[د أنس البن]

يا دكتور محمد بك إرفع كل ما عندك
على رأى سى إسلام لو اسطوانه فاضيه ارفعها
وبعدين احنا شعب عجيب وله حيل وأساليب تلقائيه
وفى منتهى الذكاء ولا تنتهى
لمقاومة المستبدين أو الظلمه
وكذلك يملك من الحيل ما يؤيد به زعماءه
من غير ما المستعمر أو الحاكم أو الرقيب ياخد باله
وبيعرف ازاى يقرطسهم
ولن ننسى يا بلح زغلول وشال الحمام حط الحمام
والمعنى بهما الزعيم سعد زغلول
وكمان دور عشنا وشفنا سنين ومن عاش يشوف العجب
كتبه الشاعر اسماعيل صبرى للتنديد
بمعاهدة الفصل بين مصر والسودان
ولذلك يقول فى الدور :
شربنا الضنى والأنين جعلناه لروحنا طرب
وغيرنا تملك وصال واحنا نصيبا الخيال
كده العدل يا منصفين
أى أن المحتل الانجليزى تملك وصال وجال
لكن كلمة وصال كانت تبدو فى الدور
وكأنها تعنى الوصل وليس الصوله
وكذلك كلمة "وصدق المعاهده شرف"
كانت فى الأصل مكتوبه "وصدق الموده شرف"
وكان المؤدى يحتال فى الأصل لينطقها المعاهده
وكأنه يقول الموده
وهو فى الحقيقه يشير الى معاهدة التقسيم
وبعد .. فيه حد شاف شعب جبار ومفترى زى الشعب المصرى
لكن تقول ايه طول تجربته مع المستعمر من أيام الهكسوس الى الرومان الى الأتراك والمماليك والانجليز وانتهاء بالحزب الوطنى
, علمته وسائل فى المقاومه الناعمه لا تخطر على بال
ولعل أشهرها كلمة "طز يا عاشور"
التى قيلت لعاشور المحتسب التركى
وهو يحاول أن يأخذ ضريبه على محصول القمح
فوضعوا فوق كوم القمح ملح
وقالوا له طز يا عاشور أى ملح
وطبعا شربها المغفل
قصص هذا الشعب فى مقاومة الاستبداد
عندما تضيق به السبل
فى التاريخ القديم والحديث لا تنتهى ولن تنتهى باستخدام التوريه أو الكلمه أو الكاريكاتير الرمزى أو النكته أو التلاعب بالحروف والمعانى أو ...... كلام كتير كتير