الموضوع: حسن مختار صقر
عرض مشاركة واحدة
  #6  
قديم 29/09/2006, 13h44
الصورة الرمزية د أنس البن
د أنس البن د أنس البن غير متصل  
نهـر العطاء
رقم العضوية:688
 
تاريخ التسجيل: mars 2006
الجنسية: مصرية
الإقامة: مصر
المشاركات: 8,297
افتراضي مشاركة: Re: أستاذ الموسيقى والطرب حسن مختار صقر يا لمانى يلا يا لمانى

اقتباس:
المشاركة الأصلية كتبت بواسطة Ossama Elkaffash مشاهدة المشاركة
يا سلام على الحلاوة يا عمنا مين الجدع ده بقى ياريت ترفع لنا معلومات عنه في الموسوعة
والله يا دكتور أسامه الواحد ما عاد عارف حاجه كل يوم والتانى بنكتشف درر مطموره تحت التراب فى تراثنا الجميل ذوقا وفنا الضخم عددا ونسمع أسامى لفنانين لم نكن نعلم عنهم كلمه واحده وتاهوا فى زحمة التاريخ وتداعى الأحداث وربما تلاقى الواحد أو الواحده منهم طلع زى نجمة السما اللى كنا بنشوفها فى بعض الليالى تتوهج للحظات ثم لا تلبث أن تتهاوى فى الفضاء السحيق
المهم الراجل ده من ساعة ماسمعته وانا دايخ ومش قادر أتصور إن صوت بكل هذا الجمال لايعرف عنه أحد أى شئ . تأمل آداؤه فى هذه المقطوعه الصغيره او فى الموال الذى رفعته سترى آداء عجيب وفريد خلانى كنت عاوز اخبط راسى فى أى حاجه واسأل نفسى السؤال المكرر الممل الناس دى كانت عاشه فين وازاى مؤكد الهواء اللى بيستنشقوه غير هوا اليومين دول والأكل اللى كانوا بياكلوه أكل مختلف خالى من الكيماويات والمسرطنات والبيوت اللى عايشين فيها مرحرحه وبسيطه والشوارع اللى كانوا بيمشوا فيها كانت ايه ومعاملاتهم مع بعض كانت ازاى وكانوا بيسمعوا ايه ومين وكانوا بيشوفوا ايه حواليهم وبيلبسوا ايه حتى مشاكلهم كانت مختلفه أكيد عن الكوارث اللى احنا بنعيشها كل لحظه قال وبيسموها سلبيات أو تجاوزات وهيه مصايب تهد جبال وتحرك الصخر
معلش قلبت عليك وعلى الزملا المواجع لكن فى النهايه فيه حاجات غلط والدليل هو ماوصلت اليه أحوالنا فى كل أنواع الفنون من الفن الأول حتى الفن السابع
__________________
إذا ما الطائر الصداح قد هدهده اللحن
ورفت نسمة الفجر على أشجانه تحنو
هناك السحر والأحلام والألحان والفن
نجيب سرور
رد مع اقتباس