رد: دروس في الهارموني النغمي التقليدي و الهارموني الحديث
السلام عليكم
انا بتعلم قراءة النوتة + العزف على الأورج من فترة بسيطة شهرين أو أقل، تعليم ذاتي من النت. وفي بعض النقط أو الافتراضات اللي أنا فاهمها بشكل معين و عايز حضرتك تأكدلي أو تصلحلي مفهومي :
1 - الهارموني شىء خاص بالمعزوفات المكتوبة لآلة البيانو الغربي فقط، و بيتم تنفيذه عن طريق ال 3 أو 4 مفاتيج اللي بضغط عليهم مرة واحدة بصوابع إيدي الشمال. و موجود أكتر في الألحان الكلاسيكية الغربية -بيتهوفن مثلا- و الغربية الحديثة كمان.
2- بناء على فهمي لرقم واحد، لما آجي أعزف حاجة من نوتات مطربي الزمن الجميل (فريد مثلا)، بقول إن مصطلح هارموني ملوش تعريف هنا لأن ده لحن بياتي معمول على عود مثلا (مش بيانو بقى) و إن النوتة نفسها مفهاش أى دلالة لأى هارموني (مفتاح صول عليه الميلودي الأساسية (موسيقى + غناء)، لكن كل حاجة ماشية في خط أفقي فقط) .
3 -أنا في معلومة قريتها إن الهارموني بيتحقق لما مثلا 3 آلات مختلفة تلعب في نفس اللحظة (مثلا: دو - مي - صول) كل آلة تعلب نغمة منهم .. أنا فهمت اللي قريته صح ؟ و يبقى تصنيفه ايه او مسماه هارموني حديث أو قديم ؟
4- بما اني مبتدىء فأجلت تدريب إيدي الشمال لحد ما أتمكن أولا من تدريب إيدي اليمين لحد ما أشوف الدنيا حاتمشي ازاى معايا في تعلم الموسيقى لو الدنيا مشيت كويس أخش على الشمال أدربها فضلا عن إن المعتقدات 1 ، 2 بتقول إني نادرا ما حاحتاجها إلا لو بعزف حاجة غربي أو شرقي حديث من أغاني دلوقتي... فهل دي فكرة صائبة اني مادربش ايدي الشمال؟
|