الكلمه الحلوه
كلمات
فتحي قوره
الحان
الموسيقار فريد الاطرش
غناء
عبد اللطيف التلباني
الكلمه الحلوه اتقالت والعين سبقتنا وقالت
وبقينا اتنين وياويل لتنين
لو بين لتنين فيه تالت والكلمه الحلوه اتقالت
بصينا لبعض لقينا حبنا باين في عنينا
وغلبنا الشوق لاعرفنا مين احنا ومين حوالينا
سلمت عليّ رديت بعنيّه
من غير ما إيديك تلمسها ايديّه
وبقينا اتنين وياويل لتنين
حبك في رموشي داريته عن كل الناس خبيته
وفي يوم ماقابلتك قلبي دورت عليه مالقيته
اتاريه على بابك من يومها ماسابك
خد مني شبابي وادّاه لشبابك
وبقينا اتنين وياويل لتنين