كلمات بعض روائع جيل جيلالة1
هذه كلمات بعض روائع المجموعة الشمعة ، ناكر الاحسان، الرعد،
1/ الشمعة
لله يا الشمعة سالتك ردي لي سآلي
وش بيك فالليالي تبكي مدى انت اشعيلا
علاش يا الشمعة تبكي ما طالت الليالي
وش بيك يالي تتهيء لبكا فكل ليالي
وعلاش كتباتي طول الديجان كتلالي
وش بيك يالي وليتي من دا البكا عليلا
علاش كتساهر داجك ما سهرو نجالي
وش بيك يا لي ما رينا لك فلبكا مثيلا
وعلاش باكيا مدالك للباكي والسالي
وش بيك يا لي تنصرفي بدرارك الهطيلا
وعلاش باكيا روعتي ناس لهوى امثالي
وشبيك يالي ظاهر حالك حالة لى وحيلة
اذا نشوف لصفرارك يصفارلو خيالي
واذا نشوف دبلتك زادت لخاطري دبيلة
سلتك لله عد لي اش جرى لك
وعلاش باكية مدالك
وش كان قصتك وش نهو ذاك
اش نهو ذاك باش رق خيالك
وكمن قامتك حنحالك
وتبات باكية لحبابك وعداك
لي دون خفا اشكي بما فدخالك
و احكي قصتك نصغى لك
وانا قصيتي بها نتعداك
لو جيت يا الشمعة نحكي لك كل ما جرى لي
تنسى غرايبك و تسمعي لغريبتي طويلا
اذا باكية من نارك نيران في ادخالي
عد ت كل نار فداتي وجوارحي عليلا
واذا باكية بسقامك شوفي سقم حالي
من قيس وارثو بعد فناه سقم حب ليلى
واذا باكية بفراقك مفروق عن اوصالي
وعلى الفراق صابر وش صبرني على لعقيلا
وانت منين جاك احكي لي اولي وتالي
ما فارقة خليل بحالي ما فارقة خليلا
لله يا الشمعة سالتك ردي لي سآلي
وش بيك فالليالي تبكي مدى انت اشعيلا
سألتك لله عيد لي ما اصابك …….. اش كان قصتك فمصابك
لي احكي خطابك وانا نصغاك
الغريم فاللغا يسطابك
ويجول في حديثك وجواب لغاك
لو كنت ذات شاكية بهذابك……… يعماو بالبكا اهذابك
لو كان اللي كفاك تصرخي بلغاك
في صولة العمالة كنت وكانوا لي أبطالي
قبايل لجناح لا تحكي كيفها قبيلا
يشيدو بروج فلعمالة كل برج مالي
ويعمروا بروج من مواهب ربنا جزيلا
فيهم كيحجبو كيف الملوك فالليالي
وايام الربيع يخرجوا للبطايح الحفيلة
طلاب جاو الي هزمو بالحامية ابطالي
تركو عمالتي بعد العز فحالها ذليلا
وليت للعصارة شهد صفاوه من امصالي
صابوه قوت ودوا للذات الفانية العليلا
ومن امصالي صفاو شماعي يا اللي صغا لي
وحكايتي للقدام السيرة باقية طويلا
اسايلني يتدبروا لمسالك
تركوا حشاي في هالك
لو كان من الهند قوامي يهلك
داروني فتخوت زي ما يبدا لك
تبغي فقلبها عذالك
يتختوا حتى اسمتو بلاك
و خرجت من لتخوت لمهالك ……لقساوة الشموس كذلك
ذاتي يقصروا بهواجر وفلاك
وعلفتيل لفو توراقي يا لي صغا لي
بلا هوادة شعلوا فمواسطي فتيلا
نتفكر لعمالة و يزيد افراقها نكالي
نتفكر القصرة و تعود قلايدي هليلا
نتفكر العصارة وهجير الشاردة قبالي
ونقول وادب بكاي على ما صار لي اقبيلا
يحق لي بكاي على الغربة ما وجدت والي
يا مسلمين حبابي وسلامتي قليلا
شحال من عذاب جرى لي وبه ما نبالي
يا شوم ليعتي وبلايا وصادفت كل حيلا
شحال من هلاك جرى لي اما الشعيل تاليه
هذا لعشور فالواقع بيا غاية لقتيلا
يا وعدي و علاش يا الشمعة تبكي وانت فشان عالي
وجدوك يا الشمعة فمجالس رايقة حفيلا
وتبات يا الشمعة ترتي فضريح كل والي
وفشحال من مقام يشعلوك اهل الوسيلة
وتبات يا الشمعة بين اهل الشرح والامثالي
وعليك كيشرحو لكتب البازغة جميلا
وتبات يا الشمعة بين اهل المال والموالي
وعليك كيصرفو الاموال الطايقة الثقيلا
