثلا 3 آلات مختلفة تلعب في نفس اللحظة (مثلا: دو - مي - صول) كل آلة تعلب نغمة منهم .. أنا فهمت اللي قريته صح ؟ و يبقى تصنيفه ايه او مسماه هارموني حديث أو قديم ؟

[COLOR="rgb(139, 0, 0)"] الهارموني تعدد صوتي ممكن يلعبه: كمان و فيولا و شيللو - أو فلوت و ابوا و كلارينت و فاجوت - أو ترمبيت و هورن و ترمبون و توبا - أو بيانو - أو أورج ..... ليس بالضروري أن يكون خطوط النغمات الثلاثة او الاربعة لهم نفس الزمن فمثلا الكمان تلعب دوبل كروشات و الفيولا نوارات و الشيللو بلانشات أو اي تقسيمة.
الهارموني علم قابل للتحديث و لكن ليس كما تظن.
[/COLOR]

4- بما اني مبتدىء فأجلت تدريب إيدي الشمال لحد ما أتمكن أولا من تدريب إيدي اليمين لحد ما أشوف الدنيا حاتمشي ازاى معايا في تعلم الموسيقى لو الدنيا مشيت كويس أخش على الشمال أدربها فضلا عن إن المعتقدات 1 ، 2 بتقول إني نادرا ما حاحتاجها إلا لو بعزف حاجة غربي أو شرقي حديث من أغاني دلوقتي... فهل دي فكرة صائبة اني مادربش ايدي الشمال؟
[COLOR="rgb(139, 0, 0)"]
طبعا غلط ... درب يدك اليسري.
[/COLOR]

خالص تحياتي