فَقْدْ الأم دى حاجة تغُمْ
مهما بقيت صلب و متعافى ... تحس بيتمْ
و لا فِيهْ كَفْ يطَبْطَبْ حانى .. لما تعانى
و لا دِرَاعَاتْ فى الفَرْحْ تضُمْ
و لا واحة .. تاخْدَكْ بالراحة
تِغسِلْ فيها وجع الدنيا و تِنْسَى الهَمْ
أول أنثى تهِّزْ كَيَانَّا
أول صوت فى وِدَانَك غَنَّى
أول كِلمة نَطَقْهَا لِسَانَّا ... كلمة أمْ
يالِّلى معاك أمك اسعِدْهَا
خُدْهَا نَصِيِحَة مِنِ الِّلى فَقَدْهَا
أُمَّكْ كِنْزْ بِمَلْوْ الفُمْ
__________________
دى فضفضة من قلم رغم الألم ... حسَّاس
مهموم بِهَمْ الناس
يمكن تضيئ كلمته ... العقل جوة الراس