مدد يا أهل المدد ... يا بخت اللى اتْسَعَدْ
و شِرِب من شهد نيلك ... و بعشقك اتْوَعَدْ
-------
يا حلوة بين جيرانك ... ماحد يزِيِنْ مَكَانِك
ربِك هوَّه الِّلى صانك ... محفوظة للأبدْ
مدد يا أهل المدد ... يا بخت اللى اتسعد
و شرب من شهد نيلك ... و بعشقك اتوعد
-------
مَهْما يمُر الزمنْ ... هاتهون كل المحَنْ
و يِتْعَافَى البَدَنْ ... و الفَجْر هايِتْوَلَدْ
مدد يا أهل المدد ... يا بخت اللى اتسعد
و شرب من شهد نيلك ... و بعشقك اتوعد
-------
يا ساكنة فى القلوب ... شمسك مالهاش غروب
عن حبك مِينْ يِتُوبْ ... و انتى أعظم بلد
مدد يا أهل المدد ... يا بخت اللى اتسعد
و شرب من شهد نيلك ... و بعشقك اتوعد
-------
يا ام النيل و الرجال ... و الُّلقمة بالحلال
حَطْ المجد الرحال ... على أرضك و اتْوَلَدْ
مدد يا أهل المدد ... يا بخت اللى اتسعد
و شرب من شهد نيلك ... و بعشقك اتوعد
__________________
دى فضفضة من قلم رغم الألم ... حسَّاس
مهموم بِهَمْ الناس
يمكن تضيئ كلمته ... العقل جوة الراس