وتبات يا الشمعة بين العشاق ولغوالي
وعليك كيشاهد الخليل محاسن لخليلة
وتبات يا الشمعة فمساجد ربنا العالي
وعليك كيخرجو السلكات فليلة الفضيلة
نبغيك يا الشمعة تبكي في حرة الليالي
وانا على ذنوبي نبكي فمقام دار ليلى
لله يا الشمعة سالتك ردي لي سآلي
وش بيك فالليالي تبكي مدى انت اشعيلا
2/ ناكر الاحسان
المقدمة:
آش باقي يا قلبي ما تروم لولاف،واش باقي من خير ضن فالمعارف
وفعايلهم يا القلب صنوف
تركهم يا قلبي ترتاح من تشغاف،مادام ماحملتي عنهم الكلايف
لا رفاف فصحابنا لا معروف
والمعارف لردال باخسين لقصاد،اهل الكره والمناصف منهم نظرت يا القلب ألوف
ما يواكدوك فالشدة يا القلب لقصاف
غير سلم فيهم ياقلبي وساعف
صحبت اليوم سوقها معدوم
والمعرفة صنعة ولات يا العارف
بحورها ما سلكوه سفون بالمقادف،ترك الرياس حايرين وقوف
واه يا سيدنا عالمعارف وصاو النجا منهو عارف,ما فالولايف ما يتوالف،صيغ لقوال أ لوليف
سير يا ناكر الاحســان****ليام مشيت وراك بالقهر
و يبان البرهــــان****فيك يا من خان حبيبه
****
ما صبرني للتيهـــــان****غير نكايد و نزيد في الصبر
و عقيلي حيــران****شاكي من حر لهيبه
طول دجايا سهـــران****و قايبي بالزفرات ينعقر
ولـّيت كما اليرقــان****جرحي ما صاب طبيبه
لو نكمي سرّي يبــان****بعد خفيته يا لايمي ظهر
ركـّبت القومــان****عن سرّي بعد حجيبه
و انت قلبك حقــدان****ما شفك حالي زايد النفر
بشروط التيهـان****فعلك مازال تصيبه
****
عاشرتك بالصدق و الوفاء****و اللّي قي راك عارفه
و انت مني رايد الجفاء****مو انا وعدي كانصرفه
خفت عليك ياشارد العفاء****من دنبي بغيا تصادفه
ما يلقاك آمان
من تغرادي عل ساير العمر****و كثير الخثلان
ما يطلع عقبة ديبه
كيف يمنع العشران****من طيبه بين الناس ينشكر
ما يغدر لوكان****في الوكر معاه طليبه
شفبك ماشي زربان****غرّوك أهل الفيش و الفجر
من لا ليهم شان****غفي نهار الضد يغيبو
لاكني سير و كان****لابد كثير الجهد ينكسر
من بعد الذيدان****سيسان الغدر يريبو
****
كنت نضنك صاحب العقل****ما ترضى برفاقة الغشام
غرّوك أهل الفيش و البخل****من لا ليهم صولة و لا كلام
و تجبرتي ناقص الفعل****و جازيتيني بلا خصام
في غراد العديان
جزتيني يا صابغ الشفر**** و غواك الشيطان
مثلي محال تصيبه
لو جلت في البلدان****و تسالي البادية مع الحضر
ما توجدي إنسان****مثلي سخي بنصيبه
نفادي بالسلوان****ببساط العز و غاية الفخر
بوجود المزيان****و كل ما قال انجيبه
ما يقهرني خسران****راخي طرفي قدّام من حضر
نسخى بالتمام****في حق الزين نهيبه
****
ما يسلك مناهج الهدا****منه كيفك خارج الحدود
من ينصرك محال تنفدا****من حر الهجران مع الصدود
بي غير شفاية العدا****و كلام الحسّاد مع العقود
من درتيهم صدقان
سمحتي في يا خايب الطـّبع****في غراد الرقبان
و القلب كميت لهيبه
زدتي قلبي نـــيران****و انت هايم ما جبتلي خبر
قلبك حين اشيان****رجع قطران حليبه
كي قالو ناس زمــان****من دار الشر يموت بالغدر
و اللـّي جاد يبان****من دار الخير يصيبه
قبلك فاتو شبّــــان****ما دامت ليهم حالة الصغر
غير فلان فــلان****كبرو و ضحاو يشيبو
****
سير يا جافي من جانبي دفـع****ما باقي في خصامنا رجوع
فيك سمحت يا خايب الطبع****حين تبعتي لامة الفزوع
