---
من الحفلات الرائعة للمطرب الكبير
عبد الهادي بلخياط
عوّام
كلمات علي الحداني - الحان عبد القادر وهبي
ياك أ البحور شاهدة من صغري عوّام
شاهدة يا ما طوّعت ف أمواجك القوية
و علاش هاد المرة ضاع مني بر السلام؟
و كيف جرا حتى قضات عليا موجة صبية
اهيا ناري اش داني نعوم ف بحر الغرام
و نخاطر بقلبي الغالي العزيز عليا
أنا اللي كنت ف شطّي فارس الفرسان
و قلبي درّة أنا محضية ما يوصلهاش أي كان
أنا محصور و حاصل ف شباك الهوى
شايف قلبي غارق فوسط الموج و عطشان
و على شمالي أو يميني كنسمع صوت يناديني
و يقول ليا سلـّم أمرك تكويتي و كان اللي كان
على خدي سالت دمعة أول دمعة منك يا عين
و الليل يقرب لعندي و يقول لي ناوي تهرب فين
تعالى ناوي تهرب فين
قاسي و اصبر و عدي مكتوب و لازم تودي
و لا تخشى أمر الهوى دابا توالف ناره تقدي
و تسهر مع السهرانين و تعلّم قلبك يا مسكين
يذوق محاين الهوى و يقول ماشي خسارة ف الزين
تسجيل حفل مطول
---