رد: عبد الصاحب شراد
غنا الـمطرب عبد الصاحب شراد الكثير للشاعر ( عدنان السوداني )
و من هذه الأغاني
أغنية ( سفرتكم )
كـلمات الشاعر ( عدنان السوداني ) من ديوانه ( كلام و لحن )
الحان ( محمد نوشي )
غناء عبد الصاحب شراد
سفرتكم
سفرتكم لا اطولوها و ايام الحب تنسوها
راح ترحون ما تدرون
اگلوبنا اوياكم اخذتوها
بالسلامه راح تمشون و بالخير النا اتعودون
يحباب لا تتعطلون ارواحنا اتأذوها
انودعكم غصبن يحباب صعبه علينا كل اغياب
لو ما لسفرتكم اسباب چان اطلبنا اتعطلوها
مع السلامه احنه انگول بس لا السفر وكته ايطول
خلوله موعد معقول و ايامنا اتذكروها
-----
الأغنية 👆🏿👆🏿👆🏿مثبتة في ديوان الشاعر ( عدنان السوداني ) ( كلام ولحن )
أغنية ( عجيبه )
كلمات الشاعر ( عدنان السوداني ) ديوان ( كلام و لحن )
الحان ( رضا علي )
غناء ( عبد الصاحب شراد )
أغنية ( اشوفك )
كلمات الشاعر ( عدنان السوداني ) ديوان ( كلام و لحن )
غناء ( عبد الصاحب شراد )
اشوفك
اشوفك وين يا غالي و لاگيك آه يمدلل احب وصلك
سرور العين لو شافت معانيك آه يمدلل احب وصلك
دليلي اهواي مشتاگ الجمالك آه يمدلل احب وصلك
يهزه الشوگ و يهيم ابخيالك آه يمدلل احب وصلك
يتيه اعلى البعد بالحب يناديك
حبيبي الريح لو هب و تنسم آه يمدلل احب وصلك
حنان الروح بنسامه ايتجسم آه يمدلل احب وصلك
على النسمات روحي اتظل تحييك
احب الروض و استهوى زهوره آه يمدلل احب وصلك
و احب الحان تنشدها طيوره آه يمدلل احب وصلك
اشوف الروض و اشتاگ الروبيك
----
الأغنية 👆🏿👆🏿👆🏿مثبتة في ديوان الشاعر ( عدنان السوداني ) ( كلام ولحن )
أغنية ( يسرى و يمنى )
كـلمات ( عدنان السوداني ) ديوان ( كلام و لحن )
الحان حسين محمود
غناء عبد الصاحب شراد
يسرى و يمنى
يسرى و يمنى ادير العين ما شرفك يمي يا زين
يا امعودني عالافراخ وجهك عني غاب و راح
من بعد ما چنه اثنين
چنت احسب آني يهواي للتالي تبقى انت أوياي
ثاري الزمن عنده راي مهيني بالحب گلبين
انت البدر و اتخفيت و آنه ابظلامه ظليت
محتار ادور تميت و انشد عليك الـماشين
روحي الـما مالت للغير تبقى وحدها اشلون ايصير
ما ظلي غير التفكير و اسأل عليك انت وين
-----
الأغنية 👆🏿👆🏿👆🏿مثبتة في ديوان الشاعر ( عدنان السوداني ) ( كلام ولحن )
أغنية ( تتندم )
كلمات الشاعر ( عدنان السوداني )
غناء ( عبد الصاحب شراد )
|