ما فيها طيبة و لا نــفع****عشرتك يا باخي السلوع
و ليا كنت شيهان
ركبتك يوم الحر المشتهر****قدّام الفرسان
و اليوم لغيت ركيبه
و ليا كنت بستـــــان****غنمنا حسن الياس و الزهر
و جنينا الاغصـان****و ثمارك قبل يطيبو
و ليا كنت مزيـــان****دوزت معاك أيام تنشكر
و شفـّيت بالاعيـان****في جمالك قبل يخيبو
ليام إلا تزيـــــان****تبني بنيان يشيد القصر
بزجاج و طيــقان****و النقش على ترتيبه
ليام إلا تشــــــــيان****كتكسف ضي الشمس و القمر
بعجاج و دخــّان****و نجوم الليل يغيبو
العفو بيد الرحمان****نجّاني منك شامخ القدر
نسعاه الغفران****لابد يهون صعيبه
3/ الرعد:
أصاح زارني محبوبي يامس كنت صايم
شهدة قطعت و جنيت الورد قالو كليت رمضان
مهجور قلت ما دالي
يا حبيب الخاطر ياك المريض يفطر
الرعد زام طبلو من بعد كناطر الصمايم
والبرق سل سيفو ويخبل في خيول لمزان
والـــريح فــارس يشـالي
عن عكاب العلفات عل الوغا مشمر
***
شد بند للفرجا عساكرو تلايم القزاح
وحرك بالمطار للبيدا حتى جرات ويدان
بـــحبها ســالي قــلبي
كــل فج من ديك الضبا مخضر
وبطايح النواور تضوّع منها نسايم
فصل اربيع هاذا ما كيفو في الزمان سلطان
وعلـــى اجــميع لقيـالي
عبقــري لابس منو دايرا موبر
مبسم الثنايا مشروح وجاد بالغرايم
بالورد والزهر عل لطيار الناشد اصبهان
فــرياض محتفل عالي
بين وردات النحلة شهـدها تعمر
***
من قلت الزيارة نتوهن ساخت لكوايم
معدوم بالجفى وحمولي مختالفة فالبدان
واليوم كيف يجرالي
الدوا قدامي ولا نطيق نصبر
الى يجودلي بالنظرة اللحظ للبها النايم
نزيدو على وداد الشهدة المجالسة بالامان
والغير ليس يزهالي
فالصفا عشقي حاشا فالمليح نهدر
حجة على هل الدعوة ما نصغى كلام لايم
قيس الزمان هدا يا من لا حاط بيه غيوان
فالزين ينشطن بالي
و الهوى من سيفوا دمي غزير يقطر
تارة تصيبني تايه ما بين لسواق هايم
تارة نغيب تارة نحضر حتى تقول سكران
فالحب هكدا حالي
غير سلم لي يا من لا بلاك و عدر
***
اما سهرت فهوايا ونتا فالسرور نايم
اما بكيت ساعت نغتاض والقلب ليك صفوان
وما نهل دنجالي
و القليب مهيج من لبكا مكدر
و انا مشايخي تحت قدامك لاحت لعمايل
لو كان كان قلبك نصراني لا غناه يليان
مفقود راحتي مالي
ياك تعرف حالت المغروم ماينهجر
عيت مانعزم مانفعت فالهوى عزايم
وبلا سباب غير نخمم و فكل ساع ديوان
بالطور بارة حيالي
كان عند المولى تدبيرنا مدبر
هدا شحال وانا قرصاني عايز لغنايم
واليوم ساعدو ريح سعيد على لوصال عوان
هو رماه لرمالي
رايصو على لغنيمة خرجوا يدور
رصى مخاطفو فالمرصى و تكلمو زرايم
خرجوا هل لمدينة قالوا هدا الرايس فلان
ندى سرورها فالي
في سواق الفرجات دخايري تشهر
***
قلبي كبير مشروح صغير الراصف فالولايم
طبعي رقيق ما بين رباب الفن ليس لوهان
حتى نبر بخيالي
عاد يندم من كان فعيبنا مكتر
صافي من لعيوب ولا انا شي صاحب لجرايم
عمري ما النافق انسان و لا كليت رمضان
الا شطارة شغالي
الكريم طلبتو في ما عصيت يغفر
لولا سماحتو جفني في بحر الذنوب عايم
بالسر و الجهر فكوابو نسعى العفوغفران
فالاولي مع التالي
الدنوب الفايت و لي عاد يصدر
ارافع السماوات جعلني للصلاح رايم
بدل سيئتي يالحسنى ولا نروم شيطان
ولا تخيب سالي
يا العلم بالقلب من الوزار طهر
|